२ तीमोथी 2:15 - चेपाङ

¹⁵ परमेस्‍वरको ङ्‍हा जोक्‍तो मेहेनत जाह्‍ङ्‌ति काम जाह्‍ङु, अनि परमेस्‍वरइ नाङकाय सुइकार जाह्‍ङ्‍सा खाइतेपाना। ओउको लागि नाङखे रास्‍सा परमातो परमेस्‍वरको सत्‍य आखर पेतोकुसि मान्‍तालमकाय स्‍यानो पेओ कामदार स्‍याव।

२ तीमोथी 2:15 Iomraidhean Croise

मर्‌कस् 4:33

ओउमयइ खाइच्‍युकसम्‍मले परमेस्‍वरको स्‍यानरायकाय पेतोकुसि चिःपानानि त दाह्‍य्‌ति येसुइ एतताह्‍ङो अरु ल्‍हाकरायमा तोसास्‍यावा।

लुका 12:42

प्रभु येसुइ तोसास्‍यावा, “ओउ बिस्‍वासि र बुद्‍दिमानि सेवकखे सु खेना त दाह्‍य्‌ति ङाइ निङकाय तोनेनाङ्‍स। मालिकइ लयको किमको जुदा कामलम सुम्‍पति बयापछि, ओउ बुद्‍दिमानि र भरपरसिओ सेवकइखे अरु सेवकलमकाय सहि समयहाङ जेःगा-तुङ्‍गा बइलेनउ।

खबरदुत 2:22

द्‍याह, ङाइ नासरत त तोओ मयो सहरको येसुको बारेहाङ तोसा बोःङो कुरा निङ इस्राएलको मान्‍तालमइ साइनु। येसुइ निङको माझहाङ जाह्‍ङ्‍सास्‍यावो जिःङकालि ग्‍याह्‍ङ्‌सिओ कामलम र चिनोलमसयले, परमेस्‍वरइ निङको लागि येसुकाय ल्‍होक्‍सास्‍यावो कुराको प्रमान बइसास्‍यावो मुना। इ कुराखे निङ जुदाइ चिःओले मुना।

खबरदुत 20:27

धइतिदाह्‍य्‌सा निङइ दोह कुरा चिःओ परमेस्‍वर चाहसास्‍याउना, ओउ जुदा कुरा निङकाय तोसाको लागि ङाइ गलमा इन्‍कार जाह्‍ङ्‍ङल।

१ थेसलोनिकि 2:4

बरु परमेस्‍वरइ निकाय ज्‍योतो ताःति पेओ खबर प्रचार जाह्‍ङ्‍साको लागि जिम्‍मेवारि बइसास्‍यावोझ्‍यान्‍ते निखे सधय परमेस्‍वरको इच्‍छ्‍या अनुसारले नोःनाङ्‍सु। निइपाय मान्‍तालमकाय आसताक्‍सा कोसिस जाह्‍ङ्‍ङसुलु, तर निको मनको बिचारकाय चिःसास्‍यावो परमेस्‍वरकायखे आसताक्‍सा कोसिस जाह्‍ङ्‍नाङ्‍सु।

१ थेसलोनिकि 5:14

ङाको राप्‍तो बिस्‍वासि होयालम, पेतोकुसि काम जाह्‍ङ्‍मालो अल्‍सि मान्‍तालमकाय दर्‌कति तोनु, रयो मान्‍तालमकाय साहसि स्‍याउसाको लागि हउसला बइनु, कमजोर मान्‍तालमकाय सहयोग जाह्‍ङ्‍नु, र जुदा मान्‍तालमकुस धइरे स्‍याउति मुन त दाह्‍य्‌ति निइ निङकाय बिन्‍ति जाह्‍ङ्‍सा चाहनाङ्‍सु।

१ तीमोथी 4:6

तिमोथि, यदि नाङइ इ कुरालमको बारेहाङ अरु बिस्‍वासिलमकाय पेतोकुसि तोतेनउ त खेया, नाङखे ख्रिस्‍त येसुको पेओ सेवकले स्‍याउतेना। अनि नाङइ पालन जाह्‍ङ्‍धय वाङो निको बिस्‍वासको पेओ स्‍यानरायइले नाङकाय बिस्‍वासहाङ बल्‍यो जाह्‍ङ्‍तेना।