२ तीमोथी 2:19 - चेपाङ

¹⁹ तर परमेस्‍वरको मान्‍तालमकुसखे बल्‍यो तोस मुना र ओउ गलमा दगलेल। ओउ तोसहाङले परमेस्‍वरइ एतदाह्‍य्‌ति लेखसास्‍यावो मुना— “सु मान्‍तालमखे लयको खेनय त दाह्‍यो कुरा प्रभु परमेस्‍वर लयइले चिःसास्‍याउना” र “ङा प्रभु परमेस्‍वरको मान्‍ता खेनाङ त दाह्‍यो मान्‍तालमइखे पेमालो दुस्‍त कामलम जाह्‍ङ्‍सा फेसा परलेना।”

२ तीमोथी 2:19 Iomraidhean Croise

मर्‌कस् 12:16

ओउमयइ रोमि चान्‍दिको यातज्‍यो ध्‍याक वान्‍ति येसुकाय ल्‍हाआकानि, र येसुइ ओउमयकाय ह्‍वत्‍सास्‍यावा, “इहाङ सुको अङ्‌सि र मय्‍ङ मुना?” ओउमय त्‍याङाकाय, “रोम देसको माहाराजाको।”

मर्‌कस् 13:22

धइतिदाह्‍य्‌सा स्‍याताहा ख्रिस्‍तलम र स्‍याताहा अगमबक्‍तालम थालेनय, र ओउमयइ ग्‍याह्‍ङ्‌सिओ चिनो र कामलम जाह्‍ङ्‍लेनानि। अनि ओउमयइ खाइच्‍युकसम्‍म परमेस्‍वरको छ्‍युह्‍ङो बिसेस मान्‍तालमकायमा धोका बइलेनानि।

लुका 13:27

तर ओउइ फेरि तोतेनय, ‘ङाइ निङकाय तोनेनाङ्‍स, निङ सु खेतेनय ङाइ दोङ्‌सिले तह्‍य्‌नेङसल, र निङ गाहाङसय वाङो ओउमा ङाइ चिःङल। निङ जुदा दुस्‍त मान्‍तालम, इहाङसय ग्‍ल्‍युह्‍ङ्‌ति पाह्‍य्‌न!’

लुका 6:48

ओउपाय यातज्‍यो किम जाह्‍ङो मान्‍ता लेखाले खेना, ओउइ ज्‍युह्‍म्‌तो द्‍याःउति लयको किमको तोस सिलाबाङहाङ जाह्‍ङाकान। जब होह्‍ङ्‍रोक तिः होति वाङा, ओउ तिःइ ओउ किमकाय ओल्‍सा खायुलु, धइतिदाह्‍य्‌सा ओउ किम पेतो जाह्‍ङो खेतो।

खबरदुत 11:26

जब ओउइ सावलकाय क्रुसाकान, ओउइ ओउकाय एन्‍तिओखियाहाङ वानाकान। ओउनिस निसचाकमा नाःतो मान्‍तालमकाय स्‍यान्‍धय मन्‍दलिको मान्‍तालमकुस यात बर्‌सच्‍युककायले मुआकाच। जुदासय ङ्‍हा एन्‍तिओखियाको बिस्‍वासिलमकायले ख्रिस्‍तियान त दाह्‍य्‌ति तोआकानि।

खबरदुत 15:17

अनि ङाइ ङाको मान्‍ता स्‍याउलाङ गोतो अरु जातिको जुदा मान्‍तालम ङाकहाङ वाङ्‌लेनय।

खबरदुत 9:14

अनि ओउ नाङकाय बिस्‍वास जाह्‍ङो जुदा मान्‍तालमकाय पक्रसाको लागि मुख्‍य पुजारिलमकसय अधिकार दोःति दमस्‍कसहाङ वाङो मुना।”

१ तीमोथी 3:15

तर यदि ङा नाङकहाङ रेह्‍न्‌तो वाङ्‍सा खाइङल त खेयाकायमा, परमेस्‍वरको माचरलम गतहाइति याक्‍सा परना त दाह्‍यो कुरा नाङइ चिःओ ङा चाहनाङ। परमेस्‍वरको माचर त तोओखे जिउदो परमेस्‍वरको मन्‍दलि, अनि सत्‍य आखरको तोस र धुर्‌कुन खेना।

१ तीमोथी 6:19

ओउतहाइतिले ओउमयइ लयमयको लागि सत्‍य धन-सम्‍पति त्‍युह्‍म्‌नानि, र ओउखे ओउमयको लोन्‍हेको रुवाङको लागि बल्‍यो तोस स्‍याउलेना, र ओउत जाह्‍ङ्‍तोकहाङखे ओउमयइ सत्‍य रुवाङ दोःलेनय।