१ तीमोथी 6:21 - चेपाङ

²¹ गच्‍युक मान्‍तालमखे ओउतताह्‍ङो मुर्‌ख कुराहाङ बिस्‍वास जाह्‍ङोझ्‍यान्‍ते, ख्रिस्‍तहाङ जाह्‍ङो बिस्‍वाससय लोन्‍हे परओ मुनय। परमेस्‍वरको अनुग्रह निङ जुदाकुसिले स्‍याउपाना। आमेन।

१ तीमोथी 6:21 Iomraidhean Croise

१ तीमोथी 1:19

लयको बिस्‍वासकाय ख्रिस्‍तहाङ गम्‍ति सुद्‍ध बिबेक अनुसार काम जाह्‍ङु। धइतिदाह्‍य्‌सा गच्‍युक मान्‍तालमइ लयको बिबेककाय इन्‍कार जाह्‍ङोझ्‍यान्‍ते ख्रिस्‍तहाङ लयको बिस्‍वासकाय दल्‍ताक्‍ति गम्‍सा खाइनिलि।

१ तीमोथी 1:6

तर केहि मान्‍तालमखे इ जुदा कुराकाय फेआक्‍तिको बेर्‌थको कुराहाङ बिबाद जाह्‍ङ्‌ति समय खेरो वायो मुनय।

१ तीमोथी 6:10

धइतिदाह्‍य्‌सा नाःतो धनि स्‍याउसा इच्‍छ्‍या जाह्‍ङो मान्‍तालमकहाङ जुदा खालको पेमालो दुस्‍त कुरालम स्‍याउलाङ वाङ्‍ना। गच्‍युक मान्‍तालमइखे धनि स्‍याउसा इच्‍छ्‍या जाह्‍ङोझ्‍यान्‍ते ख्रिस्‍तहाङ बिस्‍वास जाह्‍ङ्‍साले फेआकानि, र नाःतो दुख च्‍यवोझ्‍यान्‍ते दुखि स्‍यावो मुनय।

२ तीमोथी 2:18

सिओसय उह्‍ति च्‍योको काम ङ्‍हाखाले स्‍याउतिखायो मुना त दाह्‍य्‌ति ओउनिसइ सत्‍यको ल्‍यामकाय फेआकाचु। एतहाइति ओउनिसइ केहि बिस्‍वासिलमको बिस्‍वासकायमा मिह्‍तो जाह्‍ङ्‍ताक्‍धय मुनाच।

२ तीमोथी 4:22

तिमोथि, प्रभु येसु ख्रिस्‍त नाङकुसि मुसास्‍याउपाना। अनि परमेस्‍वरको अनुग्रहखे निङ जुदाकुसिले स्‍याउपाना। आमेन।

तीतस् 3:15

इहाङ ङाकुस मुओ जुदा बिस्‍वासिलमको तर्‌फसय नाङकाय अभिबादन मुना। अनि नाङइखे निकाय रापो ओहाङको जुदा बिस्‍वासिलमकायमा निको तर्‌फसय अभिबादन तोति बयु। परमेस्‍वरको अनुग्रह निङ जुदाकुसिले स्‍याउपाना। आमेन।