१ तीमोथी 5:5 - चेपाङ

⁵ लयको सुमा नाःमालो राङ्‌गि मोम्‍चोइखे लयको आसा-भरोसा परमेस्‍वरकहाङ मात्र गमो स्‍याउना। र ओउइ दिन-याह्‌दिङ त मा दाह्‍य्‌मात लयको सहयोगको लागि परमेस्‍वरकाय प्राथना जाह्‍ङ्‌तिले मुओ स्‍याउना।

१ तीमोथी 5:5 Iomraidhean Croise

लुका 18:1

ओहाङसयको येसुइ लयको चेलालमकाय निरास स्‍याउमात सधय प्राथना जाह्‍ङ्‍सा परना त दाह्‍य्‌ति चिःताक्‍साकाय यातज्‍यो ल्‍हाकराय तोसास्‍यावा,

लुका 18:7

यदि इ अधर्‌मि न्‍यायधिसइ न्‍याय जाह्‍ङ्‌ति बइनउ त खेया, दिनमा याह्‌दिङमा प्राथना जाह्‍ङो लयको मान्‍तालमकाय निको परमेस्‍वरइ दोङ्‌सिले न्‍याय जाह्‍ङ्‌ति बइसास्‍याउना। दोह परमेस्‍वरइ लयको मान्‍तालमकाय सहयोग जाह्ङ्‍मात मुसास्‍याउना र? खेल, परमेस्‍वरइ ओउत हाइसास्‍याउल।

लुका 2:37

अनि ओउ मोम्‍चो चउरासि बर्‌ससम्‍मले राङ्‌गि स्‍याउतिमुओ खेतो। ओउइ गलमा मन्‍दिर फेयाकुलु बरु दिनमा याह्‌दिङमा उपाङ मुति प्राथना जाह्ङ्‍धय परमेस्‍वरकाय भक्‍ति जाह्‍ङ्‌ति मुतो।

खबरदुत 26:7

निको बाह्र बङ्‍सलमइ परमेस्‍वरइ बाचा जाह्‍ङ्‍सास्‍यावो आसिकको लागि दिन-याह्‌दिङ त मा दाह्‍य्‌मात म्रोतिले परमेस्‍वरको सेवा जाह्‍ङाकानि। अ राजा अग्रिपास, इ आसा-भरोसाको कारनइले निको केहि पाको अगुवालमइ ङाकाय गाल बयो खेनय।

खबरदुत 6:1

ओउतोक बेलाहाङ प्रभुको चेलालम सङ्‍ख्‍याहाङ नाःधय आलाकाय। तर ग्रिक भासा नोःओ केहि यहुदिलमइ हिब्रु भासा नोःओ यहुदिलमको बिरोतहाङ नोःसा फाःङाकानि। “हिब्रु भासा नोःओ यहुदिलमइ दिनमले वेःतिबयो जेःगाहाङ निको राङ्‌गि मोम्‍चोलमकाय छति बयाकानि” त दाह्‍य्‌ति ग्रिक भासा नोःओ यहुदिलमइ गाल बयो खेइतो।

खबरदुत 9:39

ओहाङसयको पत्रुस ओउनिसकुस आला, र जब ओउ ओहाङ दाहा, ओउकाय त्‍याःउको चोताहाङ आःलाथय। ओहाङ नाःतो राङ्‌गि मोम्‍चोलम र्‌याधयमुओ खेइतो र दोर्‌कास स्‍याक्‍ति मुतोकहाङ लयमयको लागि ओउइ रुप्‌तिबयो लावनायलम पत्रुसकाय छ्‍यानाकानि।

खबरदुत 9:41

पत्रुसइ ओउको क्रुतहाङ चुम्‍ति ओउकाय चिङताकाकान। अनि जुदा राङ्‌गि मोम्‍चोलम र बिस्‍वासिलमकाय भित्र गोताक्‍तिको तबिताकाय जिउदोले ओउमयको जिम्‍मा लावाकान।

१ तीमोथी 2:1

तिमोथि, ङ्‍हाखेपाय जुदा मान्‍तालमकाय प्राथना जाह्‍ङ्‍साको लागि ङाइ नाङ र अरु बिस्‍वासिलमकाय बिन्‍ति जाह्‍ङ्‍नेनाङ्‍स। ओउमयकाय सहयोग जाह्‍ङ्‍सा र आसिक बइताक्‍साको लागि निङइ परमेस्‍वरकाय बिन्‍ति जाह्‍ङ्‍नु, र ओउमयको लागि परमेस्‍वरकाय धन्‍नेबाद बइनु।

१ तीमोथी 5:16

यदि कुनय बिस्‍वासि मोम्‍चोको लयको मान्‍तालमकहाङ राङ्‌गि मोम्‍चोलम मुनय त खेया, मन्‍दलिकाय दोह भारमा परताक्‍मातो ओउइले ओउमयको स्‍याहार जाह्‍ङ्‍पनउ। ओउत हाइतोकहाङ दोङ्‌सिले सुमा नाःमालो राङ्‌गि मोम्‍चोकाय मन्‍दलिइ सहयोग जाह्‍ङ्‍सा खाइनउ।

१ तीमोथी 5:3

सु सहयोगिमा नाःमालो राङ्‌गि मोम्‍चोलमकायखे मान जाह्‍ङ्‌तिले सहयोग जाह्‍ङु।

२ तीमोथी 1:3

तिमोथि, जब ङाइ नाङकाय दिनखामा याह्‌दिङखामा ङाको प्राथनाहाङ सम्‍झनेनाङ, ङाको पुर्‌खालमइ जाह्‍ङोलेखा ङाइ सुद्‍ध मनकुसि सेवा जाह्‍ङो परमेस्‍वरकाय ङाइ धन्‍नेबाद बइनाङ।