२ तीमोथी 1:7 - चेपाङ

⁷ धइतिदाह्‍य्‌सा परमेस्‍वरइ निकाय रयोको ग्‍वालाम खेल, तर जिःङ, रापमय, र लयको मनकाय अनुसासनहाङ गमो ग्‍वालाम बइसास्‍यावो मुना।

२ तीमोथी 1:7 Iomraidhean Croise

लुका 10:19

साइनु, ङाइ निङकाय रु र नेःकोसलमकाय झोति वाह्‍सा जिःङ अनि निङको बइरि सय्‍तानको जुदा जिःङलमसय जितसा अधिकार बयो मुना, र दोह कुराइमा निङकाय दुख बइतेइलि।

लुका 15:17

जब लोन्‍हे ओउ ह्‍वका, र लयइ जाह्‍ङो जुदा कुरा पेतोकुसि चिःआकान अनि ओउइ लयकाय तोआकास, ‘ङाको आपाकहाङ काम जाह्‍ङ्‌तिमुओ जुदा नोकरलमइ तुक कोस्‍तो जेःनानि। ओउमयकुस जेःसामा माक्‍मातोसम्‍म जेःगालम मुना, तर ङाखे इहाङ योङक्रायले सिखेतो स्‍यावालाङ।

लुका 24:49

तर साइनु, ङाको आपाइ जाह्‍ङ्‍सास्‍यावो बाचा अनुसार ङाइ निङकहाङ पबित्र ग्‍वालाम ल्‍होक्‍नेनाङ्‍स। तर निङ लाङकासय वाङ्‍साखेओ जिःङइ भरपुर स्‍याउमाच्‍युककाय इ यरुसलेम सहरहाङले ल्‍युह्‍ङ्‌ति मुन।”

लुका 8:35

नाःतो मान्‍तालम दोह स्‍यावो त म्‍हर्‌ति योलाङ वाङाकाय। अनि जब ओउमय ओहाङ दाहाकाय, ओउमयइ ओउ लानइ ङाःयो मान्‍ताकाय आन पेतो स्‍याकाक्‍तिको नाय लावति येसुको दोम द्‍याङ्‍तो च्‍युःङ्‌तिमुओ क्रुसाकानि। ओउत च्‍यउति ओउमय आन जोक्‍तो रयाकाय।

खबरदुत 1:8

तर जब पबित्र ग्‍वालाम निङकहाङ वाङ्‍सास्‍याउना, निङ जिःङ दोःतेनय। अनि जुदा मान्‍तालमकाय ङाको बारेहाङ तोति यरुसलेमहाङ, यहुदियाको जुदा थाउहाङ, सामरियाहाङ र ल्‍हाउदयबाङको जुदा थाउहाङमा निङ ङाको साछि स्‍याउतेनय।”

खबरदुत 10:38

परमेस्‍वरइ नासरतको येसुकाय गतहाइति पबित्र ग्‍वालाम र जिःङ बइति छ्‍युह्‍ङ्‍सास्‍यावो खेतो त दाह्‍यो कुरामा निङइ चिःओले मुतेनय। अनि येसुइ जुदा थाउहाङ आल्‍ति पेओ कामलम जाह्‍ङ्‍सास्‍यावा र दुस्‍त सय्‍तानको अधिनहाङ परओलमकाय स्‍याक्‍ताक्‍सास्‍यावा, धइतिदाह्‍य्‌सा परमेस्‍वर येसुकुस खेसास्‍याउतो।

खबरदुत 20:24

तर ङाइ लयको रुवाङको बारेहाङ लिह्‍ङल। धइतिदाह्‍य्‌सा ङाको लागि महत्‍वखे ङाको रुवाङ खेल, तर येसुइ ङाकाय बइसास्‍यावो परमेस्‍वरको अनुग्रहको पेओ खबर पेतोकुसि प्रचार जाह्‍ङ्‍साखे ङाको रुवाङसयमा महत्‍व खेना।

खबरदुत 21:13

तर ओउ दाह्‍या, “निङ एतहाइति र्‌याति धइति ते ङाकाय ल्‍हुङतुकहाङ दुखि जाह्‍ङ्‍तेनानाङ्‍स? ङा यरुसलेमहाङ आल्‍ति झेलकनहाङ परसा मात्र खेल, प्रभु येसुको लागि सिसामा तयार मुनाङ।”

खबरदुत 26:11

सभाकिमलमहाङ आल्‍ति नाःतो पल्‍त ङाइ ओउमयकाय सजाय बयालाङ, र ओउमयइ जाह्‍ङो बिस्‍वासकाय इन्‍कार जाह्‍ङ्‍ताक्‍सामा कोसिस जाह्‍ङालाङ। ङा माहा जोक्‍तो रिस वाङोझ्‍यान्‍ते अरु देसको सहरलमहाङमा आल्‍ति ओउमयकाय सतावालाङ।

खबरदुत 26:25

तर पावल त्‍याङा, “माननिय फेस्‍तस, ङा ब्रओ नाःङल। ङाइ तोओ कुराखे सोचसा ज्‍योओ सत्‍य कुराले खेना।

खबरदुत 6:8

परमेस्‍वरइ स्‍तिफनसकाय मान्‍तालमको माझहाङ ग्‍याह्‍ङ्‌सिओ काम र चिनोलम जाह्‍ङ्‍साको लागि जिःङ बइसास्‍यावा।

खबरदुत 9:22

तर सावलको प्रचार झन्-झन् जिःङकालि स्‍याउधय आला। येसुले ख्रिस्‍त खेसास्‍याउना त दाह्‍य्‌ति सावलइ प्रमान बयोझ्‍यान्‍ते दमस्‍कसहाङ याको यहुदिलमइ दोह जवाफमा बइसा खाइनिलि।