१ तीमोथी 1:11 - चेपाङ

¹¹ ओउ नेम-कानुनखे निको महान् परमेस्‍वरकसय वाङो महिमित पेओ खबर अनुसार पालन स्‍याउसापरना। अनि इ पेओ खबर मान्‍तालमकाय तोसाको लागि परमेस्‍वरइ ङाकाय छ्‍युह्‍ङ्‍सास्‍यावो मुना।

१ तीमोथी 1:11 Iomraidhean Croise

लुका 2:14

“जुदासय त्‍याःव लाङकाहाङ याक्‍सास्‍यावो परमेस्‍वरको महिमा स्‍याउपाना, अनि ल्‍हाउदयबाङहाङ सु मान्‍तालमकुस परमेस्‍वर म्रोसा स्‍याउना ओउमयखे ल्‍हुङ धोमाइतो स्‍याउपनय।”

१ थेसलोनिकि 2:4

बरु परमेस्‍वरइ निकाय ज्‍योतो ताःति पेओ खबर प्रचार जाह्‍ङ्‍साको लागि जिम्‍मेवारि बइसास्‍यावोझ्‍यान्‍ते निखे सधय परमेस्‍वरको इच्‍छ्‍या अनुसारले नोःनाङ्‍सु। निइपाय मान्‍तालमकाय आसताक्‍सा कोसिस जाह्‍ङ्‍ङसुलु, तर निको मनको बिचारकाय चिःसास्‍यावो परमेस्‍वरकायखे आसताक्‍सा कोसिस जाह्‍ङ्‍नाङ्‍सु।

१ तीमोथी 2:7

ओउतझ्‍यान्‍ते अरु जातिको मान्‍तालमकाय बिस्‍वास र सत्‍यको इ खबर तोति बइसाको लागि परमेस्‍वरइ ङाकाय प्रचारक र खबरदुतको रुपहाङ छ्‍युह्‍ङ्‍सास्‍यावा। ङाइ तोओ कुराखे सत्‍यले खेना, ङाइ माःओ नाःङल।

१ तीमोथी 6:15

धइतिदाह्‍य्‌सा परमेस्‍वर मात्र राजालमकोमा राजा, प्रभुलमकोमा प्रभु, र निको सासक खेसास्‍याउना। ओउ परमेस्‍वरइले ख्रिस्‍त येसुकाय सहि समयहाङ निकहाङ थालाङ ल्‍होक्‍सास्‍याउना।

१ तीमोथी 6:20

तिमोथि, परमेस्‍वरइ नाङको जिम्‍माहाङ बइसास्‍यावो सत्‍य आखरकाय पेतोकुसि सुरछ्‍या जाह्‍ङ्‌ति गमु। परमेस्‍वरको नजरहाङ महत्‍वको खेमालो कुरालम, र मान्‍तालमइ “ग्‍यान” त तोओ तर ओउखे परमेस्‍वरको सत्‍य आखरको बिरोतहाङ खेना त खेयाखे ओउतताह्‍ङो कुरा साइसाकाय इन्‍कार जाह्‍ङु।

२ तीमोथी 1:11

मान्‍तालमकाय ओउ पेओ खबर तोति बइसाको लागिले परमेस्‍वरइ ङाकाय प्रचारक, खबरदुत र गुरुको रुपहाङ छ्‍युह्‍ङ्‍सास्‍यावो खेना।

२ तीमोथी 1:14

परमेस्‍वरइ नाङकाय बिस्‍वास दुवारा सुम्‍पति बइसास्‍यावो सत्‍य आखरकाय, निकहाङ याक्‍सास्‍यावो पबित्र ग्‍वालामको जिःङ दुवारा पेतोकुसि सुरछ्‍या जाह्‍ङ्‌ति गमु।

२ तीमोथी 2:2

नाःतो साछिलमको माझहाङ ङाइ स्‍यानो स्‍यानरायपाय नाङइ सायोले मुतेना। द्‍याहखे नाङइ ओउ स्‍यानराय अरु मान्‍तालमकायमा स्‍यान्‍सा खायो बिस्‍वासिलो मान्‍तालमकाय स्‍यानु।

तीतस् 1:3

र देङेखे, मान्‍तालमइ लयको पेओ खबर चिःपानानि त दाह्‍य्‌ति परमेस्‍वरइ सहि समयहाङले निर्‌नय जाह्‍ङ्‍सास्‍यावा। ओउ आखर घोसना जाह्‍ङ्‍सा अधिकारखे परमेस्‍वरइ बिस्‍वास दुवारा ङाकाय सुम्‍पति बइसास्‍यावा, र निको मुक्‍तिदाता परमेस्‍वरइ आग्‍या जाह्‍ङ्‍सास्‍यावो अनुसारले ङाइ ओउ पेओ खबरको प्रचार जाह्‍ङ्‍नाङ।