२ तीमोथी 2:25 - चेपाङ

²⁵ ओउमयइखे लयको बिरोत जाह्‍ङो मान्‍तालमकाय अर्‌थि बइतोकहाङ नम्र स्‍याउति बेबहार जाह्‍ङ्‍सा परना। सायद ओउत हाइतोकहाङ परमेस्‍वरइ ओउ बिरोत जाह्‍ङो मान्‍तालमको ल्‍हुङतुककाय परिवर्‌तन जाह्‍ङ्‍सास्‍याउना, र ओउमयइ परमेस्‍वरको सत्‍यताकाय चिःसा खाइनानि।

२ तीमोथी 2:25 Iomraidhean Croise

मर्‌कस् 1:15

येसुइ तोसास्‍यावा, “परमेस्‍वरइ बाचा जाह्‍ङ्‍सास्‍यावो समय वाङ्‌तिखायो मुना, र रेह्‍न्‌तोले परमेस्‍वरइ राजा स्‍याउति राज्‍य जाह्‍ङ्‍सास्‍याउलेना। निङइ लयको पापको पस्‍ताप जाह्‍ङ्‍नु र परमेस्‍वरको पेओ खबरहाङ बिस्‍वास जाह्‍ङ्‍नु।”

खबरदुत 11:18

जब ओउमयइ इ कुरा सायाकानि, ओउमयइ आलोचना जाह्‍ङ्‍सा फेआकानि र एतदाह्‍य्‌ति परमेस्‍वरको प्रसङ्‍सा जाह्‍ङ्‍सा फाःङाकानि, “अरु जातिको मान्‍तालमकायमा लयको पापको पस्‍ताप जाह्‍ङ्‍सा र अजम्‍बरि रुवाङ दोःसाको लागि परमेस्‍वरइ मउका बइसास्‍यावो मुना त दाह्‍यो कुरा देङे निइ चिःनातह्‍य्‌नि।”

खबरदुत 2:38

अनि पत्रुसइ मान्‍तालमको हुलकाय तोआकान, “निङ जुदाले लयको पापको पस्‍ताप जाह्‍ङ्‌ति परमेस्‍वरकताङ द्‍याह्‍न्‌सा परतेनय, र लयको पाप छेमाको लागि येसु ख्रिस्‍तको मय्‍ङहाङ बप्‍तिस्‍मा लेःसा परतेनय। अनि निङइ परमेस्‍वरको बरदान पबित्र ग्‍वालाम दोःलेतेनय।

खबरदुत 20:21

ङाइ यहुदिलम र अरु जातिको जुदा मान्‍तालमकाय पस्‍ताप जाह्‍ङ्‌ति परमेस्‍वरकताङ वाङ्‍न, र निको प्रभु येसुहाङ बिस्‍वास जाह्‍ङ्‍नु त दाह्‍य्‌ति तोआलाङ।

खबरदुत 5:21

जब ओउमयइ इ कुरा सायाकानि, ओउमय बिहान सइबरले मन्‍दिरको आङ्‍गनहाङ पोकाकाय र मान्‍तालमकाय स्‍यान्‍सा फाःङाकानि। ताह्‍ङो पुजारि र ओउको होयालमइ इस्राएलको जुदा अगुवालमकाय ताह्‍ङो सभाहाङ गोताकानि। अनि झेलकनहाङ कुङ्‌तिगमो मुख्‍य चेलालमकाय सभाहाङ वान्‍साको लागि ओउमयइ आग्‍या जाह्‍ङाकानि।

खबरदुत 5:31

अनि परमेस्‍वरइ येसुकाय राजकुमार र मुक्‍तिदाताको रुपहाङ लयको ङोइसयको सम्‍मानित थाउहाङ गम्‍सास्‍यावो मुना। इस्राएलको मान्‍तालमइ लयको पापकाय चिःति पस्‍ताप जाह्‍ङाक्‍तिको पाप छेमा दोःपनय त दाह्‍य्‌ति परमेस्‍वरइ एत जाह्‍ङ्‍सास्‍यावो खेना।

खबरदुत 8:22

ओउतझ्‍यान्‍ते नाङको इ दुस्‍त बिचारकाय पस्‍ताप जाह्‍ङ्‌ति प्रभुकुस प्राथना जाह्‍ङु, सायद प्रभुइ नाङको ल्‍हुङतुकको दुस्‍त बिचारकाय छेमा बइसास्‍याउना।

१ तीमोथी 2:4

जुदा मान्‍तालमइ मुक्‍ति दोःओ र लयको सत्‍यताको बारेहाङ चिःओ परमेस्‍वर चाहसास्‍याउना।

१ तीमोथी 6:11

तर तिमोथि, नाङपाय परमेस्‍वरको मान्‍ता खेतेना, ओउतझ्‍यान्‍ते ओउतताह्‍ङो दुस्‍त कुरालमकसय नाङ दल्‍ति मुअ। परमेस्‍वर झाको अनुसारको कामलम जाह्‍ङु र धार्‌मिक्‍ताहाङ परमेस्‍वर लेखाले स्‍याउसा कोसिस जाह्‍ङु। बिस्‍वासिलो स्‍याव, र अरु मान्‍तालमकाय रापु। अनि समस्‍यालम वाङ्‍तोक बेलाहाङ धइरे जाह्‍ङु, र जुदा मान्‍तालमकुसि नम्र बेबहार जाह्‍ङु।

२ तीमोथी 3:7

ओउ मोम्‍चोलम केहि नया कुरा चिःसापाय चाहनय, तर सत्‍य कुराकायखे गलमा चिःसा खाइलेनिलि।

तीतस् 1:1

इ चिथिखे परमेस्‍वरको सेवक अथबा येसु ख्रिस्‍तको खबरदुत ङा पावलको तर्‌फसय खेना। परमेस्‍वरइ छ्‍युह्‍ङ्‍सास्‍यावो मान्‍तालम गतहाइति परमेस्‍वरकहाङ बिस्‍वासिलो स्‍याउति मुसा परना, र गतहाइति परमेस्‍वर झाक्‍तो स्‍याउति याक्‍सा परना त दाह्‍यो सत्‍य कुरा ओउमयकाय चिःताक्‍साको लागि सहयोग जाह्‍ङ्‍लाङ परमेस्‍वरइ ङाकाय ल्‍होक्‍सास्‍यावो खेना।

तीतस् 3:2

ओउमयइ सुकायमा पेमालो दुस्‍त कुरालम तोजेलाम, र सुकुसिमा कायकायो काम जाह्‍ङ्‍जेलाम। बरु नम्र स्‍याउति जुदाकुसिले मिलति मुजेपनय।