१ तीमोथी 5:21 - चेपाङ

²¹ ङाइ नाङकाय परमेस्‍वर र ख्रिस्‍त येसु अनि पबित्र लाङकादुतको ङ्‍हा इ अर्‌थिलम पालन जाह्‍ङ्‍साको लागि आग्‍या जाह्‍ङ्‍नेनाङ। नाङइ ओउत हाइतोकहाङ सुकायमा छति बेबहार जाह्‍ङ्‍मात समान रुपहाङले न्‍याय जाह्‍ङु।

१ तीमोथी 5:21 Iomraidhean Croise

लुका 20:21

ओउतझ्‍यान्‍ते ओउ सुराकि मान्‍तालमइ येसुकाय ह्‍वताकानि, “अ गुरु, निइ चिःनाङ्‍सु, नाङ सत्‍य नोःसास्‍याउना र पेतो स्‍यान्‍सास्‍याउना। निइ चिःनाङ्‍सु, नाङइ जुदा मान्‍तालमकाय यातय खालको बेबहार जाह्‍ङ्‍सास्‍याउना र नाङइ मान्‍तालम गतहाइति याको परमेस्‍वर चाहसास्‍याउना त दाह्‍यो सत्‍य कुरा स्‍यान्‍सास्‍याउना।

लुका 9:26

यदि निङ ङा र ङाको स्‍यानरायकुस रास्‍तेनय त खेया, ङा मान्‍ताको चोःइमा ङा लयको र परमेस्‍वर आपाको अनि पबित्र लाङकादुतलमको महिमाहाङ वाङ्‍धार्‌ना निङकाय लयको त तोसा रास्‍‍लेनाङ।

१ थेसलोनिकि 5:27

इ चिथिखे जुदा बिस्‍वासि होयालमकाय पह्रति साइताक्‍नु त दाह्‍य्‌ति ङाइ निङकाय प्रभुको मय्‍ङहाङ बिन्‍ति जाह्‍ङ्‍सा चाहनाङ।

१ तीमोथी 6:13

जुदा थोककाय रुवाङ बइसास्‍यावो परमेस्‍वर, र पन्‍तियस पिलातसको ङ्‍हा लयको बिस्‍वासको पेओ गभाइ बइसास्‍यावो ख्रिस्‍त येसुको ङ्‍हा, ङाइ नाङकाय तोनेनाङ,

२ तीमोथी 2:14

तिमोथि, इ कुरालमको बारेहाङ जुदा मान्‍तालमकाय सम्‍झाउ, र सब्‍दलमकाय लेःति लयमय कायकायो काम जाह्‍ङ्‍लाम त दाह्‍य्‌ति परमेस्‍वरको ङ्‍हा दर्‌कति तोउ। ओउतताह्‍ङो बहसलमइखे सुकायमा फाइदा जाह्‍ङुलु, र ओउतताह्‍ङो कुरालमइ सायो मान्‍तालमकायमा बिनासहाङ दाक्‍नउ।

२ तीमोथी 4:1

ख्रिस्‍त येसु लयको राज्‍य तयार जाह्‍ङ्‍साको लागि राजाको रुपहाङ द्‍याह्‍न्‌ति वाङ्‍सास्‍याउतोक बेलाहाङ, ओउ बेलासम्‍म सिधाङ्‍मालो र ङ्‍हाखाले सितिखायो मान्‍तालम जुदाकायले न्‍याय जाह्‍ङ्‍सास्‍याउना। ओउतझ्‍यान्‍ते परमेस्‍वर र ख्रिस्‍त येसुको ङ्‍हा ङाइ नाङकाय इ आग्‍या बइनेनाङ—