१ तीमोथी 5:7 - चेपाङ

⁷ इ अर्‌थिलम पालन जाह्‍ङ्‍साको लागि जुदा बिस्‍वासिलमकाय स्‍यानु, अनि ओउमयइ पेमातो गल्‍ति जाह्‍ङो मुना त दाह्‍य्‌ति सु मान्‍तालमइमा गाल बइसा खाइलेनिलि।

१ तीमोथी 5:7 Iomraidhean Croise

१ तीमोथी 1:3

ङा माकेदोनिया इलाकाताङ आल्‍तोक बेलाहाङ “नाङखे एफिसस सहरहाङले मुअ” त दाह्‍य्‌ति ङाइ नाङकाय बिन्‍ति जाह्‍ङ्‍नेआलाङ। ओहाङ केहि मान्‍तालमइ स्‍याताहा स्‍यानराय स्‍यानो काम जाह्‍ङो मुनय, र नाङइखे ओउमयकाय ओउत हाइलाम त दाह्‍य्‌ति आग्‍या जाह्‍ङ्‍सा परलेतेना।

१ तीमोथी 4:11

ङाइ लेखओ इ जुदा कुरालम मान्‍तालमकाय स्‍यानु र पालन जाह्‍ङ्‍ताक्‍साको लागि आग्‍या बयु।

१ तीमोथी 6:17

इ सङ्‍सारको धनि मान्‍तालमकाय ओउमयको अजम्‍बरि खेमालो धन-सम्‍पतिहाङ ङाःलाम र भर परलाम, तर निको रुवाङहाङ चाहओ आनन्‍दको लागि जुदा थोक बइसाखेओ परमेस्‍वरकहाङ मात्र ओउमयइ आसा-भरोसा गम्‍पानानि त दाह्‍य्‌ति स्‍यानु।

२ तीमोथी 4:1

ख्रिस्‍त येसु लयको राज्‍य तयार जाह्‍ङ्‍साको लागि राजाको रुपहाङ द्‍याह्‍न्‌ति वाङ्‍सास्‍याउतोक बेलाहाङ, ओउ बेलासम्‍म सिधाङ्‍मालो र ङ्‍हाखाले सितिखायो मान्‍तालम जुदाकायले न्‍याय जाह्‍ङ्‍सास्‍याउना। ओउतझ्‍यान्‍ते परमेस्‍वर र ख्रिस्‍त येसुको ङ्‍हा ङाइ नाङकाय इ आग्‍या बइनेनाङ—

तीतस् 1:13

ओउ क्रेतको अगमबक्‍ताइ तोओ तोरायखे सत्‍यले खेना। ओउतझ्‍यान्‍ते ओउ क्रेतको मान्‍तालमकाय माहा जोक्‍तो जान्‍ति तोउ, र ओउतस्‍याउतोक बेलाहाङ ओउमयकाय बिस्‍वासहाङ पेतो स्‍याउताक्‍साकाय नाङइ सहयोग जाह्‍ङ्‍सा खाइतेपनउ।

तीतस् 2:15

तितस, नाङइखे बिस्‍वासिलमकाय इ कुरालम स्‍यान्‍सा, र इ कुरालम जाह्‍ङ्‍ताक्‍साको लागि ओउमयकाय सहयोग जाह्‍ङ्‍सा परतेना। नाङइ ओउमयकाय जुदा अधिकारकुसिले हउसला बयु र जान्‍ति तोउ, र सुइमा नाङइ तोओ कुराकाय इन्‍कार जाह्‍ङ्‍तो स्‍याउजेलाम।