२ थेसलोनिकि 1:10 - चेपाङ10 इ कुराखे प्रभु येसु लयकहाङ बिस्वास जाह्ङो लयको मान्तालमकसय सम्मानित स्याउलाङ वाङ्तोक बेलाहाङ स्याउलेना, अनि ओउमय मध्येहाङ निङमा परतेनय, धइतिदाह्य्सा निइ निङकाय तोओ कुराहाङ निङइमा बिस्वास जाह्ङ्तेआकानि। अनि ओउतस्याउतोक बेलाहाङखे प्रभु येसुहाङ बिस्वास जाह्ङो जुदा मान्तालम ग्याह्ङ्तो स्याउलेनय। Faic an caibideil |
२ थेसलोनिकि 1:10
40 Iomraidhean Croise
जब नि निङकहाङ पेओ खबर लात्ति वाङालाङ्सु, ओउ पेओ खबरहाङखे सब्दलम मात्र खेल तर जिःङमा खेतो, धइतिदाह्य्सा निइ तोओ कुरालमखे सत्यले खेना त दाह्य्ति पबित्र ग्वालामइ निङकाय माहा पेतोकुसि चिःताक्सास्यावो खेतो। अनि नि गतताह्ङो मान्ता खेनाङ्सु र गतहाइति निइ निङकाय सहयोग जाह्ङो खेङसुतो त दाह्यो कुरामा निङइ चिःओले मुतेनय।
निइ प्रचार जाह्ङो आखरकाय निङइ बिस्वास जाह्ङोझ्यान्ते निखे सधय परमेस्वरकाय धन्नेबाद बइसा चाहनाङ्सु। धइतिदाह्य्सा ओउ आखरखेपाय मान्तालमकसय खेलेल, तर परमेस्वरकसयले वाङो खेना। निङइ ओउकाय परमेस्वरको आखरको रुपहाङ सुइकार जाह्ङोझ्यान्ते, देङे परमेस्वरइ निङकहाङ ओउ आखर दुवाराले काम जाह्ङ्सास्याउधय मुना।
निको बिस्वासको महान् रहस्यको कुराकाय सुइमा इन्कार जाह्ङ्सा खाइलेनिलि, ओउखे देङे परमेस्वरइ निको लागि छ्यान्ति बइसास्यावो मुना— “ख्रिस्तपाय मनुवाको रुपहाङ थालाङ वाङ्सास्यावा, र ओउ धर्मि खेसास्याउना त दाह्यो कुरा पबित्र ग्वालामइ छ्यान्सास्यावो मुना, अनि ओउकाय लाङकादुतलमइमा च्यवाथय। जाति-जातिलमको माझहाङ ओउको प्रचार स्यावा, सङ्सारको मान्तालमइ ओउकाय बिस्वास जाह्ङाथय, र परमेस्वरइ ओउकाय महिमाहाङ लाङकाताङ च्युन्ति आःल्सास्यावा।”
ओउतझ्यान्तेले देङे ङा इहाङ झेलकनखा दुख दोःति मुनाङ। तर इ कुराहाङखे ङा जुगाङमा रासङल, धइतिदाह्य्सा ङाइ सुकाय बिस्वास जाह्ङो मुनाङ त दाह्यो कुरा ङाइ पेतोकुसि चिःओ मुनाङ। परमेस्वरइ दोह कुरा ङाकाय बिस्वास दुवारा सुम्पति बइसास्यावो मुना, ओउ कुराखे लय द्याह्न्ति वाङ्माच्युकसम्म ख्रिस्तइले सुरछ्या जाह्ङ्ति गम्सास्याउना त दाह्यो कुराहाङमा ङा पक्का मुनाङ।
Sanasan