१ तीमोथी 4:10 - चेपाङ

¹⁰ निइ माहा जोक्‍तो मेहेनतकुसि काम जाह्‍ङ्‍नातह्‍य्‌नि, धइतिदाह्‍य्‌सा निइ जिउदो परमेस्‍वरकहाङ आसा-भरोसा गमो मुनातहि। ओउ परमेस्‍वरखे जुदा मान्‍तालमको, र बिसेस जाह्‍ङ्‌ति बिस्‍वास जाह्‍ङोलमको मुक्‍तिदाता खेसास्‍याउना।

१ तीमोथी 4:10 Iomraidhean Croise

१ तीमोथी 2:3

ओउतताह्‍ङो प्राथनाखे माहा पेतो स्‍याउना र निको मुक्‍तिदाता परमेस्‍वरमा आससा स्‍याउना।

१ तीमोथी 2:4

जुदा मान्‍तालमइ मुक्‍ति दोःओ र लयको सत्‍यताको बारेहाङ चिःओ परमेस्‍वर चाहसास्‍याउना।

१ तीमोथी 2:6

जुदा मान्‍तालमकाय ओउमयको पापलमसय दल्‍ताक्‍साको लागि येसुइ बलिदानको रुपहाङ लयको रुवाङ बइसास्‍यावा। इखे परमेस्‍वरइ सङ्‍सारको मान्‍तालमकाय सहि समयहाङ बइसास्‍यावो खबर खेना।

१ तीमोथी 3:15

तर यदि ङा नाङकहाङ रेह्‍न्‌तो वाङ्‍सा खाइङल त खेयाकायमा, परमेस्‍वरको माचरलम गतहाइति याक्‍सा परना त दाह्‍यो कुरा नाङइ चिःओ ङा चाहनाङ। परमेस्‍वरको माचर त तोओखे जिउदो परमेस्‍वरको मन्‍दलि, अनि सत्‍य आखरको तोस र धुर्‌कुन खेना।

१ तीमोथी 6:17

इ सङ्‍सारको धनि मान्‍तालमकाय ओउमयको अजम्‍बरि खेमालो धन-सम्‍पतिहाङ ङाःलाम र भर परलाम, तर निको रुवाङहाङ चाहओ आनन्‍दको लागि जुदा थोक बइसाखेओ परमेस्‍वरकहाङ मात्र ओउमयइ आसा-भरोसा गम्‍पानानि त दाह्‍य्‌ति स्‍यानु।