१ तीमोथी 3:3 - चेपाङ

³ ओउखे नाःतो ङोतिः तुङो मान्‍ता स्‍याउसा स्‍याउल। ओउपाय रिसाहा मान्‍ता स्‍याउसा स्‍याउल, बरु भलाद्‌मि स्‍याउसा परना। ओउ अरुकुस कायकाइति वाहो मान्‍ता स्‍याउसा स्‍याउल, र धन-सम्‍पतिको लोभ जाह्‍ङो मान्‍तामा स्‍याउसा स्‍याउल।

१ तीमोथी 3:3 Iomraidhean Croise

खबरदुत 20:33

ङाइ कुनय मान्‍तालमको सुन, चान्‍दि अथबा पेओ नायलमको गलमा इच्‍छ्‍या जाह्‍ङ्‍ङल।

१ थेसलोनिकि 5:14

ङाको राप्‍तो बिस्‍वासि होयालम, पेतोकुसि काम जाह्‍ङ्‍मालो अल्‍सि मान्‍तालमकाय दर्‌कति तोनु, रयो मान्‍तालमकाय साहसि स्‍याउसाको लागि हउसला बइनु, कमजोर मान्‍तालमकाय सहयोग जाह्‍ङ्‍नु, र जुदा मान्‍तालमकुस धइरे स्‍याउति मुन त दाह्‍य्‌ति निइ निङकाय बिन्‍ति जाह्‍ङ्‍सा चाहनाङ्‍सु।

१ तीमोथी 3:8

ओउतहाइतिले मन्‍दलिहाङ सेवा जाह्‍ङो दिकनलममा बिस्‍वासिलो र मान-सम्‍मान दोःसा ज्‍योओ स्‍याउसा परना। ओउमयखे नाःतो ङोतिः तुङो र धन-सम्‍पतिको लोभ जाह्‍ङो स्‍याउसा स्‍याउल।

२ तीमोथी 3:2

धइतिदाह्‍य्‌सा ओउ दिनलमहाङ मान्‍तालमइ लयइ लयकाय र थेपोकाय मात्र राप्‍नानि, र ओउमय माहा जोक्‍तो मःन्‌नाइसि र ङाःरेउ स्‍याउनय। अनि ओउमय परमेस्‍वरको अपमान जाह्‍ङो र लयको आपा-आमाको कुराकाय माःनेमालो, बइगुनि र परमेस्‍वरको भक्‍ति जाह्‍ङ्‍मालो मान्‍ता स्‍याउनय।

तीतस् 1:11

तर नाङइखे ओउमयकाय ङइमात मुताक्‍सा परलेना, धइतिदाह्‍य्‌सा स्‍यान्‍साले स्‍याउमालो स्‍याताहा कुरालम स्‍यान्‍ति किमको जुदा माचरलमकाय ओउमयइ सत्‍य स्‍यानराय फेति ओउमयको स्‍याताहा स्‍यानरायहाङ बिस्‍वास जाह्‍ङ्‍ताको मुना। अनि ओउमयइखे थेपोको लागि मात्र ओउत जाह्‍ङो खेनय।

तीतस् 1:7

धइतिदाह्‍य्‌सा मन्‍दलिको अगुवाखे परमेस्‍वरको काम जाह्‍ङो मान्‍ता स्‍यावोझ्‍यान्‍ते सुइमा पेमालो गाल बइसा खाइमातो स्‍याउसा परना। ओउखे ङाःरेउ अथबा रेह्‍न्‌तो रिस वाङो मान्‍ता स्‍याउसा स्‍याउल, अनि ओउ नाःतो ङोतिः तुङो अथबा कायकायो काम जाह्‍ङो अथबा धन-सम्‍पतिको लोभ जाह्‍ङो मान्‍तामा स्‍याउसा स्‍याउल।

तीतस् 2:3

ओउतले पाको बुधि मोम्‍चोलमखे परमेस्‍वरकाय मान-सम्‍मान स्‍याउतो पेओ कामलम जाह्‍ङ्‌ति याक्‍सा परना त दाह्‍य्‌ति ओउमयकाय स्‍यानु। ओउमयइखे अरु मान्‍तालमकाय जवओ, र नाःतो ङोतिः तुङो काम जाह्‍ङ्‍सास्‍याउल। बरु अरु मान्‍तालमकाय पे-पेओ कुरालम स्‍यानो काम जाह्‍ङ्‍सा परना।

तीतस् 3:2

ओउमयइ सुकायमा पेमालो दुस्‍त कुरालम तोजेलाम, र सुकुसिमा कायकायो काम जाह्‍ङ्‍जेलाम। बरु नम्र स्‍याउति जुदाकुसिले मिलति मुजेपनय।