२ तीमोथी 2:16 - चेपाङ

¹⁶ परमेस्‍वरकाय मान-सम्‍मान स्‍याउमालो पेमालो कुरा जाह्‍ङो मान्‍तालमकसय दल्‍ति मुअ, धइतिदाह्‍य्‌सा ओउतताह्‍ङो कुरालमइ मान्‍तालमकाय परमेस्‍वरकसय लोक्‍तो जाह्‍ङ्‍लेनउ।

२ तीमोथी 2:16 Iomraidhean Croise

१ तीमोथी 1:9

निइ इमा चिःनातह्‍य्‌नि, नेम-कानुनखे पेतो काम जाह्‍ङो पेओ मान्‍तालमको लागि जाह्‍ङो खेलेल। तर इखे नेम-कानुन पालन जाह्‍ङ्‍मालो र आग्‍याकारि नाःमालोलम, परमेस्‍वरको भक्‍ति जाह्‍ङ्‍मालो र पाप काम जाह्‍ङोलम, दुस्‍त काम जाह्‍ङो र अधर्‌मिलम, लयको आपा-आमाकाय सातो र हत्‍यारालमको लागि जाह्‍ङो खेना।

१ तीमोथी 4:7

तर परमेस्‍वरकसय वाङो खेमात मुर्‌ख मान्‍तालमइ मात्र बिस्‍वास जाह्‍ङो स्‍याताहा कुरालमकायखे नाङइ इन्‍कार जाह्‍ङ्‍साले परतेना। बरु परमेस्‍वर झाक्‍तोको रुवाङ याक्‍साको लागि नाङ लयकाय तालिम बइस।

१ तीमोथी 6:20

तिमोथि, परमेस्‍वरइ नाङको जिम्‍माहाङ बइसास्‍यावो सत्‍य आखरकाय पेतोकुसि सुरछ्‍या जाह्‍ङ्‌ति गमु। परमेस्‍वरको नजरहाङ महत्‍वको खेमालो कुरालम, र मान्‍तालमइ “ग्‍यान” त तोओ तर ओउखे परमेस्‍वरको सत्‍य आखरको बिरोतहाङ खेना त खेयाखे ओउतताह्‍ङो कुरा साइसाकाय इन्‍कार जाह्‍ङु।

२ तीमोथी 2:14

तिमोथि, इ कुरालमको बारेहाङ जुदा मान्‍तालमकाय सम्‍झाउ, र सब्‍दलमकाय लेःति लयमय कायकायो काम जाह्‍ङ्‍लाम त दाह्‍य्‌ति परमेस्‍वरको ङ्‍हा दर्‌कति तोउ। ओउतताह्‍ङो बहसलमइखे सुकायमा फाइदा जाह्‍ङुलु, र ओउतताह्‍ङो कुरालमइ सायो मान्‍तालमकायमा बिनासहाङ दाक्‍नउ।

२ तीमोथी 2:21

ओउतझ्‍यान्‍ते यदि कुनय मान्‍ताइ लयकाय सुद्‍ध जाह्‍ङ्‌ति गम्‍नउ त खेया, ओउखे मान-सम्‍मानको लागि प्रयोग जाह्‍ङो बिसेस भान्‍दाकुन्‍दालम लेखा स्‍याउलेना। ओउ सुद्‍ध स्‍याउना, अनि ओउको मालिकइ ओउकाय पेओ कामलमहाङ प्रयोग जाह्‍ङ्‍साको लागि तयार जाह्‍ङ्‍नाथय।

२ तीमोथी 3:13

तर दुस्‍त र माःरेउ मान्‍तालमखे झन्-झन् पेमातो स्‍याउति आल्‍लेनय। ओउमयइ अरुकाय धोका बइनानि र ओउमयमा अरुकसय धोका दोःलेनय।

तीतस् 1:11

तर नाङइखे ओउमयकाय ङइमात मुताक्‍सा परलेना, धइतिदाह्‍य्‌सा स्‍यान्‍साले स्‍याउमालो स्‍याताहा कुरालम स्‍यान्‍ति किमको जुदा माचरलमकाय ओउमयइ सत्‍य स्‍यानराय फेति ओउमयको स्‍याताहा स्‍यानरायहाङ बिस्‍वास जाह्‍ङ्‍ताको मुना। अनि ओउमयइखे थेपोको लागि मात्र ओउत जाह्‍ङो खेनय।

तीतस् 1:14

ओउमयइ यहुदिलमको स्‍याताहा विनरायलम साइसा र सत्‍यकाय फेति पाह्‍यो मान्‍तालमइ जाह्‍ङो आग्‍यालम पालन जाह्‍ङ्‍सा फेपानानि।

तीतस् 3:9

तर नाङखे बेर्‌थको कुराहाङ बाद-बिबाद जाह्‍ङो, पुर्‌खालमको गलमा द्‍युम्‍मालो बङ्‍सलमको बारेहाङ नोःओ, र परमेस्‍वरइ मोसा दुवारा बइसास्‍यावो नेम-कानुनको बारेहाङ बिबाद जाह्‍ङ्‌ति कायकायो मान्‍तालमकसय दल्‍ति मुअ, धइतिदाह्‍य्‌सा ओउतताह्‍ङो कुरालमखे दोह काममा लागमालो बेर्‌थको खेना।