२ तीमोथी 1:10 - चेपाङ

¹⁰ तर देङेखे ख्रिस्‍त येसु निकाय दल्‍ताक्‌लाङ वाङ्‍सास्‍यावो मुना, र ओउसयले परमेस्‍वर गच्‍युक योःन्‌मय र अनुग्रहि खेसास्‍याउना त दाह्‍यो कुरा निइ चिःसा खाइनातह्‍य्‌नि। ख्रिस्‍तइ सिमयको जिःङकाय बिनास जाह्‍ङ्‍सास्‍यावा, र पेओ खबर दुवारा गलमा सिमालो अजम्‍बरि रुवाङ छ्‍यान्‍ति बइसास्‍यावा।

२ तीमोथी 1:10 Iomraidhean Croise

लुका 11:36

यदि निङको जुदा ज्‍यान माहा पेतो थोङतो मुना त खेया, अथबा ज्‍यानको दोह थोकमा च्‍याक्‍तो नाःल त खेया, ओउ जुदाले थोङतो स्‍याउना, गतहाइति दिप्‍फाको सुरिङइ निङकाय थोङो बइतेनय।”

लुका 13:7

ओउतझ्‍यान्‍ते ओउइ राङहाङ काम जाह्‍ङो मान्‍ताकाय तोआकान, ‘इहाङ योउ! इ न्‍याम्‍सि सिङहाङ न्‍‍‍यामसाय साया खेचा त दाह्‍य्‌ति ज्‍यालो सुम बर्‌सहाङसय देङेसम्‍म योआलाङ, तर यातज्‍यो न्‍‍‍यामसाय सायोमा ङाइ च्‍यउङल। इ सिङकाय खाह्‍म्‌ति ओल्‍ति वायु! दोह सायमा साइल त खेया, सालाङ्‍खा धइति इ सिङ स्‍यास्‍ति गम्‍सा र?’

लुका 2:11

तेन राजा दाउदको सहरहाङ निङको लागि मुक्‍तिदाता ख्रिस्‍त राजा नाःसास्‍यावो मुना। ओउले ख्रिस्‍त प्रभु खेसास्‍याउना।

खबरदुत 13:23

परमेस्‍वरइ लयइ बाचा जाह्‍ङ्‍सास्‍यावो अनुसारले दाउदको बङ्‍ससय मुक्‍तिदाता येसु इस्राएलको लागि बइसास्‍यावा।

खबरदुत 5:31

अनि परमेस्‍वरइ येसुकाय राजकुमार र मुक्‍तिदाताको रुपहाङ लयको ङोइसयको सम्‍मानित थाउहाङ गम्‍सास्‍यावो मुना। इस्राएलको मान्‍तालमइ लयको पापकाय चिःति पस्‍ताप जाह्‍ङाक्‍तिको पाप छेमा दोःपनय त दाह्‍य्‌ति परमेस्‍वरइ एत जाह्‍ङ्‍सास्‍यावो खेना।

२ थेसलोनिकि 2:8

ओहाङसयको लोन्‍हे ओउ दुस्‍त मान्‍ता थालाङ वाङ्‍ना, अनि प्रभु येसुइ ओउकाय लयको म्‍होतोङसय ग्‍ल्‍युह्‍ङो सब्‍दलम दुवारा सात्‍सास्‍याउना र जब येसु ताह्‍ङो महिमाहाङ वाङ्‍सास्‍याउना ओउ दुस्‍त मान्‍ताखे जुगाङको लागि म्‍हेत्‍ति वाइलेना।

२ तीमोथी 1:1

इ चिथिखे ख्रिस्‍त येसुको खबरदुत स्‍याउसाको लागि परमेस्‍वरइ लयको इच्‍छ्‍या दुवारा छ्‍युह्‍ङ्‍सास्‍यावो ङा पावलको तर्‌फसय खेना। परमेस्‍वरइ ख्रिस्‍त येसुहाङ बिस्‍वास दुवारा बाचा जाह्‍ङ्‍सास्‍यावो रुवाङको बारेहाङ अरु मान्‍तालमकाय ल्‍हाक्‍ति छ्‍यान्‍साको लागि ङाकाय ल्‍होक्‍सास्‍यावो खेना।

२ तीमोथी 1:8

ओउतझ्‍यान्‍ते निको प्रभुको बारेहाङ मान्‍तालमकाय गभाइ बइसा जुगाङमा रासलाम, अनि ओउतले ङा प्रभुको लागि झेलकनहाङ परओको बारेहाङमा रासलाम। बरु ङाकुसले पेओ खबरको लागि दुख दोःसाकाय तयार स्‍याव, अनि ओउ दुख सहसाको लागिखे परमेस्‍वरइले जिःङ बइसास्‍याउलेना।

२ तीमोथी 4:1

ख्रिस्‍त येसु लयको राज्‍य तयार जाह्‍ङ्‍साको लागि राजाको रुपहाङ द्‍याह्‍न्‌ति वाङ्‍सास्‍याउतोक बेलाहाङ, ओउ बेलासम्‍म सिधाङ्‍मालो र ङ्‍हाखाले सितिखायो मान्‍तालम जुदाकायले न्‍याय जाह्‍ङ्‍सास्‍याउना। ओउतझ्‍यान्‍ते परमेस्‍वर र ख्रिस्‍त येसुको ङ्‍हा ङाइ नाङकाय इ आग्‍या बइनेनाङ—

२ तीमोथी 4:8

द्‍याहखे ङाको लागि धार्‌मिक्‍ताको मुकुत गमो मुना। निको धर्‌मि न्‍यायधिस प्रभुइ लय द्‍याह्‍न्‌ति वाङ्‍सास्‍याउतोक बेलाहाङ ओउ मुकुत ङाकाय बइसास्‍याउना, र ओउ मुकुतखे ङाकाय मात्र खेमात, प्रभु द्‍याह्‍न्‌ति वाङ्‍साखेओ ल्‍यामकाय चोङाइति योतिमुओ जुदाकायले बइसास्‍याउलेना।

तीतस् 2:11

धइतिदाह्‍य्‌सा जुदा मान्‍तालमइ मुक्‍ति दोःपनय त दाह्‍य्‌ति परमेस्‍वरइ लयको अनुग्रह छ्‍यान्‍ति बइसास्‍यावो मुना।

तीतस् 2:13

येसु ख्रिस्‍त लयको महान् महिमाकुस इ ल्‍हाउदयबाङहाङ द्‍याह्‍न्‌ति वाङ्‍साखेओ निको महान् आसाकाय ल्‍युह्‍ङ्‌ति मुतोकहाङ निखे ओउतहाइतिले याक्‍सा परनातहि। अनि ओउ येसु ख्रिस्‍तले निको महान् परमेस्‍वर र मुक्‍तिदाता खेसास्‍याउना।

तीतस् 3:4

तर निको मुक्‍तिदाता परमेस्‍वरइखे लयको योःन्‌मय र रापमय निकाय छ्‍यान्‍ति बइसास्‍यावा।