१ तीमोथी 6:4 - चेपाङ

⁴ ओउ बेग्‍लय खालको स्‍यानराय स्‍यानो मान्‍तालमखे लयमयले ङाःनाइसि, तर ओउमयइ दोङ्‌सिले दोह कुरामा चिःओ स्‍याउलेल। ओउतताह्‍ङो मान्‍तालमखे समस्‍या वान्‍सा झाक्‍नय र अनाबस्‍यक कुरालमहाङ बहस जाह्‍ङ्‍सा चाहनय। ओउतताह्‍ङो बेबहारइखे मान्‍तालमको माझहाङ चोःर्‌कायो, कायकायो, बेइजत र पेमालो सङ्‍खा मात्र वान्‍नउ।

१ तीमोथी 6:4 Iomraidhean Croise

खबरदुत 15:2

ओउमयको एतताह्‍ङो स्‍यानराय साइति पावल र बर्‌नबास ओउमयको कुराहाङ सहमत स्‍याउचल, र ओउमयकुस जोक्‍तो बहस जाह्‍ङाकाचु। ओहाङसयको लोन्‍हे, मुख्‍य चेलालम र अगुवालमकुस इ बिसयहाङ कुरा जाह्‍ङ्‍साको लागि मन्‍दलिको बिस्‍वासिलमइ पावल र बर्‌नबासकाय ओहाङको केहि बिस्‍वासिलमकुस यरुसलेमताङ ल्‍होकाकानि।

खबरदुत 18:15

तर इ बहसखेपाय निङको सब्‍दलम, मय्‍ङलम र नेम-कानुनको बारेहाङ मात्र खेना, ओउतझ्‍यान्‍ते निङ लयमयइले इ कुराको न्‍याय जाह्‍ङ्‍नु। ङा एतताह्‍ङो कुराको न्‍याय जाह्‍ङ्‍सा चाहङल।”

खबरदुत 8:9

ओउ सहरहाङ यातचाक सिमोन त मय्‍ङ्‍ओ मान्‍ता याक्‍तो। ओउइ नाःतो बर्‌सहाङसयले चतक छ्‍यानो काम जाह्‍ङ्‍धय वाङो खेतो, र ओउको चतक च्‍यउति सामरियाको जुदा मान्‍तालम ग्‍याह्‍ङितो। ओउइ “ङा ताह्‍ङो मान्‍ता खेनाङ” त दाह्‍य्‌ति ङाःसतो।

२ थेसलोनिकि 2:4

ओउ मान्‍ताइ परमेस्‍वरको र मान्‍तालमइ परमेस्‍वरको रुपहाङ पुजा-आराधना जाह्‍ङो जुदा थोकलमकोले बिरोध जाह्‍ङ्‍नउ। ओहाङसयको ओउइ, ङा परमेस्‍वर खेनाङ त दाह्‍य्‌ति लयइ लयकायले घोसना जाह्‍ङाक्‍तिको परमेस्‍वरको मन्‍दिरहाङ आल्‍ति मुलेना।

१ तीमोथी 1:4

नाङइ ओउमयकाय सत्‍य खेमालो स्‍याताहा विनरायलम ल्‍हाक्‍सा र पुर्‌खालमको गलमा द्‍युम्‍मालो बङ्‍सलमको बारेहाङ नोःसाकायमा रोकसा परलेतेना। धइतिदाह्‍य्‌सा ओउतताह्‍ङो कुराइ बिबाद मात्र स्‍याउना, र परमेस्‍वरहाङ बिस्‍वासिलो स्‍याउति याको मान्‍तालमकाय दोह सहयोगमा स्‍याउलेल।

१ तीमोथी 1:7

ओउमय परमेस्‍वरइ मोसा दुवारा बइसास्‍यावो नेम-कानुनको गुरु स्‍याउसा बोःङ्‍नानि, र जुदा कुरा लयमयइले चिःओलेखा हाइति चिःरेउ मःन्‌ति नोःनय, तर नि दोह कुराको बारेहाङ नोःधय मुनातहि त दाह्‍यो कुराले ओउमयइ चिःनिलि।

१ तीमोथी 3:6

अगुवाखे भखर मात्र प्रभुहाङ बिस्‍वास जाह्‍ङो नया बिस्‍वासि स्‍याउसा स्‍याउल, ओउत स्‍याउना त खेयापाय ओउ ङाःनास र दुस्‍त सय्‍तानइ लय ङाःतोक बेलाहाङ परमेस्‍वरकसय दन्‍द दोःओ लेखाले ओउइमा दन्‍द दोःलेना।

२ तीमोथी 2:14

तिमोथि, इ कुरालमको बारेहाङ जुदा मान्‍तालमकाय सम्‍झाउ, र सब्‍दलमकाय लेःति लयमय कायकायो काम जाह्‍ङ्‍लाम त दाह्‍य्‌ति परमेस्‍वरको ङ्‍हा दर्‌कति तोउ। ओउतताह्‍ङो बहसलमइखे सुकायमा फाइदा जाह्‍ङुलु, र ओउतताह्‍ङो कुरालमइ सायो मान्‍तालमकायमा बिनासहाङ दाक्‍नउ।

२ तीमोथी 2:23

तर मुर्‌ख र अग्‍यानि कुरालमकाय इन्‍कार जाह्‍ङु, धइतिदाह्‍य्‌सा ओउतताह्‍ङो कुरालमइ कायकायतो स्‍याउना त दाह्‍यो कुरापाय नाङइ चिःओले मुतेना।

२ तीमोथी 3:4

ओउमयइ लयको होयालमकायले धोका बइनानि, एत हाइधार्‌ना लोन्‍हे दोह स्‍याउना त दाह्‍यो कुरा सोचमातले मुर्‌ख कामलम जाह्‍ङ्‍नानि, र अरु मान्‍तालमकाय भन्‍दा लयकायखे महत्‍वको ताःनाइसि। ओउतले ओउमयइ परमेस्‍वरकाय राप्‍सा भन्‍दामा लयको रुवाङ मोजमज्‍जाहाङ बिताउसा इच्‍छ्‍या जाह्‍ङ्‍नानि।

तीतस् 3:9

तर नाङखे बेर्‌थको कुराहाङ बाद-बिबाद जाह्‍ङो, पुर्‌खालमको गलमा द्‍युम्‍मालो बङ्‍सलमको बारेहाङ नोःओ, र परमेस्‍वरइ मोसा दुवारा बइसास्‍यावो नेम-कानुनको बारेहाङ बिबाद जाह्‍ङ्‌ति कायकायो मान्‍तालमकसय दल्‍ति मुअ, धइतिदाह्‍य्‌सा ओउतताह्‍ङो कुरालमखे दोह काममा लागमालो बेर्‌थको खेना।