१ तीमोथी 6:1 - चेपाङ

¹ जुदा बिस्‍वासि नोकरलमइखे लयको मालिकलमकाय मान-सम्‍मान जाह्‍ङ्‍साले परना। ओउतखेयाकाय मात्र सु मान्‍तालमइमा परमेस्‍वरको मय्‍ङ र निइ बयो स्‍यानरायकाय गाल बइसा खाइनिलि।

१ तीमोथी 6:1 Iomraidhean Croise

लुका 17:1

येसुइ लयको चेलालमकाय तोसास्‍यावा, “मान्‍तालमको बिस्‍वास मिह्‍ताको कुरालमपाय दोङ्‌सिले स्‍याउलेना। तर धिक्‍कार ओउ मान्‍ताकाय, सुकसय ओउतताह्‍ङो कुरा स्‍याउना!

खबरदुत 10:22

ओउमय त्‍याङाकाय, “यातचाक कर्‌नेलियस त मय्‍ङ्‍ओ रोमि हाकिमिइ निकाय ल्‍होकाताङ्‍सु। ओउखे धर्‌मि मान्‍ता खेना र ओउइ परमेस्‍वरको भक्‍ति जाह्‍ङ्‍नउ, र जुदा यहुदि मान्‍तालमइ ओउकाय मान जाह्‍ङ्‍नाथय। कर्‌नेलियसइ नाङकसय खबर साइसा दोःपाना त दाह्‍य्‌ति परमेस्‍वरको पबित्र लाङकादुतइ ओउकाय लयको किमहाङ नाङकाय गोत्‍साको लागि तोसास्‍यावा।”

खबरदुत 10:7

जब कर्‌नेलियसकुस नोःओ लाङकादुत ओउकसय वेङ्‌ति पाह्‍या, ओउइ लयको किमहाङ काम जाह्‍ङो निसचाक नोकर र लयको र परमेस्‍वरको सेवा जाह्‍ङो यातचाक सिपाहिकाय गोताकान।

खबरदुत 15:10

ओउतझ्‍यान्‍ते नि र निको पुर्‌खालमइमा च्‍युन्‍सा खाइमालो लिःओ भारि, बिस्‍वास जाह्‍ङो अरु जातिको मान्‍तालमको कुमहाङ काआक्‍तिको निङ धइति ते परमेस्‍वरको परिछ्‍या जाह्‍ङ्‍धय मुतेनय?

१ तीमोथी 5:14

ओउतझ्‍यान्‍ते ओउ मयो उमेरको राङ्‌गि मोम्‍चोलमइखे फेरि बिह्‍या जाह्‍ङो, चोः चोःद्‍याङलम नाःओ, र ल-लयको किम स्‍याहार जाह्‍ङो ङा चाहनाङ। ओउतस्‍याउतोक बेलाहाङ बइरिलममा ओउमयको बिरोतहाङ नोःसा खाइलेनिलि।

तीतस् 2:5

जवान मोम्‍चोलमखे बेबहारिक र योःन्‌मय स्‍याउसा परना, अनि लयको पाचाकाय मान-सम्‍मान जाह्‍ङो पेओ माचा स्‍याउसा परना। यदि ओउमय ओउतहाइति पेतोकुसि याक्‍नय त खेयाखे, सु मान्‍तालमइमा परमेस्‍वरको आखरको बिरोतहाङ पेमातो नोःसा खाइलेनिलि।