१ तीमोथी 2:7 - चेपाङ

⁷ ओउतझ्‍यान्‍ते अरु जातिको मान्‍तालमकाय बिस्‍वास र सत्‍यको इ खबर तोति बइसाको लागि परमेस्‍वरइ ङाकाय प्रचारक र खबरदुतको रुपहाङ छ्‍युह्‍ङ्‍सास्‍यावा। ङाइ तोओ कुराखे सत्‍यले खेना, ङाइ माःओ नाःङल।

१ तीमोथी 2:7 Iomraidhean Croise

खबरदुत 14:27

ओउनिस एन्‍तिओखियाहाङ द्‍याह्‍न्‌ति दाहापछि, मन्‍दलिको जुदा बिस्‍वासिलमकाय गोत्‍ति यात थाउहाङ हुमाकाचु। अनि परमेस्‍वरइ गतहाइति लयनिस दुवारा काम जाह्‍ङ्‍सास्‍यावा र गतहाइति अरु जातिको मान्‍तालमकाय येसुहाङ बिस्‍वास जाह्‍ङ्‍ताक्‍सास्‍यावा त दाह्‍यो जुदा कुरा ल्‍हाक्‍ति छ्‍यानाकाचु।

खबरदुत 22:21

तर प्रभुइ ङाकाय तोसास्‍यावा, ‘आल, धइतिदाह्‍य्‌सा ङाइ नाङकाय अरु जातिको मान्‍तालमकहाङ माहा लोक्‍तोले ल्‍होक्‍नेनाङ।’”

खबरदुत 26:20

ङ्‍हाखे ङाइ दमस्‍कसको मान्‍तालमकाय, अनि यरुसलेम र जुदा यहुदियाभरिको मान्‍तालमकाय प्रचार जाह्‍ङालाङ। ओहाङसयको लोन्‍हे, अरु जातिको मान्‍तालमकहाङ आलाक्‍तिको लयको पापको पस्‍ताप जाह्‍ङ्‌ति परमेस्‍वरकताङ द्‍याह्‍न्‌न, र लयइ जाह्‍ङो पेओ कामलम दुवारा लय परिवर्‌तन स्‍यावोको प्रमान बइनु त दाह्‍य्‌ति तोआलाङ।

खबरदुत 9:15

तर प्रभुइ हननियाकाय तोसास्‍यावा, “आल, धइतिदाह्‍य्‌सा ङाको सेवा जाह्‍ङ्‍सा, र अरु जातिको मान्‍तालम, राजालम, र इस्राएलको मान्‍तालमकाय ङाको मय्‍ङ प्रचार जाह्‍ङ्‍साको लागि ङाइ ओउकाय छ्‍युह्‍ङो खेनाङ।

२ तीमोथी 1:11

मान्‍तालमकाय ओउ पेओ खबर तोति बइसाको लागिले परमेस्‍वरइ ङाकाय प्रचारक, खबरदुत र गुरुको रुपहाङ छ्‍युह्‍ङ्‍सास्‍यावो खेना।