२ तीमोथी 1:13 - चेपाङ

¹³ ङाइ नाङकाय स्‍यानो सत्‍य आखरकाय पेतोकुसि नमुनाको रुपहाङ ओमपाइति गमु। अनि नाङखे नाङकहाङ मुओ ख्रिस्‍त येसुको बिस्‍वास र रापमय अनुसार याक।

२ तीमोथी 1:13 Iomraidhean Croise

१ थेसलोनिकि 5:21

तर ओउ जुदा कुराको जाच जाह्‍ङ्‍नु, अनि पेओ कुराहाङखे लागतिले मुन।

१ तीमोथी 1:10

ओउतले इखे बेभिचारि मान्‍तालम, र गोय्‍चो-गोय्‍चो अथबा मोम्‍चो-मोम्‍चोको माझहाङ बेभिचार जाह्‍ङोलम, नोकरको रुपहाङ विःन्‌साको लागि मान्‍ताकाय अपहरन जाह्‍ङोलम, स्‍याताहा नोःओ र स्‍याताहा गभाइ बयोलम, र परमेस्‍वरको सत्‍य स्‍यानरायको बिरोतहाङ अरु कुरालम जाह्‍ङो मान्‍तालमको लागिमा जाह्‍ङो खेना।

१ तीमोथी 1:14

अनि प्रभु येसु ख्रिस्‍तइ ङाकाय प्रसस्‍त मात्राहाङ अनुग्रह बइसास्‍यावा, र लयकहाङ मुओ बिस्‍वास र रापमयइ ङाकाय भरपुर जाह्‍ङ्‍सास्‍यावा।

१ तीमोथी 6:3

यदि कुनय मान्‍तालमइ बेग्‍लय खालको स्‍यानराय स्‍यान्‍नानि त खेया, ओउमयइखे निको प्रभु येसु ख्रिस्‍तको सत्‍य स्‍यानराय र निइ परमेस्‍वरकाय बइसा परओ भक्‍तिको स्‍यानरायकाय सुइकार जाह्‍ङो स्‍याउलेल।

२ तीमोथी 1:1

इ चिथिखे ख्रिस्‍त येसुको खबरदुत स्‍याउसाको लागि परमेस्‍वरइ लयको इच्‍छ्‍या दुवारा छ्‍युह्‍ङ्‍सास्‍यावो ङा पावलको तर्‌फसय खेना। परमेस्‍वरइ ख्रिस्‍त येसुहाङ बिस्‍वास दुवारा बाचा जाह्‍ङ्‍सास्‍यावो रुवाङको बारेहाङ अरु मान्‍तालमकाय ल्‍हाक्‍ति छ्‍यान्‍साको लागि ङाकाय ल्‍होक्‍सास्‍यावो खेना।

२ तीमोथी 1:14

परमेस्‍वरइ नाङकाय बिस्‍वास दुवारा सुम्‍पति बइसास्‍यावो सत्‍य आखरकाय, निकहाङ याक्‍सास्‍यावो पबित्र ग्‍वालामको जिःङ दुवारा पेतोकुसि सुरछ्‍या जाह्‍ङ्‌ति गमु।

२ तीमोथी 2:2

नाःतो साछिलमको माझहाङ ङाइ स्‍यानो स्‍यानरायपाय नाङइ सायोले मुतेना। द्‍याहखे नाङइ ओउ स्‍यानराय अरु मान्‍तालमकायमा स्‍यान्‍सा खायो बिस्‍वासिलो मान्‍तालमकाय स्‍यानु।

२ तीमोथी 3:14

तर पेओ खबरको बारेहाङ नाङइ सु-सुकसय स्‍यानराय दोःतेआ त दाह्‍यो कुरापाय नाङइ चिःओले मुतेना। ओउतझ्‍यान्‍ते नाङखे धइरेताकुसिले ओउ कुराहाङ बिस्‍वास जाह्‍ङ्‌ति मुअ।

२ तीमोथी 4:3

धइतिदाह्‍य्‌सा मान्‍तालमइ परमेस्‍वरको सत्‍य स्‍यानरायकाय साइमालो समयमा वाङ्‌लेना। ओउमयखे लयको इच्‍छ्‍याको लोन्‍हे लागनय, र ओउमयइ लयमयको इच्‍छ्‍या अनुसारको कुरा तोतिबयो स्‍याताहा गुरुलमको कुराकाय साइनानि।

तीतस् 1:9

मन्‍दलिको अगुवाखे निइ स्‍यानो परमेस्‍वरको सत्‍य स्‍यानरायकाय पेतोकुसि बिस्‍वास जाह्‍ङ्‌ति मुसाखायो मान्‍ता स्‍याउसा परना। ओउतखेयाकाय मात्र ओउ, अरु मान्‍तालमकाय सत्‍य कुरा तोति हउसला बइसा, र सत्‍य आखरको बिरोतहाङ नोःओ मान्‍तालमकाय निङ स्‍याताहा खेतेनय त दाह्‍य्‌ति तोसा ज्‍योतो स्‍याउना।

तीतस् 2:1

तर तितस, नाङइखे बिस्‍वासिलमकाय परमेस्‍वरको सत्‍य स्‍यानराय मात्र स्‍यानु।

तीतस् 2:8

सत्‍य कुरालम मात्र स्‍यानु, ओउत हाइतोकहाङ सुइमा नाङको स्‍यानरायको बिरोत जाह्‍ङ्‍सा खाइनिलि। निको बिरोत जाह्‍ङ्‍साकाय दोह तुसमा स्‍याउमायापछि ओउ बइरिलम लयमयले रास्‍सितो स्‍याउलेनय।