१ तीमोथी 4:12 - चेपाङ

¹² नाङ अझसम्‍मले जवान मुतेना, तर खेयाकायमा जुदा मान्‍तालमइ नाङकाय मन्‍दलिको अगुवाको रुपहाङले मान जाह्‍ङ्‍तेपाना। बिस्‍वासिलम गतहाइति याक्‍सा परना त दाह्‍यो कुरा ओउमयकाय छ्‍यान्‍ति बयु। अनि नाङ दोह नोःतेना, दोह जाह्‍ङ्‍तेनउ, मान्‍तालमकाय गतहाइति राप्‍तेनउ, परमेस्‍वरकाय गतहाइति बिस्‍वास जाह्‍ङ्‍तेनउ, अनि गतहाइति रुवाङहाङ सुद्‍ध स्‍याउति याक्‍तेना त दाह्‍यो कुराहाङखे नाङ बिस्‍वासिलमको लागि यातज्‍यो नमुना स्‍याव।

१ तीमोथी 4:12 Iomraidhean Croise

१ थेसलोनिकि 1:6

जब निङइ परमेस्‍वरको आखरकाय सुइकार जाह्‍ङ्‍तेआकानि, निङ लयको रुवाङहाङ निइ जाह्‍ङो र प्रभु येसुइ जाह्‍ङ्‍सास्‍यावो बेबहार अनुसार याक्‍तेआकाय। ओउतस्‍याउतोक बेलाहाङ निङइ नाःतो दुख च्‍यउतेआकानि, तर पबित्र ग्‍वालामइ निङकाय आसताक्‍सा स्‍याउलेआ।

१ थेसलोनिकि 2:10

निङ बिस्‍वासिलमकुस बेबहार जाह्‍ङ्‍तोकहाङ नि पबित्र र धर्‌मि खेङसुतो अनि निइ दोह गल्‍तिमा जाह्‍ङो नाःआक्‍ङसुलु त दाह्‍यो कुराको साछिपाय निङ मात्र खेमात परमेस्‍वरमा खेसास्‍याउना।

१ तीमोथी 1:14

अनि प्रभु येसु ख्रिस्‍तइ ङाकाय प्रसस्‍त मात्राहाङ अनुग्रह बइसास्‍यावा, र लयकहाङ मुओ बिस्‍वास र रापमयइ ङाकाय भरपुर जाह्‍ङ्‍सास्‍यावा।

२ तीमोथी 2:15

परमेस्‍वरको ङ्‍हा जोक्‍तो मेहेनत जाह्‍ङ्‌ति काम जाह्‍ङु, अनि परमेस्‍वरइ नाङकाय सुइकार जाह्‍ङ्‍सा खाइतेपाना। ओउको लागि नाङखे रास्‍सा परमातो परमेस्‍वरको सत्‍य आखर पेतोकुसि मान्‍तालमकाय स्‍यानो पेओ कामदार स्‍याव।

२ तीमोथी 2:22

ओउतझ्‍यान्‍ते लयको जवानिपनको पेमालो इच्‍छ्‍यालमकाय फेउ। अनि सुद्‍ध मनकुसि प्रभुको भक्‍ति जाह्‍ङो मान्‍तालमकुस मिलति परमेस्‍वर झाक्‍तोको धर्‌मि रुवाङ याक्‍सा कोसिस जाह्‍ङु, बिस्‍वासिलो स्‍याव, अरु मान्‍तालमकाय रापु र ओउमयकुस धोमाइतोकुसि याक।

२ तीमोथी 2:7

ङा दोह कुरा नोःधय मुनाङ त दाह्‍यो कुराकाय ध्‍यान बइति सोचउ, धइतिदाह्‍य्‌सा प्रभुइले नाङकाय इ जुदा कुरालम चिःसाकाय सहयोग जाह्‍ङ्‍सा स्‍याउना।

तीतस् 2:15

तितस, नाङइखे बिस्‍वासिलमकाय इ कुरालम स्‍यान्‍सा, र इ कुरालम जाह्‍ङ्‍ताक्‍साको लागि ओउमयकाय सहयोग जाह्‍ङ्‍सा परतेना। नाङइ ओउमयकाय जुदा अधिकारकुसिले हउसला बयु र जान्‍ति तोउ, र सुइमा नाङइ तोओ कुराकाय इन्‍कार जाह्‍ङ्‍तो स्‍याउजेलाम।

तीतस् 2:7

नाङइ जाह्‍ङो जुदा कुराहाङ पे-पेओ काम जाह्‍ङ्‌ति ओउमयको लागि यातज्‍यो उधारन स्‍याव। नाङइ बिस्‍वासिलमकाय स्‍यानतोक बेलाहाङ इमान्‍दार अनि गम्‍भिर स्‍याउति स्‍यानु।