२ थेसलोनिकि 1:7 - चेपाङ

⁷ अनि परमेस्‍वरइ निङकाय र निकायमा ओउ सतावतसय छुत्‍कारा बइसास्‍याउलेना। परमेस्‍वरइ इ कामखे प्रभु येसु लयको जिःङकालि लाङकादुतलमकुस ल्‍युङो म्‍हेःहाङ लाङकासय वाङ्‍सास्‍याउतोक बेलाहाङ जाह्‍ङ्‍सास्‍याउलेना।

२ थेसलोनिकि 1:7 Iomraidhean Croise

मर्‌कस् 14:62

येसुइ जवाफ बइसास्‍यावा, “मा, ओउ ङाले खेनाङ। अनि निङइ ङा मान्‍ताको चोःकाय जुदा जिःङ नाःओ प्रभु परमेस्‍वरको ङोइसय च्‍युःङ्‌तिमुओ, र फेलबाङको मुसहाङ वाङ्‍धयमुओ च्‍यउतेनानि।”

मर्‌कस् 8:38

यदि निङ पापिलम र परमेस्‍वरकाय बिस्‍वास जाह्‍ङ्‍मालो मान्‍तालमको इ समयहाङ, ङा र ङाको स्‍यानरायकुस रास्‍तेनय त खेया, ङा मान्‍ताको चोःमा परमेस्‍वर आपाको महिमाहाङ पबित्र लाङकादुतलमकुस द्‍याह्‍न्‌ति वाङ्‍तोकहाङ निङकाय लयको त तोसा रास्‍‍लेनाङ।”

लुका 16:25

तर अब्राहामइ तोआथय, ‘चोः य, ल्‍हाउदयबाङखा स्‍याक्‍ति मुतोकहाङ न्‍युम्‍तो-न्‍हिक्‍तो जेःति मोजमज्‍जा जाह्‍ङो कुरा नाङइ म्‍हेःलाम अनि लाजरसइखे ओउबेलाहाङ आन नाःतो दुख च्‍यवो खेतो। तर देङेखे लाजरसइ इहाङ सुखकुस धोमाइतो मुना र नाङखे ओहाङ दुखहाङ मुतेना।

लुका 17:30

ओउतहाइतिले ङा मान्‍ताको चोः लाङकासय ल्‍हाउदयबाङखा थालाङ वाङो बेलाहाङमा ओउतले स्‍याउना।

खबरदुत 1:11

ओउनिसइ तोआकाचु, “अ गालिलको मान्‍तालम, निङ धइति इहाङ चिङ्‌ति फेलबाङताङ त्‍याउति योधय मुतेनय? गतहाइति निङकसय परमेस्‍वरइ येसुकाय लाङकाताङ आःल्‌सास्‍यावो निङइ च्‍यउतेआकानि, ओउतहाइतिले यात दिन ओउ येसु द्‍याह्‍न्‌ति वाङ्‍सास्‍याउना।”

खबरदुत 3:19

द्‍याह निङइ लयको पापको पस्‍ताप जाह्‍ङ्‍नु र परमेस्‍वरकताङ द्‍याह्‍न्‌न, ओउत स्‍याउधार्‌ना परमेस्‍वरइ निङको पाप छेमा जाह्‍ङ्‌ति बइसास्‍याउना।

१ थेसलोनिकि 3:13

ओउतले प्रभु येसुइ निङको बिस्‍वासकायमा बल्‍यो जाह्‍ङो स्‍याउपाना, अनि जब निको प्रभु येसु लयको जुदा पबित्र मान्‍तालमकुस द्‍याह्‍न्‌ति वाङ्‍सास्‍याउना, ओउतोक बेलाहाङखे परमेस्‍वर आपाको ङ्‍हा निङ पबित्र र दोह दोसमा नाःमातो स्‍याउतेपनय।

२ तीमोथी 2:12

यदि निइ दुख-कस्‍तलम सहनातह्‍य्‌नि त खेया, निमा ख्रिस्‍तकुसिले सासन जाह्‍ङ्‍नातह्‍य्‌नि। यदि निइ ख्रिस्‍तकाय इन्‍कार जाह्‍ङ्‍नातह्‍य्‌नि खेया, ख्रिस्‍तइमा निकाय इन्‍कार जाह्‍ङ्‍सास्‍याउलेना।

तीतस् 2:13

येसु ख्रिस्‍त लयको महान् महिमाकुस इ ल्‍हाउदयबाङहाङ द्‍याह्‍न्‌ति वाङ्‍साखेओ निको महान् आसाकाय ल्‍युह्‍ङ्‌ति मुतोकहाङ निखे ओउतहाइतिले याक्‍सा परनातहि। अनि ओउ येसु ख्रिस्‍तले निको महान् परमेस्‍वर र मुक्‍तिदाता खेसास्‍याउना।