१ तीमोथी 1:10 - चेपाङ

¹⁰ ओउतले इखे बेभिचारि मान्‍तालम, र गोय्‍चो-गोय्‍चो अथबा मोम्‍चो-मोम्‍चोको माझहाङ बेभिचार जाह्‍ङोलम, नोकरको रुपहाङ विःन्‌साको लागि मान्‍ताकाय अपहरन जाह्‍ङोलम, स्‍याताहा नोःओ र स्‍याताहा गभाइ बयोलम, र परमेस्‍वरको सत्‍य स्‍यानरायको बिरोतहाङ अरु कुरालम जाह्‍ङो मान्‍तालमको लागिमा जाह्‍ङो खेना।

१ तीमोथी 1:10 Iomraidhean Croise

१ तीमोथी 4:6

तिमोथि, यदि नाङइ इ कुरालमको बारेहाङ अरु बिस्‍वासिलमकाय पेतोकुसि तोतेनउ त खेया, नाङखे ख्रिस्‍त येसुको पेओ सेवकले स्‍याउतेना। अनि नाङइ पालन जाह्‍ङ्‍धय वाङो निको बिस्‍वासको पेओ स्‍यानरायइले नाङकाय बिस्‍वासहाङ बल्‍यो जाह्‍ङ्‍तेना।

१ तीमोथी 6:3

यदि कुनय मान्‍तालमइ बेग्‍लय खालको स्‍यानराय स्‍यान्‍नानि त खेया, ओउमयइखे निको प्रभु येसु ख्रिस्‍तको सत्‍य स्‍यानराय र निइ परमेस्‍वरकाय बइसा परओ भक्‍तिको स्‍यानरायकाय सुइकार जाह्‍ङो स्‍याउलेल।

२ तीमोथी 1:13

ङाइ नाङकाय स्‍यानो सत्‍य आखरकाय पेतोकुसि नमुनाको रुपहाङ ओमपाइति गमु। अनि नाङखे नाङकहाङ मुओ ख्रिस्‍त येसुको बिस्‍वास र रापमय अनुसार याक।

२ तीमोथी 4:3

धइतिदाह्‍य्‌सा मान्‍तालमइ परमेस्‍वरको सत्‍य स्‍यानरायकाय साइमालो समयमा वाङ्‌लेना। ओउमयखे लयको इच्‍छ्‍याको लोन्‍हे लागनय, र ओउमयइ लयमयको इच्‍छ्‍या अनुसारको कुरा तोतिबयो स्‍याताहा गुरुलमको कुराकाय साइनानि।

तीतस् 1:13

ओउ क्रेतको अगमबक्‍ताइ तोओ तोरायखे सत्‍यले खेना। ओउतझ्‍यान्‍ते ओउ क्रेतको मान्‍तालमकाय माहा जोक्‍तो जान्‍ति तोउ, र ओउतस्‍याउतोक बेलाहाङ ओउमयकाय बिस्‍वासहाङ पेतो स्‍याउताक्‍साकाय नाङइ सहयोग जाह्‍ङ्‍सा खाइतेपनउ।

तीतस् 1:9

मन्‍दलिको अगुवाखे निइ स्‍यानो परमेस्‍वरको सत्‍य स्‍यानरायकाय पेतोकुसि बिस्‍वास जाह्‍ङ्‌ति मुसाखायो मान्‍ता स्‍याउसा परना। ओउतखेयाकाय मात्र ओउ, अरु मान्‍तालमकाय सत्‍य कुरा तोति हउसला बइसा, र सत्‍य आखरको बिरोतहाङ नोःओ मान्‍तालमकाय निङ स्‍याताहा खेतेनय त दाह्‍य्‌ति तोसा ज्‍योतो स्‍याउना।