१ तीमोथी 2:6 - चेपाङ

⁶ जुदा मान्‍तालमकाय ओउमयको पापलमसय दल्‍ताक्‍साको लागि येसुइ बलिदानको रुपहाङ लयको रुवाङ बइसास्‍यावा। इखे परमेस्‍वरइ सङ्‍सारको मान्‍तालमकाय सहि समयहाङ बइसास्‍यावो खबर खेना।

१ तीमोथी 2:6 Iomraidhean Croise

मर्‌कस् 1:15

येसुइ तोसास्‍यावा, “परमेस्‍वरइ बाचा जाह्‍ङ्‍सास्‍यावो समय वाङ्‌तिखायो मुना, र रेह्‍न्‌तोले परमेस्‍वरइ राजा स्‍याउति राज्‍य जाह्‍ङ्‍सास्‍याउलेना। निङइ लयको पापको पस्‍ताप जाह्‍ङ्‍नु र परमेस्‍वरको पेओ खबरहाङ बिस्‍वास जाह्‍ङ्‍नु।”

मर्‌कस् 10:45

धइतिदाह्‍य्‌सा ङा मान्‍ताको चोःमा सेवा दोःसाको लागि खेल, तर सेवा जाह्‍ङ्‍साको लागि र नाःतो मान्‍तालमइ छुत्‍कारा दोःपनय त दाह्‍य्‌ति लयको रुवाङ बइसाको लागि वाङो खेनाङ।”

२ थेसलोनिकि 1:10

इ कुराखे प्रभु येसु लयकहाङ बिस्‍वास जाह्‍ङो लयको मान्‍तालमकसय सम्‍मानित स्‍याउलाङ वाङ्‍तोक बेलाहाङ स्‍याउलेना, अनि ओउमय मध्‍येहाङ निङमा परतेनय, धइतिदाह्‍य्‌सा निइ निङकाय तोओ कुराहाङ निङइमा बिस्‍वास जाह्‍ङ्‍तेआकानि। अनि ओउतस्‍याउतोक बेलाहाङखे प्रभु येसुहाङ बिस्‍वास जाह्‍ङो जुदा मान्‍तालम ग्‍याह्‍ङ्‍तो स्‍याउलेनय।

१ तीमोथी 6:15

धइतिदाह्‍य्‌सा परमेस्‍वर मात्र राजालमकोमा राजा, प्रभुलमकोमा प्रभु, र निको सासक खेसास्‍याउना। ओउ परमेस्‍वरइले ख्रिस्‍त येसुकाय सहि समयहाङ निकहाङ थालाङ ल्‍होक्‍सास्‍याउना।

२ तीमोथी 1:8

ओउतझ्‍यान्‍ते निको प्रभुको बारेहाङ मान्‍तालमकाय गभाइ बइसा जुगाङमा रासलाम, अनि ओउतले ङा प्रभुको लागि झेलकनहाङ परओको बारेहाङमा रासलाम। बरु ङाकुसले पेओ खबरको लागि दुख दोःसाकाय तयार स्‍याव, अनि ओउ दुख सहसाको लागिखे परमेस्‍वरइले जिःङ बइसास्‍याउलेना।

तीतस् 1:3

र देङेखे, मान्‍तालमइ लयको पेओ खबर चिःपानानि त दाह्‍य्‌ति परमेस्‍वरइ सहि समयहाङले निर्‌नय जाह्‍ङ्‍सास्‍यावा। ओउ आखर घोसना जाह्‍ङ्‍सा अधिकारखे परमेस्‍वरइ बिस्‍वास दुवारा ङाकाय सुम्‍पति बइसास्‍यावा, र निको मुक्‍तिदाता परमेस्‍वरइ आग्‍या जाह्‍ङ्‍सास्‍यावो अनुसारले ङाइ ओउ पेओ खबरको प्रचार जाह्‍ङ्‍नाङ।

तीतस् 2:14

निकाय जुदा खालको पापलमसय छुत्‍कारा बइसा, र निको ल्‍हुङतुककाय सुद्‍ध जाह्‍ङ्‍साको लागि येसुइ बलिदानको रुपहाङ लयको रुवाङले बइसास्‍यावा। येसुइखे निकाय लयको मान्‍ता स्‍यावो र पे-पेओ कामलम जाह्‍ङ्‍सा मात्र झाको चाहसास्‍यावोझ्‍यान्‍ते ओउत जाह्‍ङ्‍सास्‍यावो खेना।