१ तीमोथी 2:4 - चेपाङ

⁴ जुदा मान्‍तालमइ मुक्‍ति दोःओ र लयको सत्‍यताको बारेहाङ चिःओ परमेस्‍वर चाहसास्‍याउना।

१ तीमोथी 2:4 Iomraidhean Croise

मर्‌कस् 16:15

अनि येसुइ चेलालमकाय तोसास्‍यावा, “सङ्‍सारको जुदा थाउहाङ आल्‍न, र जुदा मान्‍तालमकाय ङाको पेओ खबर प्रचार जाह्‍ङ्‍नु।

लुका 1:77

परमेस्‍वरइ गतहाइति लयको मान्‍तालमको पाप छेमा जाह्‍ङ्‍सास्‍याउना, र दल्‍ताक्‍सास्‍याउना त दाह्‍यो कुरा नाङइ ओउमयकाय तोतेनउ।

लुका 14:23

अनि मालिकइ ओउ नोकरकाय तोआथय, ‘सहरसय बाहिरताङ आल्‍ति मुलल्‍याम र गल्‍लिलमहाङ मान्‍तालमकाय बोःङु। ओहाङ मुओ जुदा मान्‍तालमकाय इहाङ वाङ्‍तो जाह्‍ङु, ङाको किम मान्‍तालमइ ब्‍लिङो स्‍याउसा परना।

लुका 24:47

ख्रिस्‍तको मय्‍ङहाङ पस्‍ताप जाह्‍ङोलमकाय प्रभु परमेस्‍वरइ पापको छेमा बइसास्‍याउना त दाह्‍यो कुरा यरुसलेम सहरसय सुरु जाह्‍ङ्‌ति जुदा जातिको मान्‍तालमकाय प्रचार जाह्‍ङ्‍साले परना।

१ तीमोथी 4:10

निइ माहा जोक्‍तो मेहेनतकुसि काम जाह्‍ङ्‍नातह्‍य्‌नि, धइतिदाह्‍य्‌सा निइ जिउदो परमेस्‍वरकहाङ आसा-भरोसा गमो मुनातहि। ओउ परमेस्‍वरखे जुदा मान्‍तालमको, र बिसेस जाह्‍ङ्‌ति बिस्‍वास जाह्‍ङोलमको मुक्‍तिदाता खेसास्‍याउना।

२ तीमोथी 2:25

ओउमयइखे लयको बिरोत जाह्‍ङो मान्‍तालमकाय अर्‌थि बइतोकहाङ नम्र स्‍याउति बेबहार जाह्‍ङ्‍सा परना। सायद ओउत हाइतोकहाङ परमेस्‍वरइ ओउ बिरोत जाह्‍ङो मान्‍तालमको ल्‍हुङतुककाय परिवर्‌तन जाह्‍ङ्‍सास्‍याउना, र ओउमयइ परमेस्‍वरको सत्‍यताकाय चिःसा खाइनानि।

२ तीमोथी 3:7

ओउ मोम्‍चोलम केहि नया कुरा चिःसापाय चाहनय, तर सत्‍य कुराकायखे गलमा चिःसा खाइलेनिलि।

तीतस् 1:1

इ चिथिखे परमेस्‍वरको सेवक अथबा येसु ख्रिस्‍तको खबरदुत ङा पावलको तर्‌फसय खेना। परमेस्‍वरइ छ्‍युह्‍ङ्‍सास्‍यावो मान्‍तालम गतहाइति परमेस्‍वरकहाङ बिस्‍वासिलो स्‍याउति मुसा परना, र गतहाइति परमेस्‍वर झाक्‍तो स्‍याउति याक्‍सा परना त दाह्‍यो सत्‍य कुरा ओउमयकाय चिःताक्‍साको लागि सहयोग जाह्‍ङ्‍लाङ परमेस्‍वरइ ङाकाय ल्‍होक्‍सास्‍यावो खेना।

तीतस् 2:11

धइतिदाह्‍य्‌सा जुदा मान्‍तालमइ मुक्‍ति दोःपनय त दाह्‍य्‌ति परमेस्‍वरइ लयको अनुग्रह छ्‍यान्‍ति बइसास्‍यावो मुना।