२ तीमोथी 2:12 - चेपाङ

¹² यदि निइ दुख-कस्‍तलम सहनातह्‍य्‌नि त खेया, निमा ख्रिस्‍तकुसिले सासन जाह्‍ङ्‍नातह्‍य्‌नि। यदि निइ ख्रिस्‍तकाय इन्‍कार जाह्‍ङ्‍नातह्‍य्‌नि खेया, ख्रिस्‍तइमा निकाय इन्‍कार जाह्‍ङ्‍सास्‍याउलेना।

२ तीमोथी 2:12 Iomraidhean Croise

मर्‌कस् 10:33

“साइनु, नि यरुसलेमताङ आल्‍धय मुनातहि। ओहाङ ङा मान्‍ताको चोःकाय कुनय यातचाकइ धोका बइति मुख्‍य पुजारिलम र धर्‌मगुरुलमको जिःङहाङ सुम्‍पनाताङ। अनि ओउमयइ ङाकाय सात्‍साको लागि गाल बइनाताङ्‍स, र अरु जातिको मान्‍तालमको क्रुतहाङ सुम्‍पनाताङ्‍स।

मर्‌कस् 8:38

यदि निङ पापिलम र परमेस्‍वरकाय बिस्‍वास जाह्‍ङ्‍मालो मान्‍तालमको इ समयहाङ, ङा र ङाको स्‍यानरायकुस रास्‍तेनय त खेया, ङा मान्‍ताको चोःमा परमेस्‍वर आपाको महिमाहाङ पबित्र लाङकादुतलमकुस द्‍याह्‍न्‌ति वाङ्‍तोकहाङ निङकाय लयको त तोसा रास्‍‍लेनाङ।”

लुका 12:9

तर सुइ ङाकाय मान्‍तालमको ङ्‍हा इन्‍कार जाह्‍ङ्‍नानि, ओउकाय ङाइमा परमेस्‍वरको लाङकादुतलमको ङ्‍हा इन्‍कार जाह्ङ्‍लेनाङ।

लुका 22:29

र ङाको आपाइ ङाकाय राज्‍य जाह्‍ङ्‍सा अधिकार बयाताङ, ओउतझ्‍यान्‍ते ङाइमा निङकाय ओउ अधिकार बइनेनाङ्‍स।

लुका 22:30

ङाको राज्‍यहाङ निङइ ङाकुस ब्रकले मुति जेतेनानि र तुङतेनानि, अनि राजगद्‌दिलमहाङ च्‍युःङाक्‍तिको इस्राएलको बाह्र गोता बङ्‍सलमकाय राज्‍य जाह्‍ङ्‍तेनानि।”

लुका 9:26

यदि निङ ङा र ङाको स्‍यानरायकुस रास्‍तेनय त खेया, ङा मान्‍ताको चोःइमा ङा लयको र परमेस्‍वर आपाको अनि पबित्र लाङकादुतलमको महिमाहाङ वाङ्‍धार्‌ना निङकाय लयको त तोसा रास्‍‍लेनाङ।

खबरदुत 14:22

ओउनिसइ बिस्‍वासिलमकाय बिस्‍वासहाङ बल्‍यो स्‍याउति मुसाकाय हउसला बयाकाचु, अनि ओउनिसइ ओउमयकाय “परमेस्‍वरको राज्‍यको मान्‍ता स्‍याउसाको लागि ङ्‍हा निइ नाःतो दुख-कस्‍तलम च्‍यउसाले परना” त दाह्‍य्‌ति स्‍यानाकाचु।

१ तीमोथी 5:8

तर यदि कुनय मान्‍ताइ लयको मान्‍तालमकाय, र बिसेस जाह्‍ङ्‌ति लयको माचरकाय दोह वास्‍तामा जाह्‍ङुलु त खेयापाय, ओउइ बिस्‍वासकाय इन्‍कार जाह्‍ङो स्‍याउना र ओउखे बिस्‍वास जाह्‍ङ्‍मालो मान्‍तालमसयमा माहा पेमातो स्‍याउलेना।