२ तीमोथी 2:3 - चेपाङ

³ ख्रिस्‍त येसुको पेओ सिपाहि लेखाले, नाङमा ङाकुसले दुख दोःसाको लागि तयार स्‍याव।

२ तीमोथी 2:3 Iomraidhean Croise

खबरदुत 23:31

ओहाङसयको सिपाहिलमइ सेनाको हाकिमिको आग्‍या अनुसार ओउ राह्‍मसयले पावलकाय एन्‍तिप्‍यात्रिस सहरसम्‍म लात्‍ति आःलाकानि।

१ तीमोथी 1:18

तिमोथि, नाङ ङाको लयको चोः लेखाले खेतेना, ओउतझ्‍यान्‍ते केहि अगमबक्‍तालमइ नाङको बारेहाङ नोःओ अगमबानि अनुसार ङाइ नाङकाय इ आग्‍या बइनेनाङ। ओउ अगमबानिइ नाङकाय प्रभुको लागि युद्‍ध जाह्‍ङ्‍साको लागि साहस बइतेपाना।

२ तीमोथी 1:1

इ चिथिखे ख्रिस्‍त येसुको खबरदुत स्‍याउसाको लागि परमेस्‍वरइ लयको इच्‍छ्‍या दुवारा छ्‍युह्‍ङ्‍सास्‍यावो ङा पावलको तर्‌फसय खेना। परमेस्‍वरइ ख्रिस्‍त येसुहाङ बिस्‍वास दुवारा बाचा जाह्‍ङ्‍सास्‍यावो रुवाङको बारेहाङ अरु मान्‍तालमकाय ल्‍हाक्‍ति छ्‍यान्‍साको लागि ङाकाय ल्‍होक्‍सास्‍यावो खेना।

२ तीमोथी 1:8

ओउतझ्‍यान्‍ते निको प्रभुको बारेहाङ मान्‍तालमकाय गभाइ बइसा जुगाङमा रासलाम, अनि ओउतले ङा प्रभुको लागि झेलकनहाङ परओको बारेहाङमा रासलाम। बरु ङाकुसले पेओ खबरको लागि दुख दोःसाकाय तयार स्‍याव, अनि ओउ दुख सहसाको लागिखे परमेस्‍वरइले जिःङ बइसास्‍याउलेना।

२ तीमोथी 2:10

ओउतझ्‍यान्‍ते परमेस्‍वरइ छ्‍युह्‍ङ्‍सास्‍यावो मान्‍तालमइ ख्रिस्‍त येसुहाङ मुक्‍ति र अजम्‍बरि महिमा दोःपनय त दाह्‍य्‌ति ङाइ जुदा कुरा सहनाङ।

२ तीमोथी 2:9

र ओउ पेओ खबर प्रचार जाह्‍ङो कारनइले ङा देङे दुख दोःति मुनाङ र अपराधिको रुपहाङ झेलकनहाङ साङ्‍लाइ पाःन्‌तिगमो मुनाङ। तर परमेस्‍वरको आखरकायखे साङ्‍लाइ पाःन्‌सा खाइलेल।

२ तीमोथी 3:11

एन्‍तिओखिया, आइकोनियन, र लुस्‍त्रा सहरलमहाङ ङाइ गच्‍युक दुख दोःआलाङ त दाह्‍यो कुरामा नाङइ पेतोकुसिले चिःओ मुतेना। तर ओउतताह्‍ङो दुखको अबस्‍थालमसयमा प्रभुइले ङाकाय दल्‍ताक्‍सास्‍यावो खेना।

२ तीमोथी 4:5

तर नाङइखे हरेक अबस्‍थालमहाङमा लयको मनकाय अनुसासनहाङ गमु। प्रभुको लागि दुख दोःसाकाय नाङ जुगाङमा रइलाम। बरु अरु मान्‍तालमकाय पेओ खबर प्रचार जाह्‍ङु, र परमेस्‍वरइ नाङकाय बइसास्‍यावो सेवाको कामकाय पुरा जाह्‍ङु।