१ तीमोथी 6:10 - चेपाङ

¹⁰ धइतिदाह्‍य्‌सा नाःतो धनि स्‍याउसा इच्‍छ्‍या जाह्‍ङो मान्‍तालमकहाङ जुदा खालको पेमालो दुस्‍त कुरालम स्‍याउलाङ वाङ्‍ना। गच्‍युक मान्‍तालमइखे धनि स्‍याउसा इच्‍छ्‍या जाह्‍ङोझ्‍यान्‍ते ख्रिस्‍तहाङ बिस्‍वास जाह्‍ङ्‍साले फेआकानि, र नाःतो दुख च्‍यवोझ्‍यान्‍ते दुखि स्‍यावो मुनय।

१ तीमोथी 6:10 Iomraidhean Croise

मर्‌कस् 4:19

तर ल्‍हाउदयबाङको लिह्‌सिओ थोकलम, धन-सम्‍पतिको लोभ र मोजमज्‍जालमइ जाह्‍ङ्‍धार्‌ना बिस्‍वासकाय ब्‍याउसाले बयुलु र ओउमयकसय दोह सायमा साइलेल।

१ तीमोथी 3:3

ओउखे नाःतो ङोतिः तुङो मान्‍ता स्‍याउसा स्‍याउल। ओउपाय रिसाहा मान्‍ता स्‍याउसा स्‍याउल, बरु भलाद्‌मि स्‍याउसा परना। ओउ अरुकुस कायकाइति वाहो मान्‍ता स्‍याउसा स्‍याउल, र धन-सम्‍पतिको लोभ जाह्‍ङो मान्‍तामा स्‍याउसा स्‍याउल।

१ तीमोथी 6:21

गच्‍युक मान्‍तालमखे ओउतताह्‍ङो मुर्‌ख कुराहाङ बिस्‍वास जाह्‍ङोझ्‍यान्‍ते, ख्रिस्‍तहाङ जाह्‍ङो बिस्‍वाससय लोन्‍हे परओ मुनय। परमेस्‍वरको अनुग्रह निङ जुदाकुसिले स्‍याउपाना। आमेन।

१ तीमोथी 6:9

तर धनि स्‍याउसा झाको मान्‍तालमखे परिछ्‍या र धारापहाङ परलेनय। ओउमयइ नाःतो खालको मुर्‌ख र माहा पेमालो थोकलमको इच्‍छ्‍या जाह्‍ङ्‍नानि, ओउतझ्‍यान्‍ते ओउमय जुगाङले म्‍हेत्‍ति वाइलेनय।

२ तीमोथी 3:2

धइतिदाह्‍य्‌सा ओउ दिनलमहाङ मान्‍तालमइ लयइ लयकाय र थेपोकाय मात्र राप्‍नानि, र ओउमय माहा जोक्‍तो मःन्‌नाइसि र ङाःरेउ स्‍याउनय। अनि ओउमय परमेस्‍वरको अपमान जाह्‍ङो र लयको आपा-आमाको कुराकाय माःनेमालो, बइगुनि र परमेस्‍वरको भक्‍ति जाह्‍ङ्‍मालो मान्‍ता स्‍याउनय।

२ तीमोथी 4:10

देमासइ इ रुवाङको चोङाइसिओ थोकलमकाय रापोझ्‍यान्‍ते ङाकाय फेआक्‍तिको थेसलोनिके सहरताङ आला। क्रेसेन्‍सखे गलातियाताङ र तितसखे दलमातिया छेत्रताङ आला।

तीतस् 1:11

तर नाङइखे ओउमयकाय ङइमात मुताक्‍सा परलेना, धइतिदाह्‍य्‌सा स्‍यान्‍साले स्‍याउमालो स्‍याताहा कुरालम स्‍यान्‍ति किमको जुदा माचरलमकाय ओउमयइ सत्‍य स्‍यानराय फेति ओउमयको स्‍याताहा स्‍यानरायहाङ बिस्‍वास जाह्‍ङ्‍ताको मुना। अनि ओउमयइखे थेपोको लागि मात्र ओउत जाह्‍ङो खेनय।