१ तीमोथी 6:2 - चेपाङ

² बिस्‍वासि नोकरलमको मालिकलम बिस्‍वासिले खेयाकायमा ओउमयकाय मान जाह्‍ङ्‍साले परना। ओउमयइ लयको मालिकलमको झन् नाःतो सेवा जाह्‍ङ्‍पानानि, धइतिदाह्‍य्‌सा ओउमयकाय फाइदा स्‍याउसा त तोओखे लयको राप्‍तो बिस्‍वासिलमको फाइदा स्‍याउसाले खेना। तिमोथि, नाङइ इ कुरालमले मान्‍तालमकाय स्‍यानु, र ओउ पालन जाह्‍ङ्‍साको लागि ओउमयकाय हउसला बयु।

१ तीमोथी 6:2 Iomraidhean Croise

खबरदुत 1:15

यात दिन बिस्‍वासिलम यात सय बिस जनाच्‍युक हुमो खेइतो, र पत्रुसखे ओउमयको ङ्‍हा नोःसाको लागि चिङा,

२ थेसलोनिकि 1:3

ङाको राप्‍तो बिस्‍वासि होयालम, निइखे सधय निङको लागि परमेस्‍वरकाय धन्‍नेबाद बइसाले परनाङ्‍सु। अनि एत हाइसाखे निको लागि पेतो स्‍याउलेना, धइतिदाह्‍य्‌सा परमेस्‍वरहाङ निङको बिस्‍वास, र यात-अर्‌काको लागि निङको रापमय झन् नाःतो स्‍याउधय आलो मुना।

१ तीमोथी 4:11

ङाइ लेखओ इ जुदा कुरालम मान्‍तालमकाय स्‍यानु र पालन जाह्‍ङ्‍ताक्‍साको लागि आग्‍या बयु।

१ तीमोथी 5:1

लयसय ताह्‍ङो पुःकाय जान्‍लाम, बरु लयको आपाकाय लेखाले मान जाह्‍ङ्‌ति बिन्‍ति जाह्‍ङु। अनि लयसय मयो मान्‍तालमकायखे लयको हउलमकाय लेखाले बेबहार जाह्‍ङु।

तीतस् 2:1

तर तितस, नाङइखे बिस्‍वासिलमकाय परमेस्‍वरको सत्‍य स्‍यानराय मात्र स्‍यानु।

तीतस् 2:15

तितस, नाङइखे बिस्‍वासिलमकाय इ कुरालम स्‍यान्‍सा, र इ कुरालम जाह्‍ङ्‍ताक्‍साको लागि ओउमयकाय सहयोग जाह्‍ङ्‍सा परतेना। नाङइ ओउमयकाय जुदा अधिकारकुसिले हउसला बयु र जान्‍ति तोउ, र सुइमा नाङइ तोओ कुराकाय इन्‍कार जाह्‍ङ्‍तो स्‍याउजेलाम।

तीतस् 3:8

ङाइ तोओ इ कुरालमखे बिस्‍वास जाह्‍ङ्‍सा ज्‍योओ सत्‍य कुराले खेना। बिसेस जाह्‍ङ्‌ति नाङइखे ङाइ तोओ इ कुरालम मान्‍तालमइ पेतोकुसि चिःतोसम्‍म स्‍यानो ङा चाहनाङ। ओउतस्‍याउतोक बेलाहाङ परमेस्‍वरहाङ बिस्‍वास जाह्‍ङो मान्‍तालम पेओ कामलम जाह्‍ङ्‍साको लागि होसियार स्‍याउलेनय। ओउ कुरालमखे जुदा मान्‍तालमको लागि पेतो र फाइदाको लागि स्‍याउलेना।