२ थेसलोनिकि 1:11 - चेपाङ

¹¹ ओउतझ्‍यान्‍तेले निइ निङको लागि प्राथना जाह्‍ङ्‍नाङ्‍सु। परमेस्‍वरइ झाको रुवाङ याक्‍साको लागि ज्‍योतो स्‍याउतेपनय त दाह्‍य्‌ति निइ परमेस्‍वरकाय बिन्‍ति जाह्‍ङ्‍नाङ्‍सु। निङइ पेओ कामलमको लागि जाह्‍ङो इच्‍छ्‍या र निङको बिस्‍वासको जुदा कामलम परमेस्‍वरइ लयको जिःङ दुवारा पुरा जाह्‍ङ्‌ति बइतेपनय।

२ थेसलोनिकि 1:11 Iomraidhean Croise

मर्‌कस् 4:28

भुयार लयइले बोत-बिरुवालम दुङ्‌ताक्‍ति अन्‍न साइताक्‍नउ। ङ्‍हा बिरुवा दुङ्‍ना, अनि बाला लागना, ओहाङसयको लोन्‍हे बालाहाङ अन्‍न साइना।

लुका 12:32

ङाको चेलालमको मयो हुललम, निङ रइलाम! धइतिदाह्‍य्‌सा निङको परमेस्‍वर आपा निङकाय लयको राज्‍यको मान्‍ता जाह्‍ङ्‍सा झाक्‍सास्‍यावो मुना।

१ थेसलोनिकि 1:3

धइतिदाह्‍य्‌सा गतहाइति निङइ लयको बिस्‍वासकाय बेबहारहाङ वान्‍तेआकानि, गतहाइति निङइ अरु बिस्‍वासिलमकाय रापोझ्‍यान्‍ते ओउमयकाय सहयोग जाह्‍ङ्‍साको लागि जोक्‍तो मेहेनत जाह्‍ङ्‌ति काम जाह्‍ङ्‍तेआकानि, र गतहाइति निको प्रभु येसु ख्रिस्‍तहाङ निङइ गमो निङको आसा मधिम त मुना त दाह्‍यो कुरालमकाय निइ निको परमेस्‍वर आपाको ङ्‍हा सम्‍झनाङ्‍सु।

२ थेसलोनिकि 1:5

देङेखे निङ परमेस्‍वरको राज्‍यको मान्‍ता स्‍यावो कारनइले नाःतो दुख दोःति मुतेनय। इ जुदा थोकलमखे निङकाय परमेस्‍वरको राज्‍यहाङ ज्‍योतो जाह्‍ङ्‍साको लागि परमेस्‍वरइ जाह्‍ङ्‍साखेओ धार्‌मिक न्‍याय सहि खेना त दाह्‍यो कुराको प्रमान खेना।

२ थेसलोनिकि 2:14

निइ निङकाय पेओ खबर प्रचार जाह्‍ङ्‍तोकहाङ परमेस्‍वरइ निङकाय मुक्‍तिको लागि गोत्‍सास्‍यावा, अनि द्‍याहखे निङइ ओउ पेओ खबरहाङ बिस्‍वास जाह्‍ङ्‌ति निको प्रभु येसु ख्रिस्‍तको महिमाको भाक दोःसा खाइतेनानि।