२ तीमोथी 1:9 - चेपाङ

⁹ निइ जाह्‍ङो कामको कारनइ खेल, तर परमेस्‍वरको उदेस्‍य र अनुग्रहको कारनइ जाह्‍ङ्‍धार्‌ना परमेस्‍वरइले निकाय दल्‍ताक्‍सास्‍यावा र लयको मान्‍ता स्‍याउसाको लागि गोत्‍सास्‍यावा। इ अनुग्रहखे सङ्‍सारको सुरु स्‍याउसासय ङ्‍हाखाले परमेस्‍वरइ येसु ख्रिस्‍तहाङ निको लागि बइसास्‍यावो खेतो।

२ तीमोथी 1:9 Iomraidhean Croise

लुका 10:21

ओउबेलाहाङ पबित्र ग्‍वालामइ भरपुर स्‍याउति येसुइ तोसास्‍यावा, “अ परमेस्‍वर आपा, लाङका र ल्‍हाउदयबाङको मालिक! ङाइ नाङकाय धन्‍नेबाद त तोनेनाङ, धइतिदाह्‍य्‌सा बुद्‍दिमानि र ग्‍यानि मान्‍तालमकसय नुस्‍ति गम्‍सास्‍यावो कुरा नाङइ दोहमा चिःमालोलमकाय चिःताक्‍सास्‍यावा! अ आपा, एत जाह्‍ङ्‍साले नाङ झाक्‍तेआ।

खबरदुत 15:18

इ जुदा कुरालमखे उहिलेखाले ङाइ मान्‍तालमकाय चिःताको खेनाङ त दाह्‍य्‌ति प्रभु परमेस्‍वर दाह्‍य्‌सास्‍याउना।’

खबरदुत 2:47

र सधय परमेस्‍वरको प्रसङ्‍सा जाह्‍ङ्‌नितो। अरु मान्‍तालमइमा ओउमयकाय झाकितो, र दिनमले मुक्‍ति दोःओ मान्‍तालमकाय प्रभुइ ओउमयको हुलहाङ पाःति बइसास्‍याउतो।

१ थेसलोनिकि 4:7

धइतिदाह्‍य्‌सा परमेस्‍वरइ निकाय असुद्‍ध स्‍याउति याक्‍साको लागि खेल, तर पबित्र स्‍याउति याक्‍साको लागि गोत्‍सास्‍यावो मुना।

१ तीमोथी 1:1

इ चिथिखे ङा पावलको तर्‌फसय खेना। निको मुक्‍तिदाता परमेस्‍वर र निइ आसा गमो ख्रिस्‍त येसुइले ङाकाय ख्रिस्‍त येसुको खबरदुत स्‍याउसाको लागि आग्‍या जाह्‍ङ्‍सास्‍यावो खेना।

२ तीमोथी 1:1

इ चिथिखे ख्रिस्‍त येसुको खबरदुत स्‍याउसाको लागि परमेस्‍वरइ लयको इच्‍छ्‍या दुवारा छ्‍युह्‍ङ्‍सास्‍यावो ङा पावलको तर्‌फसय खेना। परमेस्‍वरइ ख्रिस्‍त येसुहाङ बिस्‍वास दुवारा बाचा जाह्‍ङ्‍सास्‍यावो रुवाङको बारेहाङ अरु मान्‍तालमकाय ल्‍हाक्‍ति छ्‍यान्‍साको लागि ङाकाय ल्‍होक्‍सास्‍यावो खेना।

तीतस् 1:2

इ सत्‍यइखे गलमा स्‍याताहा कुरा नोःसा स्‍याउमालो परमेस्‍वरइ सङ्‍सारको स्रिस्‍ति जाह्‍ङ्‍सा भन्‍दा ङ्‍हाखाले बाचा जाह्‍ङ्‍सास्‍यावो अजम्‍बरि रुवाङ दोःसाको लागि आसा गम्‍सा सहयोग जाह्‍ङ्‍लेनउ।