२ थेसलोनिकि 2:10 - चेपाङ

¹⁰ बिनासको ल्‍यामहाङ लागओ मान्‍तालमकाय मुर्‌ख जाह्‍ङ्‍साको लागि ओउइ हरेक खालको पेमालो स्‍याताहा कुरालम जाह्‍ङ्‍लेनउ। ओउ मान्‍तालमइ लयकाय दल्‍ताक्‍साखेओ सत्‍य कुराकाय राप्‍सा र सुइकार जाह्‍ङ्‍सा इन्‍कार जाह्‍ङाकानि।

२ थेसलोनिकि 2:10 Iomraidhean Croise

१ थेसलोनिकि 2:16

ओउमयइ निकाय अरु जातिको मान्‍तालमको लागि मुक्‍ति दोःओ आखर प्रचार जाह्‍ङ्‍साकाय रोकसा कोसिस जाह्‍ङ्‍धय मुनय, र एतहाइति ओउमयइ झन्-झन् नाःतो पापलम जाह्‍ङो मुनय। अनि परमेस्‍वर ओउमयकुस रिस वाङ्‍सास्‍यावोझ्‍यान्‍ते, अन्‍तिमहाङ द्‍याहखे रेह्‍न्‌तोले परमेस्‍वरइ ओउमयकाय दन्‍द बइसास्‍याउलेना।

२ थेसलोनिकि 2:12

ओहाङसयको लोन्‍हे परमेस्‍वरइ ओउ स्‍याताहा कुराहाङ बिस्‍वास जाह्‍ङो जुदा मान्‍तालमकाय दन्‍द बइसास्‍याउलेना, धइतिदाह्‍य्‌सा ओउमयइखे सत्‍य कुराहाङ बिस्‍वास जाह्‍ङो भन्‍दा पेमालो कुरालम जाह्‍ङ्‌ति रमाइलो जाह्‍ङ्‍सा झाक्‍नय।

२ थेसलोनिकि 2:13

ङाको राप्‍तो बिस्‍वासि होयालम, प्रभुइ राप्‍सास्‍यावो निङको लागि निइखे परमेस्‍वरकाय सधयले धन्‍नेबाद बइसा परनाङ्‍सु। धइतिदाह्‍य्‌सा परमेस्‍वरइ निङकाय लयको पबित्र मान्‍ता जाह्‍ङ्‍सा र सत्‍यताहाङ बिस्‍वास जाह्‍ङ्‌ति ग्‍वालामको जिःङ दुवारा मुक्‍ति दोःसाको लागि ङ्‍हाहाङसयले छ्‍युह्‍ङ्‍सास्‍यावो मुना।

१ तीमोथी 2:4

जुदा मान्‍तालमइ मुक्‍ति दोःओ र लयको सत्‍यताको बारेहाङ चिःओ परमेस्‍वर चाहसास्‍याउना।