१ तीमोथी 1:13 - चेपाङ

¹³ खेसापाय ङा ख्रिस्‍तको मय्‍ङको अपमान जाह्‍ङो, बिस्‍वासिलमकाय सतावत जाह्‍ङो, ङाःरेउ मान्‍ता खेङतो। तर ओउतताह्‍ङो कामलमखे ङाइ लयको अग्‍यानता र अबिस्‍वासहाङ जाह्‍ङोझ्‍यान्‍ते परमेस्‍वरइ ङाकाय योःन्‌सास्‍यावा।

१ तीमोथी 1:13 Iomraidhean Croise

लुका 12:47

लयको मालिकको ल्‍हुङतुकको इच्‍छ्‍या चिःतिमा जाह्‍ङ्‍सापरओ काम जाह्‍ङ्‍मालो सेवककायखे, मालिकइ ताह्‍ङो सजाय बइलेनउ।

लुका 23:34

ओहाङसयको येसुइ परमेस्‍वरकाय तोसास्‍यावा, “अ आपा, इ मान्‍तालमकाय छेमा बइसास्‍याउपाना, धइतिदाह्‍य्‌सा इमयइ दोह जाह्ङ्‍धय मुनय, ओउ इमयइ चिःनिलि।” अनि सिपाहिलमइ येसुको लावनायको लागि चित्‍था आपाकानि र लयमयको लागि वेःकायाकाय।

खबरदुत 22:4

ङाइ प्रभुको ल्‍यामकाय सुइकार जाह्‍ङो जुदा मान्‍तालमकाय सिच्‍युकसम्‍मले सतावत जाह्‍ङालाङ। ङाइ गोय्‍चोलम र मोम्‍चोलमकाय पक्रति झेलकनहाङ काआलाङ।

खबरदुत 3:17

ङाको होयालम, ङाइ चिःओ मुना, निङ र निङको सासकलमइ येसु सु खेसास्‍याउना त दाह्‍य्‌ति चिःमातले सातो खेतेनय।

खबरदुत 8:3

तर सावलइखे जुदा थाउहाङ आल्‍ति मन्‍दलिकाय म्‍हेत्‍ताक्‍सा फाःङाकान। ओउइ किम-किमहाङ पोक्‍धय बिस्‍वासि गोय्‍चो-मोम्‍चोलमकाय ह्रयुत्‍ति आःल्‌धय झेलकनहाङ कुङुतो।

खबरदुत 9:1

ओउतोक बेलासम्‍ममा सावलइ प्रभुको चेलालमकाय सात्‍साको लागि रइसितो दाङ्‍क बइधय वाह्‍धयमुओ खेतो। ओउतझ्‍यान्‍ते ओउ ताह्‍ङो पुजारिकहाङ आला,

खबरदुत 9:13

हननियाइ जवाफ बयाकान, “तर प्रभु, ओउ मान्‍ता र ओउइ नाङको मान्‍तालमकाय यरुसलेमहाङ जाह्‍ङो माहा पेमालो दुस्‍त कामलमको बारेहाङ नाःतो मान्‍तालमइ ङाकाय तोओ मुना।

खबरदुत 9:5

अनि ओउइ ह्‍वताकान, “प्रभु, नाङ सु खेसास्‍याउना र?” अनि ओउ हाउनय त्‍याङा, “ङा नाङइ सतावो येसु खेनाङ।

१ तीमोथी 1:16

तर ङा अरुलम भन्‍दा माहा पेमालो पापि खेयाकायमा परमेस्‍वरइ ङाकाय योःन्‌सास्‍यावा। ख्रिस्‍त येसुकहाङ जुदा पापि मान्‍तालमको लागि अजम्‍बरि धइरेता मुना, ओउतझ्‍यान्‍ते येसुइ ङाकाय लयको धइरेताको नमुना स्‍याउसाको लागि छ्‍युह्‍ङ्‍सास्‍यावो खेना। इखे अरु मान्‍तालमइमा येसुहाङ बिस्‍वास जाह्‍ङ्‌ति अजम्‍बरि रुवाङ दोःपनय त दाह्‍य्‌ति परमेस्‍वरइ जाह्‍ङ्‍सास्‍यावो खेना।