१ तीमोथी 2:1 - चेपाङ

¹ तिमोथि, ङ्‍हाखेपाय जुदा मान्‍तालमकाय प्राथना जाह्‍ङ्‍साको लागि ङाइ नाङ र अरु बिस्‍वासिलमकाय बिन्‍ति जाह्‍ङ्‍नेनाङ्‍स। ओउमयकाय सहयोग जाह्‍ङ्‍सा र आसिक बइताक्‍साको लागि निङइ परमेस्‍वरकाय बिन्‍ति जाह्‍ङ्‍नु, र ओउमयको लागि परमेस्‍वरकाय धन्‍नेबाद बइनु।

१ तीमोथी 2:1 Iomraidhean Croise

खबरदुत 17:30

उहिलेको समयहाङ मान्‍तालमइ परमेस्‍वरको बारेहाङ चिःमालोझ्‍यान्‍ते परमेस्‍वरइ ओउमयको पेमालो कामकाय छेमा जाह्‍ङ्‍सास्‍यावा। तर देङेखे ल-लयको पेमालो कामकाय फेति ङाकताङ द्‍याह्‍न्‌ति वाङ्‍पनय त दाह्‍य्‌ति ल्‍हाउदयबाङको जुदा मान्‍तालमकाय परमेस्‍वरइ आग्‍या जाह्‍ङ्‍सास्‍यावो मुना।

१ थेसलोनिकि 3:12

निइ निङकाय रापो लेखाले, प्रभु येसुइ निङ यात-अर्‌काकाय राप्‍काइसाको लागि र अरु जुदा मान्‍तालमकाय राप्‍साको लागि निङको रापमयकाय झन् नाःतो जाह्‍ङ्‌ति बइतेपनय।

२ थेसलोनिकि 1:3

ङाको राप्‍तो बिस्‍वासि होयालम, निइखे सधय निङको लागि परमेस्‍वरकाय धन्‍नेबाद बइसाले परनाङ्‍सु। अनि एत हाइसाखे निको लागि पेतो स्‍याउलेना, धइतिदाह्‍य्‌सा परमेस्‍वरहाङ निङको बिस्‍वास, र यात-अर्‌काको लागि निङको रापमय झन् नाःतो स्‍याउधय आलो मुना।

१ तीमोथी 2:4

जुदा मान्‍तालमइ मुक्‍ति दोःओ र लयको सत्‍यताको बारेहाङ चिःओ परमेस्‍वर चाहसास्‍याउना।

१ तीमोथी 5:5

लयको सुमा नाःमालो राङ्‌गि मोम्‍चोइखे लयको आसा-भरोसा परमेस्‍वरकहाङ मात्र गमो स्‍याउना। र ओउइ दिन-याह्‌दिङ त मा दाह्‍य्‌मात लयको सहयोगको लागि परमेस्‍वरकाय प्राथना जाह्‍ङ्‌तिले मुओ स्‍याउना।

२ तीमोथी 2:24

प्रभुको सेवकलमइखे कायकायो काम जाह्‍ङ्‍सास्‍याउल, बरु जुदा मान्‍तालमकुसले नम्र स्‍याउति बेबहार जाह्‍ङ्‍सा परना। अनि ओउमयखे परमेस्‍वरको सत्‍यताकाय पेतोकुसि स्‍यान्‍साखायो गुरु, र लयको बिरोत जाह्‍ङो मान्‍तालमकुसमा मिलति मुसाखायो मान्‍ता स्‍याउसा परना।

तीतस् 2:11

धइतिदाह्‍य्‌सा जुदा मान्‍तालमइ मुक्‍ति दोःपनय त दाह्‍य्‌ति परमेस्‍वरइ लयको अनुग्रह छ्‍यान्‍ति बइसास्‍यावो मुना।

तीतस् 3:2

ओउमयइ सुकायमा पेमालो दुस्‍त कुरालम तोजेलाम, र सुकुसिमा कायकायो काम जाह्‍ङ्‍जेलाम। बरु नम्र स्‍याउति जुदाकुसिले मिलति मुजेपनय।