१ तीमोथी 5:17 - चेपाङ

¹⁷ लयइ जाह्‍ङ्‍सा परओ सेवाको जिम्‍मेवारि पेतोकुसि जाह्‍ङो मन्‍दलिको अगुवालम, र बिसेस जाह्‍ङ्‌ति परमेस्‍वरको आखर प्रचार जाह्‍ङो र स्‍यानो अगुवालमइखे झन् नाःतो मान-सम्‍मान स्‍याहार दोःसा परलेना।

१ तीमोथी 5:17 Iomraidhean Croise

लुका 10:7

निङ ओउ किमहाङले मुन, ओउमयइ दोह बइतेनय, ओउले जेःनु र तुङ्‍नु, धइतिदाह्‍य्‌सा काम जाह्‍ङो मान्‍तालमइखे ज्‍याला दोःसाले परना। किमयपिछि बास एःन्‌ति वाहो काम जाह्‍ङ्‍लाम।

लुका 12:42

प्रभु येसुइ तोसास्‍यावा, “ओउ बिस्‍वासि र बुद्‍दिमानि सेवकखे सु खेना त दाह्‍य्‌ति ङाइ निङकाय तोनेनाङ्‍स। मालिकइ लयको किमको जुदा कामलम सुम्‍पति बयापछि, ओउ बुद्‍दिमानि र भरपरसिओ सेवकइखे अरु सेवकलमकाय सहि समयहाङ जेःगा-तुङ्‍गा बइलेनउ।

खबरदुत 11:30

ओउतहाइति हुमो थेपो यरुसलेमको अगुवालमकाय आःल्‌ति बइसाको लागि बर्‌नबास र सावलकाय ल्‍हाआकानि।

खबरदुत 20:35

खान्‍चोहाङ परओलमकाय गतहाइति माहा जोक्‍तो मेहेनत जाह्‍ङ्‌ति निङइ सहयोग जाह्‍ङ्‍सा खाइतेनानि त दाह्‍यो कुराको उधारन ङाइ निङकाय छ्‍यान्‍नेआलाङ्‍स। निङइखे ‘लेःओ मान्‍तासयपाय बयो मान्‍ता नाःतो आसिसित स्‍याउना’ त दाह्‍य्‌ति प्रभु येसुइ तोसास्‍यावो कुराकाय सम्‍झसा परतेनय।”

खबरदुत 28:10

ओउमयइ निकाय नाःतो थोकलम बइति मान जाह्‍ङाताङ्‍सु, र जब नि ओउ थाउकाय फेति तिः जहासहाङ लह्‍न्‌ति वाह्‍सा तयार स्‍यावालाङ्‍सु, ओउमयइ निको लागि ल्‍यामहाङ चाहओ थोकलममा तिः जहासहाङ काति ल्‍होकाताङ्‍सु।

१ तीमोथी 3:5

धइतिदाह्‍य्‌सा यदि कुनय मान्‍ताइ लयको माचरलमकाय गतहाइति स्‍याहार्‌सा परना त दाह्‍यो कुराले चिःउलु त खेया, ओउइ परमेस्‍वरको मन्‍दलिको मान्‍तालमकाय गतहाइति स्‍याहार्‌सा खाइचउ र?

१ तीमोथी 4:10

निइ माहा जोक्‍तो मेहेनतकुसि काम जाह्‍ङ्‍नातह्‍य्‌नि, धइतिदाह्‍य्‌सा निइ जिउदो परमेस्‍वरकहाङ आसा-भरोसा गमो मुनातहि। ओउ परमेस्‍वरखे जुदा मान्‍तालमको, र बिसेस जाह्‍ङ्‌ति बिस्‍वास जाह्‍ङोलमको मुक्‍तिदाता खेसास्‍याउना।

१ तीमोथी 4:14

अगमबक्‍तालमइ नोःतोकहाङ र मन्‍दलिको अगुवालमइ नाङको तालाङहाङ क्रुत झाम्‍ति आसिक बइतोकहाङ, परमेस्‍वरइ नाङकाय बइसास्‍यावो ग्‍वालामि बरदानकाय नाङइ जुगाङमा म्‍हेःजेलाम।

१ तीमोथी 4:16

नाङ गतहाइति याक्‍तेना र नाङइ गतहाइति स्‍यान्‍तेनउ त दाह्‍यो कुराहाङ नाङ होसियार स्‍याव र इ कुरा जाह्‍ङ्‍साकाय जुगाङमा फेलाम। यदि नाङइ ओउत जाह्‍ङ्‍तेनउ त खेया नाङ लयमा दल्‍तेना र नाङको स्‍यानराय सायो मान्‍तालमकायमा दल्‍ताक्‍तेनउ।

१ तीमोथी 4:6

तिमोथि, यदि नाङइ इ कुरालमको बारेहाङ अरु बिस्‍वासिलमकाय पेतोकुसि तोतेनउ त खेया, नाङखे ख्रिस्‍त येसुको पेओ सेवकले स्‍याउतेना। अनि नाङइ पालन जाह्‍ङ्‍धय वाङो निको बिस्‍वासको पेओ स्‍यानरायइले नाङकाय बिस्‍वासहाङ बल्‍यो जाह्‍ङ्‍तेना।

१ तीमोथी 5:19

यदि कुनय मान्‍ताइ मन्‍दलिको अगुवाकाय गाल बइनउ त खेयाकायमा, निसचाक अथबा सुमजना साछि नाःमाच्‍युकसम्‍म ओउ कुराकाय सुइकार जाह्‍ङ्‍लाम।

१ तीमोथी 5:3

सु सहयोगिमा नाःमालो राङ्‌गि मोम्‍चोलमकायखे मान जाह्‍ङ्‌तिले सहयोग जाह्‍ङु।

२ तीमोथी 2:6

खेतिको यातम् भाकखे ल्‍हप्‍रतिः पान्‍तोसम्‍म जोक्‍तो मेहेनत जाह्‍ङो किसानिइले दोःसा परना।

२ तीमोथी 4:2

परमेस्‍वरको आखर मान्‍तालमकाय प्रचार जाह्‍ङु। प्रचार जाह्‍ङ्‍साको लागि बेलाहाङमा कुबेलाहाङमा तयार स्‍याउति मुअ। मान्‍तालमइ गल्‍ति जाह्‍ङ्‍तोकहाङ सुधार जाह्‍ङु, र फेरि गल्‍ति जाह्‍ङ्‍मासाको लागि थतु, अनि पेओ काम जाह्‍ङ्‍साको लागि हउसला बयु। तर मान्‍तालमकाय पेओ स्‍यानराय बइतोकहाङखे धइरे स्‍याउतिले स्‍यानु।