२ थेसलोनिकि 3:1 - चेपाङ

¹ अन्‍तिमहाङ, ङाको राप्‍तो बिस्‍वासि होयालम, निको लागि प्राथना जाह्‍ङ्‌ति बइताङ्‍सु त दाह्‍य्‌ति नि निङकाय बिन्‍ति जाह्‍ङ्‍नाङ्‍सु। प्रभुको आखर नाःतो भन्‍दा नाःतो फइलिधय आल्‍पाना, र इ आखर निङकहाङ वाङ्‍तोक बेलाहाङ निङइ मान-सम्‍मान जाह्‍ङोलेखाले गाउ थाउहाङ दाह्‌याकायमा जुदा मान्‍तालमइले मान-सम्‍मान जाह्‍ङ्‍पानानि त दाह्‍य्‌ति प्राथना जाह्‍ङ्‍नु।

२ थेसलोनिकि 3:1 Iomraidhean Croise

लुका 10:2

अनि येसुइ ओउमयकाय तोसास्‍यावा, “राङहाङ अन्‍नपाय प्रसस्‍‍तले मुना, तर अन्‍न हुम्‍साकाय खेत्‍लालमखे मइतो मात्र मुनय। ओउतझ्‍यान्‍ते अन्‍न हुम्‍साकाय खेत्‍लालम ल्होक्सास्‍याउपा त दाह्‍य्‌ति अन्‍नको मालिककाय प्राथना जाह्ङ्‍नु।

खबरदुत 12:24

तर परमेस्‍वरको आखरखे वेःताङ-ङोइताङले प्रचार स्‍यावा र नया बिस्‍वासिलम झन्-झन् नाःधय आलाकाय।

खबरदुत 19:20

एतहाइति प्रभुको आखर ताह्‍ङो जिःङकुसि हरेक थाउहाङ फइलिधय आला।

खबरदुत 6:7

ओहाङसयको परमेस्‍वरको आखर नाःतो थाउहाङ प्रचार स्‍यावा। यरुसलेमहाङ बिस्‍वासिलमको सङ्‍ख्‍यामा नाःतो स्‍याउधय आला, र नाःतो यहुदि पुजारिलमइ इ बिस्‍वासकाय सुइकार जाह्‍ङाकानि।

१ थेसलोनिकि 1:5

जब नि निङकहाङ पेओ खबर लात्‍ति वाङालाङ्‍सु, ओउ पेओ खबरहाङखे सब्‍दलम मात्र खेल तर जिःङमा खेतो, धइतिदाह्‍य्‌सा निइ तोओ कुरालमखे सत्‍यले खेना त दाह्‍य्‌ति पबित्र ग्‍वालामइ निङकाय माहा पेतोकुसि चिःताक्‍सास्‍यावो खेतो। अनि नि गतताह्‍ङो मान्‍ता खेनाङ्‍सु र गतहाइति निइ निङकाय सहयोग जाह्‍ङो खेङसुतो त दाह्‍यो कुरामा निङइ चिःओले मुतेनय।

१ थेसलोनिकि 1:8

धइतिदाह्‍य्‌सा निङको कारनइले माकेदोनिया र अखइया इलाकाभरि प्रभुको आखर प्रचार स्‍यावो खेना। अनि देङेखे निङइ परमेस्‍वरहाङ गमो बिस्‍वासको खबरमा जुदा थाउको मान्‍तालमइले चिःति खायो मुनय। ओउतझ्‍यान्‍ते ओउ मान्‍तालमकाय इ बिसयहाङ अरु नाःतो तोसाकाय नि आबस्‍यक ताःङसुलु।

१ थेसलोनिकि 2:1

ङाको राप्‍तो बिस्‍वासि होयालम, नि निङकहाङ वाङ्‍तोक बेलाहाङ निको यात्रा खेरो वायो नाःआक्‌ल त दाह्‍यो कुरापाय निङ लयमयइले चिःओ मुतेनय।

१ थेसलोनिकि 2:13

निइ प्रचार जाह्‍ङो आखरकाय निङइ बिस्‍वास जाह्‍ङोझ्‍यान्‍ते निखे सधय परमेस्‍वरकाय धन्‍नेबाद बइसा चाहनाङ्‍सु। धइतिदाह्‍य्‌सा ओउ आखरखेपाय मान्‍तालमकसय खेलेल, तर परमेस्‍वरकसयले वाङो खेना। निङइ ओउकाय परमेस्‍वरको आखरको रुपहाङ सुइकार जाह्‍ङोझ्‍यान्‍ते, देङे परमेस्‍वरइ निङकहाङ ओउ आखर दुवाराले काम जाह्‍ङ्‍सास्‍याउधय मुना।

१ थेसलोनिकि 4:1

द्‍याह अन्‍तिमहाङ, ङाको राप्‍तो बिस्‍वासि होयालम, निइ निङकाय स्‍यानो अनुसार परमेस्‍वरकाय म्रोताको खालको रुवाङ याक्‍साको लागि निइ निङकाय प्रभु येसुको मय्‍ङहाङ माहा जोक्‍तो बिन्‍ति जाह्‍ङ्‍नेनाङ्‍सु। निङपाय ङ्‍हामा ओउतले याको खेतेनय, तर अझ नाःतो ओउतहाइतिले याक्‍साको लागि निइ निङकाय हउसला बइसा चाहनाङ्‍सु।

१ थेसलोनिकि 5:17

जुदा समय प्राथना जाह्‍ङ्‌ति हुत्‍नु।

१ थेसलोनिकि 5:25

ङाको राप्‍तो बिस्‍वासि होयालम, निको लागिमा प्राथना जाह्‍ङ्‌ति बइताङि।

२ तीमोथी 2:9

र ओउ पेओ खबर प्रचार जाह्‍ङो कारनइले ङा देङे दुख दोःति मुनाङ र अपराधिको रुपहाङ झेलकनहाङ साङ्‍लाइ पाःन्‌तिगमो मुनाङ। तर परमेस्‍वरको आखरकायखे साङ्‍लाइ पाःन्‌सा खाइलेल।