१ तीमोथी 4:13 - चेपाङ

¹³ ङा नाङकहाङ वाङ्‍माच्‍युकसम्‍म, नाङइ मन्‍दलिको मान्‍तालमकाय धर्‌मसास्‍त्र पह्रति साइताकु, अनि ओउमयकाय ख्रिस्‍तको पेओ खबरको बारेहाङ स्‍यानु र आग्‍या पालन जाह्‍ङ्‍ताकु।

१ तीमोथी 4:13 Iomraidhean Croise

खबरदुत 17:11

थेसलोनिकेको मान्‍तालमकोसयपाय इहाङको मान्‍तालमको ल्‍हुङतुक पेतो खेतो, धइतिदाह्‍य्‌सा इमयइ पावलको स्‍यानरायकाय माहा पेतोकुसि साइनितो। पावल र सिलासइ स्‍यानो आखर सत्‍य मुना या मुल या त दाह्‍य्‌ति योसाको लागि ओउमयइ दिनमले धर्‌मसास्‍त्र पह्रओ काम जाह्‍ङ्‌नितो।

खबरदुत 6:4

अनि निखे जुदा समय प्राथना र परमेस्‍वरको आखर प्रचार जाह्‍ङो कामहाङ लागनाङ्‍सु।”

१ तीमोथी 4:16

नाङ गतहाइति याक्‍तेना र नाङइ गतहाइति स्‍यान्‍तेनउ त दाह्‍यो कुराहाङ नाङ होसियार स्‍याव र इ कुरा जाह्‍ङ्‍साकाय जुगाङमा फेलाम। यदि नाङइ ओउत जाह्‍ङ्‍तेनउ त खेया नाङ लयमा दल्‍तेना र नाङको स्‍यानराय सायो मान्‍तालमकायमा दल्‍ताक्‍तेनउ।

१ तीमोथी 4:6

तिमोथि, यदि नाङइ इ कुरालमको बारेहाङ अरु बिस्‍वासिलमकाय पेतोकुसि तोतेनउ त खेया, नाङखे ख्रिस्‍त येसुको पेओ सेवकले स्‍याउतेना। अनि नाङइ पालन जाह्‍ङ्‍धय वाङो निको बिस्‍वासको पेओ स्‍यानरायइले नाङकाय बिस्‍वासहाङ बल्‍यो जाह्‍ङ्‍तेना।

२ तीमोथी 3:15

नाङपाय बालाख कालहाङसयले पबित्र धर्‌मसास्‍त्रको बारेहाङ स्‍यानराय दोःति हुर्‌कओ मान्‍ता खेतेना। ख्रिस्‍त येसुहाङ बिस्‍वास जाह्‍ङ्‍तोकहाङ मुक्‍ति दोःना त दाह्‍यो कुराको बुद्‍दिखे ओउ धर्‌मसास्‍त्रसयले दोःना।

२ तीमोथी 4:2

परमेस्‍वरको आखर मान्‍तालमकाय प्रचार जाह्‍ङु। प्रचार जाह्‍ङ्‍साको लागि बेलाहाङमा कुबेलाहाङमा तयार स्‍याउति मुअ। मान्‍तालमइ गल्‍ति जाह्‍ङ्‍तोकहाङ सुधार जाह्‍ङु, र फेरि गल्‍ति जाह्‍ङ्‍मासाको लागि थतु, अनि पेओ काम जाह्‍ङ्‍साको लागि हउसला बयु। तर मान्‍तालमकाय पेओ स्‍यानराय बइतोकहाङखे धइरे स्‍याउतिले स्‍यानु।

तीतस् 2:15

तितस, नाङइखे बिस्‍वासिलमकाय इ कुरालम स्‍यान्‍सा, र इ कुरालम जाह्‍ङ्‍ताक्‍साको लागि ओउमयकाय सहयोग जाह्‍ङ्‍सा परतेना। नाङइ ओउमयकाय जुदा अधिकारकुसिले हउसला बयु र जान्‍ति तोउ, र सुइमा नाङइ तोओ कुराकाय इन्‍कार जाह्‍ङ्‍तो स्‍याउजेलाम।