२ तीमोथी 1:6 - चेपाङ

⁶ ओउतझ्‍यान्‍ते ङाइ लयको क्रुत नाङको तालाङहाङ झाम्‍तोकहाङ परमेस्‍वरइ नाङकाय बइसास्‍यावो ग्‍वालामि बरदानकाय जिउदोले गमु त दाह्‍य्‌ति ङाइ नाङकाय सम्‍झाउनेनाङ।

२ तीमोथी 1:6 Iomraidhean Croise

लुका 19:13

लय आल्‍सासय ङ्‍हा, ओउइ लयको दस जना नोकरलमकाय ब्रकले गोताकान अनि या-यातज्‍यो सुनको ध्‍याक बइधय तोआकान, ‘ङा द्‍याह्‍न्‌ति दाह्‍माच्‍युक इ सुनको ध्‍याकइ बेपार जाह्‍ङ्‌ति अरु नाःतो कमाय जाह्‍ङ्‍नु।’

खबरदुत 19:6

अनि पावलइ हरेक बिस्‍वासिलमको तालाङहाङ क्रुत झाम्‍ति प्राथना जाह्‍ङाकान, र ओउमयकहाङ पबित्र ग्‍वालाम वाङ्‍सास्‍यावा। ओहाङसयको ओउमयइ अरु नउलो भासालमहाङ नोःसा र परमेस्‍वरको आखर प्रचार जाह्‍ङ्‍सा फाःङाकानि।

खबरदुत 6:6

ओउमयइ ओउ सात जनाकाय मुख्‍य चेलालमको ङ्‍हा वानाकानि, र मुख्‍य चेलालमइ ओउमयकाय प्राथना जाह्‍ङाकानि र ओउमयको तालाङहाङ क्रुत झाम्‍ति सेवा जाह्‍ङ्‍सा अधिकार बयाकानि।

१ थेसलोनिकि 5:19

पबित्र ग्‍वालामकाय निङकहाङ काम जाह्‍ङ्‍साको लागि रोकलाम।

१ तीमोथी 4:14

अगमबक्‍तालमइ नोःतोकहाङ र मन्‍दलिको अगुवालमइ नाङको तालाङहाङ क्रुत झाम्‍ति आसिक बइतोकहाङ, परमेस्‍वरइ नाङकाय बइसास्‍यावो ग्‍वालामि बरदानकाय नाङइ जुगाङमा म्‍हेःजेलाम।

१ तीमोथी 4:6

तिमोथि, यदि नाङइ इ कुरालमको बारेहाङ अरु बिस्‍वासिलमकाय पेतोकुसि तोतेनउ त खेया, नाङखे ख्रिस्‍त येसुको पेओ सेवकले स्‍याउतेना। अनि नाङइ पालन जाह्‍ङ्‍धय वाङो निको बिस्‍वासको पेओ स्‍यानरायइले नाङकाय बिस्‍वासहाङ बल्‍यो जाह्‍ङ्‍तेना।

२ तीमोथी 2:14

तिमोथि, इ कुरालमको बारेहाङ जुदा मान्‍तालमकाय सम्‍झाउ, र सब्‍दलमकाय लेःति लयमय कायकायो काम जाह्‍ङ्‍लाम त दाह्‍य्‌ति परमेस्‍वरको ङ्‍हा दर्‌कति तोउ। ओउतताह्‍ङो बहसलमइखे सुकायमा फाइदा जाह्‍ङुलु, र ओउतताह्‍ङो कुरालमइ सायो मान्‍तालमकायमा बिनासहाङ दाक्‍नउ।

२ तीमोथी 4:2

परमेस्‍वरको आखर मान्‍तालमकाय प्रचार जाह्‍ङु। प्रचार जाह्‍ङ्‍साको लागि बेलाहाङमा कुबेलाहाङमा तयार स्‍याउति मुअ। मान्‍तालमइ गल्‍ति जाह्‍ङ्‍तोकहाङ सुधार जाह्‍ङु, र फेरि गल्‍ति जाह्‍ङ्‍मासाको लागि थतु, अनि पेओ काम जाह्‍ङ्‍साको लागि हउसला बयु। तर मान्‍तालमकाय पेओ स्‍यानराय बइतोकहाङखे धइरे स्‍याउतिले स्‍यानु।