१ तीमोथी 1:5 - चेपाङ

⁵ ङाइ नाङकाय आग्‍या जाह्‍ङोको मुख्‍य उदेस्‍यखे ओउ मान्‍तालम लयमय बाद-बिबाद जाह्‍ङ्‍काइसा स्‍याउल, बरु यात-अर्‌काकाय राप्‍काइसा परना त तोओ खेना। अनि इ रापमयखे सुद्‍ध ल्‍हुङतुक, पेओ बिचार, र सत्‍य बिस्‍वाससय वाङो स्‍याउसा परना।

१ तीमोथी 1:5 Iomraidhean Croise

खबरदुत 15:9

परमेस्‍वरइ यहुदि र अरु जातिको मान्‍तालमको माझहाङ छति बेबहार जाह्‍ङ्‍सास्‍यावो नाःल, धइतिदाह्‍य्‌सा निइ येसुहाङ बिस्‍वास जाह्‍ङो कारनइले परमेस्‍वरइ निको ल्‍हुङतुक सुद्‍ध जाह्‍ङ्‍सास्‍यावा, ओउतले परमेस्‍वरइ ओउमयको ल्‍हुङतुककायमा सुद्‍ध जाह्‍ङ्‍सास्‍यावा।

खबरदुत 23:1

पावलइ ताह्‍ङो सभाको मान्‍तालमकाय जुःति योआक्‍तिको तोआकान, “ङाको इस्राएलि हउचोङ-पुःचोङलम, तेनको दिनसम्‍म परमेस्‍वरको ङ्‍हा ङाइ लयको रुवाङ सुद्‍ध बिचारकुसिले हुतो खेनाङ।”

खबरदुत 24:16

ओउतझ्‍यान्‍ते ङाइ परमेस्‍वर र मान्‍तालमको ङ्‍हा सधय सुद्‍ध मनको स्‍याउसा कोसिस जाह्‍ङ्‍नाङ।

१ तीमोथी 1:18

तिमोथि, नाङ ङाको लयको चोः लेखाले खेतेना, ओउतझ्‍यान्‍ते केहि अगमबक्‍तालमइ नाङको बारेहाङ नोःओ अगमबानि अनुसार ङाइ नाङकाय इ आग्‍या बइनेनाङ। ओउ अगमबानिइ नाङकाय प्रभुको लागि युद्‍ध जाह्‍ङ्‍साको लागि साहस बइतेपाना।

१ तीमोथी 1:19

लयको बिस्‍वासकाय ख्रिस्‍तहाङ गम्‍ति सुद्‍ध बिबेक अनुसार काम जाह्‍ङु। धइतिदाह्‍य्‌सा गच्‍युक मान्‍तालमइ लयको बिबेककाय इन्‍कार जाह्‍ङोझ्‍यान्‍ते ख्रिस्‍तहाङ लयको बिस्‍वासकाय दल्‍ताक्‍ति गम्‍सा खाइनिलि।

१ तीमोथी 3:9

ओउमयकुस सुद्‍ध बिचार स्‍याउसा परना, र परमेस्‍वरइ छ्‍यान्‍सास्‍यावो सत्‍य आखरकाय ओउमयइ पेतोकुसि बिस्‍वास जाह्‍ङ्‍सा परना।

२ तीमोथी 1:3

तिमोथि, जब ङाइ नाङकाय दिनखामा याह्‌दिङखामा ङाको प्राथनाहाङ सम्‍झनेनाङ, ङाको पुर्‌खालमइ जाह्‍ङोलेखा ङाइ सुद्‍ध मनकुसि सेवा जाह्‍ङो परमेस्‍वरकाय ङाइ धन्‍नेबाद बइनाङ।

२ तीमोथी 1:5

ङाइ नाङकहाङ मुओ सत्‍य बिस्‍वासकाय सम्‍झनाङ, ओउ बिस्‍वासखे नाङको बजे लोइस र नाङको आमा युनिसकहाङमा खेतो। अनि ओउतताह्‍ङो बिस्‍वास अझले नाङकुस मुलेना त दाह्‍यो कुराहाङ ङा पक्‍का मुनाङ।

२ तीमोथी 2:22

ओउतझ्‍यान्‍ते लयको जवानिपनको पेमालो इच्‍छ्‍यालमकाय फेउ। अनि सुद्‍ध मनकुसि प्रभुको भक्‍ति जाह्‍ङो मान्‍तालमकुस मिलति परमेस्‍वर झाक्‍तोको धर्‌मि रुवाङ याक्‍सा कोसिस जाह्‍ङु, बिस्‍वासिलो स्‍याव, अरु मान्‍तालमकाय रापु र ओउमयकुस धोमाइतोकुसि याक।

तीतस् 1:15

सुद्‍ध ल्‍हुङतुक नाःओ मान्‍तालमको लागिखे जुदा थोकले सुद्‍ध स्‍याउलेना। तर भ्रस्‍त र अबिस्‍वासिलमको लागिखे दोह थोकमा सुद्‍ध स्‍याउलेल, धइतिदाह्‍य्‌सा ओउमयको मन, र पेओ र पेमालो चिःओ ग्‍यानले भ्रस्‍त स्‍याउतिखायो स्‍याउना।