१ तीमोथी 3:13 - चेपाङ

¹³ दिकनको रुपहाङ पेतोकुसि सेवा जाह्‍ङो मान्‍तालमइखे अरु मान्‍तालमकसय मान-सम्‍मान दोःलेनय, र लयमयइ ख्रिस्‍त येसुहाङ जाह्‍ङो बिस्‍वासको बारेहाङ साहसकुसि मान्‍तालमकाय तोसा खाइलेनानि।

१ तीमोथी 3:13 Iomraidhean Croise

लुका 19:17

राजाइ ओउकाय तोआथय, ‘स्‍याबास, ङाको पेओ नोकर! धइतिदाह्‍य्‌सा नाङ आन मयो कुराहाङमा बिस्‍वासिलो स्‍याउतेआ, द्‍याह ङाइ नाङकाय दस सहरको हाकिमि जाह्ङ्‍नेनाङ।’

खबरदुत 21:35

जब पावल ब्‍यारेकको तेकनहाङ दाहा, मान्‍तालमको हुल माहा जोक्‍तो रिस वाङोझ्‍यान्‍ते सेनालमइ पावलकाय च्‍युन्‍ति आःलाकानि।

खबरदुत 6:15

अनि ताह्‍ङो सभाको जुदा सदस्‍यलमइ स्‍तिफनसकाय ताङ्‌ति योआकानि र ओउमयइ ओउको रुप लाङकादुतको लेखा प्‍लिह्‍ङ्‌तिमुओ च्‍यवाकानि।

खबरदुत 6:5

मुख्‍य चेलालमको इ कुराकाय जुदाले झाकाकाय, र ओउमयइ परमेस्‍वरकाय जोक्‍तो बिस्‍वास जाह्‍ङो र पबित्र ग्‍वालामइ भरपुर स्‍यावो स्‍तिफनस, फिलिप, प्रखरस, निकनोर, तिमोन, पर्‌मिनास, र लोन्‍हे यहुदि धर्‌म मानओ एन्‍तिओखियाको निकोलस त तोओ मान्‍ताकाय छ्‍युह्‍ङाकानि।

खबरदुत 6:8

परमेस्‍वरइ स्‍तिफनसकाय मान्‍तालमको माझहाङ ग्‍याह्‍ङ्‌सिओ काम र चिनोलम जाह्‍ङ्‍साको लागि जिःङ बइसास्‍यावा।

१ थेसलोनिकि 2:2

नि इहाङ थेसलोनिकेताङ वाङोसय ङ्‍हा, फिलिप्‍पि सहरको मान्‍तालमइ निकाय ओहाङ गच्‍युक पेमातो दुख बयाताङ्‍सु, र गतहाइति निकाय बेइजत जाह्‍ङाताङ्‍सु त दाह्‍यो कुरामा निङइ चिःओले मुतेनय। तर ओहाङ गच्‍युकले निको बिरोत स्‍याउयाकायमा, निङकाय परमेस्‍वरको पेओ खबर प्रचार जाह्‍ङ्‍साको लागि परमेस्‍वरइ निकाय साहस बइसास्‍यावो मुलेना।

१ तीमोथी 3:14

देङे ङा नाङकाय इ चिथि लेखधय मुनाङ, र रेह्‍न्‌तोले नाङकहाङ वाङाक्‍तिको नाङकाय क्रुस्‍सा ङाइ आसा जाह्‍ङो मुनाङ।

२ तीमोथी 2:1

ङाको लयको राप्‍तो चोः लेखाले ताह्‍ङो तिमोथि, परमेस्‍वरइ नाङको लागि येसु ख्रिस्‍तहाङ बइसास्‍यावो अनुग्रह दुवारा नाङ बल्‍यो स्‍याव।