१ तीमोथी 6:18 - चेपाङ

¹⁸ ओउमयको धन-सम्‍पति पेओ कामलम जाह्‍ङ्‍साको लागि मात्र प्रयोग जाह्‍ङ्‍पानानि त दाह्‍य्‌ति ओउमयकाय स्‍यानु। ओउमयखे पेओ कामलमको धनि स्‍याउपनय, र योःन्‌मय स्‍याउति लयकुस नाःओ थोकलम खान्‍चोहाङ परओ अरु मान्‍तालमकाय वेःति बइपानानि।

१ तीमोथी 6:18 Iomraidhean Croise

लुका 12:21

अनि येसुइ इ ल्‍हाकराय द्‍युम्‍ताक्‍धय एत तोसास्‍यावा, “लयको लागि धन-सम्‍पति त्‍युह्‍म्‌तिगमो तर परमेस्‍वरको नजरहाङ धनि स्‍याउमालो मान्‍ताको हालत एतले स्‍याउना।”

लुका 3:11

ओउ त्याङा, “यदि निङकुस निसज्‍यो लावनाय मुना त खेया, यातज्‍योमा नाःमालोलमकाय बइनु। र यदि निङकुस प्रसस्‍त जेःगालम मुना त खेया, योङक्रायोलमकाय बइनु।”

खबरदुत 10:38

परमेस्‍वरइ नासरतको येसुकाय गतहाइति पबित्र ग्‍वालाम र जिःङ बइति छ्‍युह्‍ङ्‍सास्‍यावो खेतो त दाह्‍यो कुरामा निङइ चिःओले मुतेनय। अनि येसुइ जुदा थाउहाङ आल्‍ति पेओ कामलम जाह्‍ङ्‍सास्‍यावा र दुस्‍त सय्‍तानको अधिनहाङ परओलमकाय स्‍याक्‍ताक्‍सास्‍यावा, धइतिदाह्‍य्‌सा परमेस्‍वर येसुकुस खेसास्‍याउतो।

खबरदुत 11:29

अगाबसको ओउ कुरा साइति भ्‍याआपछि, एन्‍तिओखियाहाङ मुओ बिस्‍वासिलमइ यहुदियाहाङ मुओ बिस्‍वासि होयालमकाय ल-लयइ खायोसम्‍मको सहयोग ल्‍होकाकानि।

खबरदुत 9:36

योप्‍पा त तोओ सहरहाङ तबिता त मय्‍ङ्‍ओ यातचाक बिस्‍वासि हउद्‍याङ खेतो। (ग्रिक भासाहाङ ओउको मय्‍ङ दोर्‌कास त खेतो, र ओउको मानेखे “कस्‍याः” खेना।) ओउइ लयको जुदा समय पे-पेओ काम जाह्‍ङ्‌ति र गरिबलमकाय सहयोग जाह्‍ङ्‌ति हुतुतो।

१ तीमोथी 5:10

अनि ओउखे पे-पेओ काम जाह्‍ङोझ्‍यान्‍ते जुदा मान्‍तालमकसयले मान दोःओ स्‍याउसा परना। ओउइ लयको चोः चोःद्‍याङलमकाय पेतोकुसि स्‍यासो र पाहुनालमकाय लयको किमहाङ सेवा-सत्‍कार जाह्‍ङो स्‍याउसा परना, अनि ओउइ अरु बिस्‍वासिलमको दोम हुर्‌ति सेवा जाह्‍ङो र खान्‍चोहाङ परओलमकाय सहयोग जाह्‍ङो स्‍याउसा परना। ओउतले अरु पेओ कामलम जाह्‍ङो स्‍याउसा परना।

तीतस् 2:14

निकाय जुदा खालको पापलमसय छुत्‍कारा बइसा, र निको ल्‍हुङतुककाय सुद्‍ध जाह्‍ङ्‍साको लागि येसुइ बलिदानको रुपहाङ लयको रुवाङले बइसास्‍यावा। येसुइखे निकाय लयको मान्‍ता स्‍यावो र पे-पेओ कामलम जाह्‍ङ्‍सा मात्र झाको चाहसास्‍यावोझ्‍यान्‍ते ओउत जाह्‍ङ्‍सास्‍यावो खेना।

तीतस् 3:8

ङाइ तोओ इ कुरालमखे बिस्‍वास जाह्‍ङ्‍सा ज्‍योओ सत्‍य कुराले खेना। बिसेस जाह्‍ङ्‌ति नाङइखे ङाइ तोओ इ कुरालम मान्‍तालमइ पेतोकुसि चिःतोसम्‍म स्‍यानो ङा चाहनाङ। ओउतस्‍याउतोक बेलाहाङ परमेस्‍वरहाङ बिस्‍वास जाह्‍ङो मान्‍तालम पेओ कामलम जाह्‍ङ्‍साको लागि होसियार स्‍याउलेनय। ओउ कुरालमखे जुदा मान्‍तालमको लागि पेतो र फाइदाको लागि स्‍याउलेना।