१ तीमोथी 6:9 - चेपाङ

⁹ तर धनि स्‍याउसा झाको मान्‍तालमखे परिछ्‍या र धारापहाङ परलेनय। ओउमयइ नाःतो खालको मुर्‌ख र माहा पेमालो थोकलमको इच्‍छ्‍या जाह्‍ङ्‍नानि, ओउतझ्‍यान्‍ते ओउमय जुगाङले म्‍हेत्‍ति वाइलेनय।

१ तीमोथी 6:9 Iomraidhean Croise

मर्‌कस् 4:19

तर ल्‍हाउदयबाङको लिह्‌सिओ थोकलम, धन-सम्‍पतिको लोभ र मोजमज्‍जालमइ जाह्‍ङ्‍धार्‌ना बिस्‍वासकाय ब्‍याउसाले बयुलु र ओउमयकसय दोह सायमा साइलेल।

लुका 12:21

अनि येसुइ इ ल्‍हाकराय द्‍युम्‍ताक्‍धय एत तोसास्‍यावा, “लयको लागि धन-सम्‍पति त्‍युह्‍म्‌तिगमो तर परमेस्‍वरको नजरहाङ धनि स्‍याउमालो मान्‍ताको हालत एतले स्‍याउना।”

लुका 21:35

धइतिदाह्‍य्‌सा ओउ दिन इ ल्‍हाउदयबाङहाङ याको जुदा मान्‍तालमकहाङ वाङ्‍लेना।

खबरदुत 8:20

तर पत्रुसइ ओउकाय जवाफ बयाथय, “नाङको थेपो नाङकुसले म्‍हेत्‍पाना, धइतिदाह्‍य्‌सा परमेस्‍वरको बरदानकाय थेपोइ लेःसा खाइना त नाङ म्‍हर्‌तेआ।

१ तीमोथी 1:9

निइ इमा चिःनातह्‍य्‌नि, नेम-कानुनखे पेतो काम जाह्‍ङो पेओ मान्‍तालमको लागि जाह्‍ङो खेलेल। तर इखे नेम-कानुन पालन जाह्‍ङ्‍मालो र आग्‍याकारि नाःमालोलम, परमेस्‍वरको भक्‍ति जाह्‍ङ्‍मालो र पाप काम जाह्‍ङोलम, दुस्‍त काम जाह्‍ङो र अधर्‌मिलम, लयको आपा-आमाकाय सातो र हत्‍यारालमको लागि जाह्‍ङो खेना।

१ तीमोथी 3:7

ओउच्‍युक मात्र खेल, अगुवाखे मन्‍दलि भन्‍दा बाहिरको मान्‍तालमइमा मान जाह्‍ङो मान्‍ता स्‍याउसा परना, ओउत खेयाकाय मात्र ओउको अपमान स्‍याउल र दुस्‍त सय्‍तानको धारापहाङ परल।

१ तीमोथी 6:10

धइतिदाह्‍य्‌सा नाःतो धनि स्‍याउसा इच्‍छ्‍या जाह्‍ङो मान्‍तालमकहाङ जुदा खालको पेमालो दुस्‍त कुरालम स्‍याउलाङ वाङ्‍ना। गच्‍युक मान्‍तालमइखे धनि स्‍याउसा इच्‍छ्‍या जाह्‍ङोझ्‍यान्‍ते ख्रिस्‍तहाङ बिस्‍वास जाह्‍ङ्‍साले फेआकानि, र नाःतो दुख च्‍यवोझ्‍यान्‍ते दुखि स्‍यावो मुनय।

१ तीमोथी 6:17

इ सङ्‍सारको धनि मान्‍तालमकाय ओउमयको अजम्‍बरि खेमालो धन-सम्‍पतिहाङ ङाःलाम र भर परलाम, तर निको रुवाङहाङ चाहओ आनन्‍दको लागि जुदा थोक बइसाखेओ परमेस्‍वरकहाङ मात्र ओउमयइ आसा-भरोसा गम्‍पानानि त दाह्‍य्‌ति स्‍यानु।

२ तीमोथी 2:26

अनि ओउमय पेतोकुसि चिःतो स्‍याउनय, र दुस्‍त सय्‍तानको बन्‍धनसय बेनसा खाइनानि। धइतिदाह्‍य्‌सा ओउ दुस्‍त सय्‍तानइ ओउमयकाय लयको इच्‍छ्‍या अनुसार काम जाह्‍ङ्‍ताक्‍साको लागि बन्‍धनहाङ गमो मुना।

तीतस् 2:12

ओउ अनुग्रहइ निकाय परमेस्‍वरको बिरोतहाङ दोह काममा जाह्‍ङ्‍सास्‍याउल र सङ्‍सारिक इच्‍छ्‍या अनुसारको रुवाङ याक्‍सामा स्‍याउल, बरु इ सङ्‍सारहाङ मुच्‍युकसम्‍म लयको मनकाय अनुसासनहाङ गम्‍ति परमेस्‍वर झाक्‍तोको धर्‌मि रुवाङ याक्‍सा परना त दाह्‍य्‌ति अर्‌थि बइनातहि।