१ तीमोथी 1:7 - चेपाङ

⁷ ओउमय परमेस्‍वरइ मोसा दुवारा बइसास्‍यावो नेम-कानुनको गुरु स्‍याउसा बोःङ्‍नानि, र जुदा कुरा लयमयइले चिःओलेखा हाइति चिःरेउ मःन्‌ति नोःनय, तर नि दोह कुराको बारेहाङ नोःधय मुनातहि त दाह्‍यो कुराले ओउमयइ चिःनिलि।

१ तीमोथी 1:7 Iomraidhean Croise

लुका 2:46

बोःङ्‍दा-बोःङ्‍दा सुम दिनहाङ चोःकाय परमेस्‍वरको मन्‍दिरहाङ क्रुसाकाचु, येसुपाय यहुदि धर्‌मगुरुलमकुस ब्रक्‍तले मुति ओउमयको कुरा साइधय र ह्‍वत्‍धय मुसास्‍यावो खेतो।

खबरदुत 15:1

पावल र बर्‌नबास सिरियाको एन्‍तिओखियाहाङ मुतोक बेलाहाङ, केहि मान्‍तालम यहुदियासय ओहाङ वाङ्‌ति बिस्‍वासिलमकाय एतदाह्‍य्‌ति स्‍यान्‍सा फाःङाकानि, “परमेस्‍वरइ मोसा दुवारा बइसास्‍यावो नेम-कानुनइ तोओ अनुसार खतना जाह्‍ङ्‍माच्‍युकसम्‍म निङइ मुक्‍ति दोःसाले खाइतेनिलि।”

१ तीमोथी 6:4

ओउ बेग्‍लय खालको स्‍यानराय स्‍यानो मान्‍तालमखे लयमयले ङाःनाइसि, तर ओउमयइ दोङ्‌सिले दोह कुरामा चिःओ स्‍याउलेल। ओउतताह्‍ङो मान्‍तालमखे समस्‍या वान्‍सा झाक्‍नय र अनाबस्‍यक कुरालमहाङ बहस जाह्‍ङ्‍सा चाहनय। ओउतताह्‍ङो बेबहारइखे मान्‍तालमको माझहाङ चोःर्‌कायो, कायकायो, बेइजत र पेमालो सङ्‍खा मात्र वान्‍नउ।

२ तीमोथी 3:7

ओउ मोम्‍चोलम केहि नया कुरा चिःसापाय चाहनय, तर सत्‍य कुराकायखे गलमा चिःसा खाइलेनिलि।