१ तीमोथी 3:10 - चेपाङ

¹⁰ ओउमयकाय दिकनको रुपहाङ छ्‍युह्‍ङ्‍सासय ङ्‍हाखे ओउमयको जाच स्‍याउसा परना। अनि जाच जाह्‍ङ्‍तोकहाङ ओउमयको दोह गल्‍तिमा ङाइल त खेयाकाय मात्र ओउमयइ दिकनको रुपहाङ सेवाको काम जाह्‍ङ्‍सा खाइनानि।

१ तीमोथी 3:10 Iomraidhean Croise

१ तीमोथी 3:13

दिकनको रुपहाङ पेतोकुसि सेवा जाह्‍ङो मान्‍तालमइखे अरु मान्‍तालमकसय मान-सम्‍मान दोःलेनय, र लयमयइ ख्रिस्‍त येसुहाङ जाह्‍ङो बिस्‍वासको बारेहाङ साहसकुसि मान्‍तालमकाय तोसा खाइलेनानि।

१ तीमोथी 3:2

ओउतझ्‍यान्‍ते मन्‍दलिको अगुवाखे सुइमा गाल बइसा खाइमातो स्‍याउसा परना। ओउखे यातयज्‍यो मात्र माचाको पाचा स्‍याउसा परना, र ओउखे लयको मन र रुवाङको अनुसासनहाङ मुसा खाइसा परना। ओउतले ओउखे मान-सम्‍मान दोःसा ज्‍योतो स्‍याउसा परना, अनि अरुको सेवा-सत्‍कार जाह्‍ङ्‍सा, र अरुकाय पेतो स्‍यान्‍सा खाइतो स्‍याउसा परना।

१ तीमोथी 3:6

अगुवाखे भखर मात्र प्रभुहाङ बिस्‍वास जाह्‍ङो नया बिस्‍वासि स्‍याउसा स्‍याउल, ओउत स्‍याउना त खेयापाय ओउ ङाःनास र दुस्‍त सय्‍तानइ लय ङाःतोक बेलाहाङ परमेस्‍वरकसय दन्‍द दोःओ लेखाले ओउइमा दन्‍द दोःलेना।

१ तीमोथी 5:22

कुनय मान्‍ताकाय मन्‍दलिको अगुवाको रुपहाङ छ्‍युह्‍ङ्‍सासय ङ्‍हा, चाहओच्‍युक समय लेःति ओउकाय जाच जाह्‍ङु। यदि नाङइ ओउकाय हतारहाङ छ्‍युह्‍ङ्‍तेनउ र ओउइ पाप जाह्‍ङ्‍नउ त खेया, नाङमा ओउइ जाह्‍ङो पापको भागिदार स्‍याउलेतेना। ओउतझ्‍यान्‍ते अरुइ जाह्‍ङो पापको भागिदार स्‍याउजेलाम, बरु लयको रुवाङकाय सधय सुद्‍ध गमु।