१ तीमोथी 6:14 - चेपाङ

¹⁴ निको प्रभु येसु ख्रिस्‍त इ ल्‍हाउदयबाङहाङ फेरि द्‍याह्‍न्‌ति वाङ्‍माच्‍युकसम्‍म, परमेस्‍वरइ नाङकाय बइसास्‍यावो जुदा आग्‍याकाय नाङइ पेओ सुद्‍ध मनकुसि पालन जाह्‍ङु। ओउत जाह्‍ङ्‍तेनउ त खेयाकायखे सुइमा नाङकाय पेमातो जाह्‍ङ्‍तेआकान त दाह्‍य्‌ति गाल बइसा खाइलेतेल।

१ तीमोथी 6:14 Iomraidhean Croise

१ थेसलोनिकि 3:13

ओउतले प्रभु येसुइ निङको बिस्‍वासकायमा बल्‍यो जाह्‍ङो स्‍याउपाना, अनि जब निको प्रभु येसु लयको जुदा पबित्र मान्‍तालमकुस द्‍याह्‍न्‌ति वाङ्‍सास्‍याउना, ओउतोक बेलाहाङखे परमेस्‍वर आपाको ङ्‍हा निङ पबित्र र दोह दोसमा नाःमातो स्‍याउतेपनय।

१ थेसलोनिकि 5:23

धोमायो बइसास्‍यावो परमेस्‍वरइले निङकाय हरेक अबस्‍थालमहाङमा पबित्र जाह्‍ङ्‍तेपनय। ओउ परमेस्‍वरइले निको प्रभु येसु ख्रिस्‍त द्‍याह्‍न्‌ति वाङ्‍माच्‍युकसम्‍म निङको जुदा ग्‍वालाम, प्रान र ज्‍यानकाय दोह गल्‍तिमा नाःमातो जाह्‍ङ्‌ति बइतेपनय।

२ थेसलोनिकि 2:1

ङाको राप्‍तो बिस्‍वासि होयालम, जब निको प्रभु येसु ख्रिस्‍त द्‍याह्‍न्‌ति वाङ्‍सास्‍याउना, ओउबेलाहाङ प्रभुकाय क्रुस्‍साको लागि नि जुदा यातथाउहाङ ब्रक्‍त हुम्‍नातहि। ओउतझ्‍यान्‍ते ङा निङकाय सल्‍लाहको रुपहाङ इ कुरालम तोसा चाहनाङ—

२ थेसलोनिकि 2:8

ओहाङसयको लोन्‍हे ओउ दुस्‍त मान्‍ता थालाङ वाङ्‍ना, अनि प्रभु येसुइ ओउकाय लयको म्‍होतोङसय ग्‍ल्‍युह्‍ङो सब्‍दलम दुवारा सात्‍सास्‍याउना र जब येसु ताह्‍ङो महिमाहाङ वाङ्‍सास्‍याउना ओउ दुस्‍त मान्‍ताखे जुगाङको लागि म्‍हेत्‍ति वाइलेना।

१ तीमोथी 6:20

तिमोथि, परमेस्‍वरइ नाङको जिम्‍माहाङ बइसास्‍यावो सत्‍य आखरकाय पेतोकुसि सुरछ्‍या जाह्‍ङ्‌ति गमु। परमेस्‍वरको नजरहाङ महत्‍वको खेमालो कुरालम, र मान्‍तालमइ “ग्‍यान” त तोओ तर ओउखे परमेस्‍वरको सत्‍य आखरको बिरोतहाङ खेना त खेयाखे ओउतताह्‍ङो कुरा साइसाकाय इन्‍कार जाह्‍ङु।

२ तीमोथी 4:1

ख्रिस्‍त येसु लयको राज्‍य तयार जाह्‍ङ्‍साको लागि राजाको रुपहाङ द्‍याह्‍न्‌ति वाङ्‍सास्‍याउतोक बेलाहाङ, ओउ बेलासम्‍म सिधाङ्‍मालो र ङ्‍हाखाले सितिखायो मान्‍तालम जुदाकायले न्‍याय जाह्‍ङ्‍सास्‍याउना। ओउतझ्‍यान्‍ते परमेस्‍वर र ख्रिस्‍त येसुको ङ्‍हा ङाइ नाङकाय इ आग्‍या बइनेनाङ—

तीतस् 2:13

येसु ख्रिस्‍त लयको महान् महिमाकुस इ ल्‍हाउदयबाङहाङ द्‍याह्‍न्‌ति वाङ्‍साखेओ निको महान् आसाकाय ल्‍युह्‍ङ्‌ति मुतोकहाङ निखे ओउतहाइतिले याक्‍सा परनातहि। अनि ओउ येसु ख्रिस्‍तले निको महान् परमेस्‍वर र मुक्‍तिदाता खेसास्‍याउना।