२ थेसलोनिकि 3:6 - चेपाङ

⁶ ङाको राप्‍तो बिस्‍वासि होयालम, निइ स्‍यानो स्‍यानरायकाय पालन जाह्‍ङ्‍मात अल्‍सि स्‍याउति याको बिस्‍वासिलमकसयखे निङ थे मुन त दाह्‍य्‌ति नि निङकाय निको प्रभु येसु ख्रिस्‍तको मय्‍ङहाङ आग्‍या जाह्‍ङ्‍नाङ्‍सु।

२ थेसलोनिकि 3:6 Iomraidhean Croise

१ थेसलोनिकि 4:1

द्‍याह अन्‍तिमहाङ, ङाको राप्‍तो बिस्‍वासि होयालम, निइ निङकाय स्‍यानो अनुसार परमेस्‍वरकाय म्रोताको खालको रुवाङ याक्‍साको लागि निइ निङकाय प्रभु येसुको मय्‍ङहाङ माहा जोक्‍तो बिन्‍ति जाह्‍ङ्‍नेनाङ्‍सु। निङपाय ङ्‍हामा ओउतले याको खेतेनय, तर अझ नाःतो ओउतहाइतिले याक्‍साको लागि निइ निङकाय हउसला बइसा चाहनाङ्‍सु।

१ थेसलोनिकि 4:11

निइ निङकाय ङ्‍हाखाले तोओ अनुसार, अरु मान्‍तालमकुस धोमाइतोकुसि याक्‍साको लागि कोसिस जाह्‍ङ्‍नु। अनि अरुको कामकाय वास्‍ता जाह्‍ङ्‍मात लयको कामकाय मात्र ध्‍यान बइनु र लयको क्रुतइले मेहेनत जाह्‍ङ्‌ति काम जाह्‍ङ्‍नु।

१ थेसलोनिकि 5:14

ङाको राप्‍तो बिस्‍वासि होयालम, पेतोकुसि काम जाह्‍ङ्‍मालो अल्‍सि मान्‍तालमकाय दर्‌कति तोनु, रयो मान्‍तालमकाय साहसि स्‍याउसाको लागि हउसला बइनु, कमजोर मान्‍तालमकाय सहयोग जाह्‍ङ्‍नु, र जुदा मान्‍तालमकुस धइरे स्‍याउति मुन त दाह्‍य्‌ति निइ निङकाय बिन्‍ति जाह्‍ङ्‍सा चाहनाङ्‍सु।

२ थेसलोनिकि 2:15

ओउतझ्‍यान्‍ते ङाको राप्‍तो बिस्‍वासि होयालम, निइ निङकाय क्रुस्‍ति र चिथि दुवारा दोह-दोह कुरा स्‍यान्‍नेआलाङ्‍स, ओउ कुराकाय ङ्‍हाम्‌ति बिस्‍वासहाङ ज्‍योतो स्‍याउति मुन।

२ थेसलोनिकि 3:7

धइतिदाह्‍य्‌सा निइ जाह्‍ङोलेखाले निङइमा जाह्‍ङ्‍सा परना त दाह्‍यो कुरापाय निङइ पेतोकुसि चिःओले मुतेनय। नि निङकुस मुतोक बेलाहाङ निखेपाय अल्‍सि नाःआक्‍ङसुलु।

१ तीमोथी 5:21

ङाइ नाङकाय परमेस्‍वर र ख्रिस्‍त येसु अनि पबित्र लाङकादुतको ङ्‍हा इ अर्‌थिलम पालन जाह्‍ङ्‍साको लागि आग्‍या जाह्‍ङ्‍नेनाङ। नाङइ ओउत हाइतोकहाङ सुकायमा छति बेबहार जाह्‍ङ्‍मात समान रुपहाङले न्‍याय जाह्‍ङु।

१ तीमोथी 6:5

र ओउतताह्‍ङो मान्‍तालमइ सधय समस्‍यालम मात्र वान्‍नानि। ओउमयको बिचार भ्रस्‍त स्‍याउना, र ओउमयइ सत्‍यताकाय फेतिखायो स्‍याउनय। ओउमयको बिचारहाङ परमेस्‍वरको भक्‍ति जाह्‍ङो कुराकायखे धन-सम्‍पति कमावो कुरा त म्‍हर्‌लेनय।

२ तीमोथी 3:5

ओउमयइ लयमयकाय धर्‌मि मःन्‌नाइसि, तर लयमयकाय परमेस्‍वरको भक्‍ति जाह्‍ङ्‍ताको जिःङकायखे इन्‍कार जाह्‍ङ्‍नानि। ओउतताह्‍ङो मान्‍तालमकसयखे नाङ लयले दल्‍ति मुअ।

२ तीमोथी 4:1

ख्रिस्‍त येसु लयको राज्‍य तयार जाह्‍ङ्‍साको लागि राजाको रुपहाङ द्‍याह्‍न्‌ति वाङ्‍सास्‍याउतोक बेलाहाङ, ओउ बेलासम्‍म सिधाङ्‍मालो र ङ्‍हाखाले सितिखायो मान्‍तालम जुदाकायले न्‍याय जाह्‍ङ्‍सास्‍याउना। ओउतझ्‍यान्‍ते परमेस्‍वर र ख्रिस्‍त येसुको ङ्‍हा ङाइ नाङकाय इ आग्‍या बइनेनाङ—