२ तीमोथी 2:18 - चेपाङ

¹⁸ सिओसय उह्‍ति च्‍योको काम ङ्‍हाखाले स्‍याउतिखायो मुना त दाह्‍य्‌ति ओउनिसइ सत्‍यको ल्‍यामकाय फेआकाचु। एतहाइति ओउनिसइ केहि बिस्‍वासिलमको बिस्‍वासकायमा मिह्‍तो जाह्‍ङ्‍ताक्‍धय मुनाच।

२ तीमोथी 2:18 Iomraidhean Croise

लुका 8:13

ओउ बाङराङहाङ दिह्‍लाङ आलो बियाइखे इ चिःताक्‍नउ, कि ओउमयइ परमेस्‍वरको आखर साइति आसति त्‍याक्‍नानि। तर ओउमयकुस ज्‍युह्‍म्‌तो रुत नाःमालोझ्‍यान्‍ते आखरकाय लयको ल्‍हुङतुकहाङ पेतोकुसि गम्‍सा खाइनिलि। ओउत स्‍याउधार्‌ना ओउमयको बिस्‍वास यातछिनकाय मात्र स्‍याउना, अनि दुको र दुखको बेलाहाङ पतन स्‍याउना।

खबरदुत 5:39

तर यदि इ काम जाह्‍ङ्‍साकाय परमेस्‍वरइले आग्‍या जाह्‍ङ्‍सास्‍यावो खेयापाय, निङइ ओउमयकाय रोकसा खाइतेनिलि। निङपाय परमेस्‍वरको बिरोत जाह्‍ङोलेखाले स्‍याउतेनय।” यहुदि सभाको सदस्‍यलमइ गमलिएलको सल्‍लाह ग्‍याआकाय।

१ तीमोथी 1:19

लयको बिस्‍वासकाय ख्रिस्‍तहाङ गम्‍ति सुद्‍ध बिबेक अनुसार काम जाह्‍ङु। धइतिदाह्‍य्‌सा गच्‍युक मान्‍तालमइ लयको बिबेककाय इन्‍कार जाह्‍ङोझ्‍यान्‍ते ख्रिस्‍तहाङ लयको बिस्‍वासकाय दल्‍ताक्‍ति गम्‍सा खाइनिलि।

१ तीमोथी 6:10

धइतिदाह्‍य्‌सा नाःतो धनि स्‍याउसा इच्‍छ्‍या जाह्‍ङो मान्‍तालमकहाङ जुदा खालको पेमालो दुस्‍त कुरालम स्‍याउलाङ वाङ्‍ना। गच्‍युक मान्‍तालमइखे धनि स्‍याउसा इच्‍छ्‍या जाह्‍ङोझ्‍यान्‍ते ख्रिस्‍तहाङ बिस्‍वास जाह्‍ङ्‍साले फेआकानि, र नाःतो दुख च्‍यवोझ्‍यान्‍ते दुखि स्‍यावो मुनय।

१ तीमोथी 6:21

गच्‍युक मान्‍तालमखे ओउतताह्‍ङो मुर्‌ख कुराहाङ बिस्‍वास जाह्‍ङोझ्‍यान्‍ते, ख्रिस्‍तहाङ जाह्‍ङो बिस्‍वाससय लोन्‍हे परओ मुनय। परमेस्‍वरको अनुग्रह निङ जुदाकुसिले स्‍याउपाना। आमेन।

२ तीमोथी 2:14

तिमोथि, इ कुरालमको बारेहाङ जुदा मान्‍तालमकाय सम्‍झाउ, र सब्‍दलमकाय लेःति लयमय कायकायो काम जाह्‍ङ्‍लाम त दाह्‍य्‌ति परमेस्‍वरको ङ्‍हा दर्‌कति तोउ। ओउतताह्‍ङो बहसलमइखे सुकायमा फाइदा जाह्‍ङुलु, र ओउतताह्‍ङो कुरालमइ सायो मान्‍तालमकायमा बिनासहाङ दाक्‍नउ।

तीतस् 1:11

तर नाङइखे ओउमयकाय ङइमात मुताक्‍सा परलेना, धइतिदाह्‍य्‌सा स्‍यान्‍साले स्‍याउमालो स्‍याताहा कुरालम स्‍यान्‍ति किमको जुदा माचरलमकाय ओउमयइ सत्‍य स्‍यानराय फेति ओउमयको स्‍याताहा स्‍यानरायहाङ बिस्‍वास जाह्‍ङ्‍ताको मुना। अनि ओउमयइखे थेपोको लागि मात्र ओउत जाह्‍ङो खेनय।