१ तीमोथी 2:8 - चेपाङ

⁸ ओउतझ्‍यान्‍ते आराधना जाह्‍ङो हरेक थाउलमहाङ गोय्‍चो मान्‍तालमइखे ल-लयको पबित्र क्रुत लाङकाताङ च्‍युनाक्‍तिको यात-अर्‌काकुस रिस वाङ्‍काइमात र बिबाद जाह्‍ङ्‍काइमात प्राथना जाह्‍ङ्‍पानानि त दाह्‍यो ङा चाहनाङ।

१ तीमोथी 2:8 Iomraidhean Croise

लुका 23:34

ओहाङसयको येसुइ परमेस्‍वरकाय तोसास्‍यावा, “अ आपा, इ मान्‍तालमकाय छेमा बइसास्‍याउपाना, धइतिदाह्‍य्‌सा इमयइ दोह जाह्ङ्‍धय मुनय, ओउ इमयइ चिःनिलि।” अनि सिपाहिलमइ येसुको लावनायको लागि चित्‍था आपाकानि र लयमयको लागि वेःकायाकाय।

लुका 24:50

ओहाङसयको येसुइ चेलालमकाय यरुसलेम सहरसय बेथानिया त तोओ गाउताङ आःल्‌सास्‍यावा। ओहाङ दाहापछि येसुइ लयको क्रुत च्‍युन्‍ति ओउमयकाय आसिक बइसास्‍यावा।

खबरदुत 10:2

कर्‌नेलियस धर्‌मि मान्‍ता खेतो। ओउ र ओउको जुदा माचरलमइ परमेस्‍वरको भक्‍ति जाह्‍ङ्‌नितो। ओउइ म्रोतिले यहुदि गरिबलमकाय सहयोग जाह्‍ङुतो र परमेस्‍वरकाय सधय प्राथना जाह्‍ङुतो।

खबरदुत 10:31

ओउइ ङाकाय तोआताङ, ‘अ कर्‌नेलियस, परमेस्‍वरइ नाङको प्राथना साइसास्‍यावो मुना र नाङइ गरिबलमकाय सहयोग जाह्ङो कुरा चिःसास्‍यावो मुना।

खबरदुत 10:4

कर्‌नेलियस जोक्‍तो ग्‍याह्‍ङा र लाङकादुतकाय योओको योओ स्‍यावा, ओउइ ह्‍वताकान, “प्रभु, इ जुदा दोह खेना र?” अनि लाङकादुतइ जवाफ बयाथय, “परमेस्‍वरइ नाङको प्राथना साइसास्‍यावो मुना र नाङइ गरिबलमकाय सहयोग जाह्ङो कुरा चिःसास्‍यावो मुना।

खबरदुत 21:5

तर जब निको ओहाङ मुसा परओ समय द्‍योका, ओउमयकसय वेङ्‍कायाक्‍तिको नि लयको ल्‍यामताङ वाहालाङ्‍सु। ओउमय ल-लयको माचालम, चोः चोःद्‍याङलम लात्‍ति निकुसि सहरको बाहिर तिःको किनारसम्‍मले वाङाकाय, ओहाङ निइ क्र्‍योःङ घ्रुस्‍ति प्राथना जाह्‍ङालाङ्‍सु।

खबरदुत 7:60

अनि ओउ घ्र्‍योका र हिह्‌ति दाह्‍या, “अ प्रभु, ओउमयइ जाह्‍ङो इ कामको गाल, ओउमयकाय बइजेलाम।” अनि उच्‍युक नोःति भ्‍याआपछि, ओउ सिमाआ।

१ थेसलोनिकि 1:8

धइतिदाह्‍य्‌सा निङको कारनइले माकेदोनिया र अखइया इलाकाभरि प्रभुको आखर प्रचार स्‍यावो खेना। अनि देङेखे निङइ परमेस्‍वरहाङ गमो बिस्‍वासको खबरमा जुदा थाउको मान्‍तालमइले चिःति खायो मुनय। ओउतझ्‍यान्‍ते ओउ मान्‍तालमकाय इ बिसयहाङ अरु नाःतो तोसाकाय नि आबस्‍यक ताःङसुलु।

१ तीमोथी 5:14

ओउतझ्‍यान्‍ते ओउ मयो उमेरको राङ्‌गि मोम्‍चोलमइखे फेरि बिह्‍या जाह्‍ङो, चोः चोःद्‍याङलम नाःओ, र ल-लयको किम स्‍याहार जाह्‍ङो ङा चाहनाङ। ओउतस्‍याउतोक बेलाहाङ बइरिलममा ओउमयको बिरोतहाङ नोःसा खाइलेनिलि।

तीतस् 3:8

ङाइ तोओ इ कुरालमखे बिस्‍वास जाह्‍ङ्‍सा ज्‍योओ सत्‍य कुराले खेना। बिसेस जाह्‍ङ्‌ति नाङइखे ङाइ तोओ इ कुरालम मान्‍तालमइ पेतोकुसि चिःतोसम्‍म स्‍यानो ङा चाहनाङ। ओउतस्‍याउतोक बेलाहाङ परमेस्‍वरहाङ बिस्‍वास जाह्‍ङो मान्‍तालम पेओ कामलम जाह्‍ङ्‍साको लागि होसियार स्‍याउलेनय। ओउ कुरालमखे जुदा मान्‍तालमको लागि पेतो र फाइदाको लागि स्‍याउलेना।