२ तीमोथी 1:8 - चेपाङ

⁸ ओउतझ्‍यान्‍ते निको प्रभुको बारेहाङ मान्‍तालमकाय गभाइ बइसा जुगाङमा रासलाम, अनि ओउतले ङा प्रभुको लागि झेलकनहाङ परओको बारेहाङमा रासलाम। बरु ङाकुसले पेओ खबरको लागि दुख दोःसाकाय तयार स्‍याव, अनि ओउ दुख सहसाको लागिखे परमेस्‍वरइले जिःङ बइसास्‍याउलेना।

२ तीमोथी 1:8 Iomraidhean Croise

मर्‌कस् 8:38

यदि निङ पापिलम र परमेस्‍वरकाय बिस्‍वास जाह्‍ङ्‍मालो मान्‍तालमको इ समयहाङ, ङा र ङाको स्‍यानरायकुस रास्‍तेनय त खेया, ङा मान्‍ताको चोःमा परमेस्‍वर आपाको महिमाहाङ पबित्र लाङकादुतलमकुस द्‍याह्‍न्‌ति वाङ्‍तोकहाङ निङकाय लयको त तोसा रास्‍‍लेनाङ।”

लुका 9:26

यदि निङ ङा र ङाको स्‍यानरायकुस रास्‍तेनय त खेया, ङा मान्‍ताको चोःइमा ङा लयको र परमेस्‍वर आपाको अनि पबित्र लाङकादुतलमको महिमाहाङ वाङ्‍धार्‌ना निङकाय लयको त तोसा रास्‍‍लेनाङ।

खबरदुत 5:41

अनि मुख्‍य चेलालमखे “परमेस्‍वरइ निकाय येसुको मय्‍ङहाङ अपमान सहसा ज्‍योतो जाह्‍ङ्‍सास्‍यावा” त दाह्‍य्‌ति आन आसति ताह्‍ङो सभासय बाहिर ग्‍ल्‍युह्‍ङ्‌ति पाह्‍याकाय।

१ थेसलोनिकि 3:4

धइतिदाह्‍य्‌सा नि निङकुस मुतोकहाङ, नाङ-निखे सतावतहाङ परसा लागओ मुनातहि त दाह्‍यो कुरापाय निइ निङकाय ङ्‍हाखाले तोओ खेङसुतो। अनि ओउखे तोओ अनुसारले स्‍यावो कुरामा निङइ चिःओले मुतेनय।

१ तीमोथी 2:6

जुदा मान्‍तालमकाय ओउमयको पापलमसय दल्‍ताक्‍साको लागि येसुइ बलिदानको रुपहाङ लयको रुवाङ बइसास्‍यावा। इखे परमेस्‍वरइ सङ्‍सारको मान्‍तालमकाय सहि समयहाङ बइसास्‍यावो खबर खेना।

२ तीमोथी 1:10

तर देङेखे ख्रिस्‍त येसु निकाय दल्‍ताक्‌लाङ वाङ्‍सास्‍यावो मुना, र ओउसयले परमेस्‍वर गच्‍युक योःन्‌मय र अनुग्रहि खेसास्‍याउना त दाह्‍यो कुरा निइ चिःसा खाइनातह्‍य्‌नि। ख्रिस्‍तइ सिमयको जिःङकाय बिनास जाह्‍ङ्‍सास्‍यावा, र पेओ खबर दुवारा गलमा सिमालो अजम्‍बरि रुवाङ छ्‍यान्‍ति बइसास्‍यावा।

२ तीमोथी 1:12

ओउतझ्‍यान्‍तेले देङे ङा इहाङ झेलकनखा दुख दोःति मुनाङ। तर इ कुराहाङखे ङा जुगाङमा रासङल, धइतिदाह्‍य्‌सा ङाइ सुकाय बिस्‍वास जाह्‍ङो मुनाङ त दाह्‍यो कुरा ङाइ पेतोकुसि चिःओ मुनाङ। परमेस्‍वरइ दोह कुरा ङाकाय बिस्‍वास दुवारा सुम्‍पति बइसास्‍यावो मुना, ओउ कुराखे लय द्‍याह्‍न्‌ति वाङ्‍माच्‍युकसम्‍म ख्रिस्‍तइले सुरछ्‍या जाह्‍ङ्‌ति गम्‍सास्‍याउना त दाह्‍यो कुराहाङमा ङा पक्‍का मुनाङ।

२ तीमोथी 1:16

ओनेसिफरस र ओउको माचरकाय प्रभुइ योःन्‌मय बइसास्‍याउपाना, धइतिदाह्‍य्‌सा ओउइ गच्‍युक पल्‍त ङाकहाङ वाङ्‌ति ङाकाय हउसला बयो मुना। ङा झेलकनहाङ परओ कारनइ, ओउ जुगाङमा रासो नाःलेल।

२ तीमोथी 2:3

ख्रिस्‍त येसुको पेओ सिपाहि लेखाले, नाङमा ङाकुसले दुख दोःसाको लागि तयार स्‍याव।

२ तीमोथी 2:8

राजा दाउदको सन्‍तान येसु ख्रिस्‍त सिओसय उह्‍ति च्‍योक्‍सास्‍यावो कुराको सधय सम्‍झना जाह्‍ङु। ङाइ मान्‍तालमकाय प्रचार जाह्‍ङो पेओ खबरखे इले खेना,

२ तीमोथी 2:9

र ओउ पेओ खबर प्रचार जाह्‍ङो कारनइले ङा देङे दुख दोःति मुनाङ र अपराधिको रुपहाङ झेलकनहाङ साङ्‍लाइ पाःन्‌तिगमो मुनाङ। तर परमेस्‍वरको आखरकायखे साङ्‍लाइ पाःन्‌सा खाइलेल।

२ तीमोथी 4:17

तर ङाकाय सहयोग जाह्‍ङ्‍साको लागि ङाको पासहाङ प्रभु खेसास्‍याउतो। प्रभुइले ङाकाय बल बइसास्‍यावोझ्‍यान्‍ते ङाइ पेतोकुसि पेओ खबर प्रचार जाह्‍ङ्‍सा खायालाङ, र अरु जातिको जुदा मान्‍तालमइले ओउ साइसा दोःआकाय। ओउतहाइति प्रभुइ ङाकाय जाःको म्‍होतोङसय दल्‍ताक्‍सास्‍यावा।

२ तीमोथी 4:5

तर नाङइखे हरेक अबस्‍थालमहाङमा लयको मनकाय अनुसासनहाङ गमु। प्रभुको लागि दुख दोःसाकाय नाङ जुगाङमा रइलाम। बरु अरु मान्‍तालमकाय पेओ खबर प्रचार जाह्‍ङु, र परमेस्‍वरइ नाङकाय बइसास्‍यावो सेवाको कामकाय पुरा जाह्‍ङु।