२ तीमोथी 2:8 - चेपाङ

⁸ राजा दाउदको सन्‍तान येसु ख्रिस्‍त सिओसय उह्‍ति च्‍योक्‍सास्‍यावो कुराको सधय सम्‍झना जाह्‍ङु। ङाइ मान्‍तालमकाय प्रचार जाह्‍ङो पेओ खबरखे इले खेना,

२ तीमोथी 2:8 Iomraidhean Croise

लुका 24:46

येसुइ ओउमयकाय तोसास्‍यावा, “धर्‌मसास्‍त्रहाङ लेखओ मुना— ख्रिस्‍तइ दुख दोःसा र सिसा, अनि सुम दिनहाङ सिओसय उह्‍ति च्‍योक्‍सा परलेना।

खबरदुत 13:23

परमेस्‍वरइ लयइ बाचा जाह्‍ङ्‍सास्‍यावो अनुसारले दाउदको बङ्‍ससय मुक्‍तिदाता येसु इस्राएलको लागि बइसास्‍यावा।

खबरदुत 2:24

तर परमेस्‍वरइ येसुकाय सिओसय छुत्‍कारा जाह्‍ङ्‍सास्‍यावा, र रुवाङहाङ फेरि स्‍याक्‍ताक्‍सास्‍यावा। धइतिदाह्‍य्‌सा येसुकाय सिमयको जिःङको अधिनहाङ स्‍याउति मुसाकाय सम्‍भब नाःआक्‌ल।

खबरदुत 2:30

दाउदखे यातचाक अगमबक्‍ता खेतो, र परमेस्‍वरइ ओउकुस बाचा जाह्‍ङ्‍सास्‍यावो कुरा ओउइ चिःओ खेतो। परमेस्‍वरइ दाउद राजा स्‍यावोलेखाले, ओउको सन्‍तानलम मध्‍येसयले यातचाककाय राजा जाह्‍ङ्‍लेनाङ त दाह्‍य्‌ति बाचा जाह्‍ङ्‍सास्‍यावो खेतो।

२ थेसलोनिकि 2:14

निइ निङकाय पेओ खबर प्रचार जाह्‍ङ्‍तोकहाङ परमेस्‍वरइ निङकाय मुक्‍तिको लागि गोत्‍सास्‍यावा, अनि द्‍याहखे निङइ ओउ पेओ खबरहाङ बिस्‍वास जाह्‍ङ्‌ति निको प्रभु येसु ख्रिस्‍तको महिमाको भाक दोःसा खाइतेनानि।

१ तीमोथी 1:11

ओउ नेम-कानुनखे निको महान् परमेस्‍वरकसय वाङो महिमित पेओ खबर अनुसार पालन स्‍याउसापरना। अनि इ पेओ खबर मान्‍तालमकाय तोसाको लागि परमेस्‍वरइ ङाकाय छ्‍युह्‍ङ्‍सास्‍यावो मुना।

१ तीमोथी 2:7

ओउतझ्‍यान्‍ते अरु जातिको मान्‍तालमकाय बिस्‍वास र सत्‍यको इ खबर तोति बइसाको लागि परमेस्‍वरइ ङाकाय प्रचारक र खबरदुतको रुपहाङ छ्‍युह्‍ङ्‍सास्‍यावा। ङाइ तोओ कुराखे सत्‍यले खेना, ङाइ माःओ नाःङल।

२ तीमोथी 1:8

ओउतझ्‍यान्‍ते निको प्रभुको बारेहाङ मान्‍तालमकाय गभाइ बइसा जुगाङमा रासलाम, अनि ओउतले ङा प्रभुको लागि झेलकनहाङ परओको बारेहाङमा रासलाम। बरु ङाकुसले पेओ खबरको लागि दुख दोःसाकाय तयार स्‍याव, अनि ओउ दुख सहसाको लागिखे परमेस्‍वरइले जिःङ बइसास्‍याउलेना।

२ तीमोथी 2:7

ङा दोह कुरा नोःधय मुनाङ त दाह्‍यो कुराकाय ध्‍यान बइति सोचउ, धइतिदाह्‍य्‌सा प्रभुइले नाङकाय इ जुदा कुरालम चिःसाकाय सहयोग जाह्‍ङ्‍सा स्‍याउना।