१ तीमोथी 1:1 - चेपाङ

¹ इ चिथिखे ङा पावलको तर्‌फसय खेना। निको मुक्‍तिदाता परमेस्‍वर र निइ आसा गमो ख्रिस्‍त येसुइले ङाकाय ख्रिस्‍त येसुको खबरदुत स्‍याउसाको लागि आग्‍या जाह्‍ङ्‍सास्‍यावो खेना।

१ तीमोथी 1:1 Iomraidhean Croise

लुका 1:47

र ङाको ग्‍वालाम ङाको मुक्‍तिदाता परमेस्‍वरहाङ चोङाइलेना।

लुका 2:11

तेन राजा दाउदको सहरहाङ निङको लागि मुक्‍तिदाता ख्रिस्‍त राजा नाःसास्‍यावो मुना। ओउले ख्रिस्‍त प्रभु खेसास्‍याउना।

खबरदुत 9:15

तर प्रभुइ हननियाकाय तोसास्‍यावा, “आल, धइतिदाह्‍य्‌सा ङाको सेवा जाह्‍ङ्‍सा, र अरु जातिको मान्‍तालम, राजालम, र इस्राएलको मान्‍तालमकाय ङाको मय्‍ङ प्रचार जाह्‍ङ्‍साको लागि ङाइ ओउकाय छ्‍युह्‍ङो खेनाङ।

२ थेसलोनिकि 2:16

निको प्रभु येसु ख्रिस्‍त लयइले अनि निकाय राप्‍सास्‍यावो र लयको अनुग्रहहाङ निकाय गलमा द्‍युम्‍मालो साहस र पेओ आसा बइसास्‍यावो निको परमेस्‍वर आपाइ,

१ तीमोथी 1:12

ङाकाय इ पेओ खबर प्रचार जाह्‍ङ्‍साको लागि जिःङ बइसास्‍यावो प्रभु येसु ख्रिस्‍तकाय ङा धन्‍नेबाद बइसा चाहनाङ। धइतिदाह्‍य्‌सा ख्रिस्‍त येसुइले ङाकाय बिस्‍वासिलो ताःति लयको सेवाको कामहाङ छ्‍युह्‍ङ्‍सास्‍यावा।

१ तीमोथी 2:3

ओउतताह्‍ङो प्राथनाखे माहा पेतो स्‍याउना र निको मुक्‍तिदाता परमेस्‍वरमा आससा स्‍याउना।

१ तीमोथी 2:7

ओउतझ्‍यान्‍ते अरु जातिको मान्‍तालमकाय बिस्‍वास र सत्‍यको इ खबर तोति बइसाको लागि परमेस्‍वरइ ङाकाय प्रचारक र खबरदुतको रुपहाङ छ्‍युह्‍ङ्‍सास्‍यावा। ङाइ तोओ कुराखे सत्‍यले खेना, ङाइ माःओ नाःङल।

१ तीमोथी 4:10

निइ माहा जोक्‍तो मेहेनतकुसि काम जाह्‍ङ्‍नातह्‍य्‌नि, धइतिदाह्‍य्‌सा निइ जिउदो परमेस्‍वरकहाङ आसा-भरोसा गमो मुनातहि। ओउ परमेस्‍वरखे जुदा मान्‍तालमको, र बिसेस जाह्‍ङ्‌ति बिस्‍वास जाह्‍ङोलमको मुक्‍तिदाता खेसास्‍याउना।

तीतस् 1:3

र देङेखे, मान्‍तालमइ लयको पेओ खबर चिःपानानि त दाह्‍य्‌ति परमेस्‍वरइ सहि समयहाङले निर्‌नय जाह्‍ङ्‍सास्‍यावा। ओउ आखर घोसना जाह्‍ङ्‍सा अधिकारखे परमेस्‍वरइ बिस्‍वास दुवारा ङाकाय सुम्‍पति बइसास्‍यावा, र निको मुक्‍तिदाता परमेस्‍वरइ आग्‍या जाह्‍ङ्‍सास्‍यावो अनुसारले ङाइ ओउ पेओ खबरको प्रचार जाह्‍ङ्‍नाङ।

तीतस् 2:10

अथबा लयको मालिकलमको दोह थोकलममा कुःजेलाम। ओउमयखे माहा जोक्‍तो इमान्‍दार र बिस्‍वासिलो स्‍याउसा परलेनय। ओउतखेयाकाय मात्र जुदा मान्‍तालमइ निको मुक्‍तिदाता परमेस्‍वरको बारेहाङ स्‍यानो कुरालमकाय ताह्‍ङ्‍तो मान-सम्‍मान जाह्‍ङ्‍लेनानि।

तीतस् 2:13

येसु ख्रिस्‍त लयको महान् महिमाकुस इ ल्‍हाउदयबाङहाङ द्‍याह्‍न्‌ति वाङ्‍साखेओ निको महान् आसाकाय ल्‍युह्‍ङ्‌ति मुतोकहाङ निखे ओउतहाइतिले याक्‍सा परनातहि। अनि ओउ येसु ख्रिस्‍तले निको महान् परमेस्‍वर र मुक्‍तिदाता खेसास्‍याउना।

तीतस् 3:4

तर निको मुक्‍तिदाता परमेस्‍वरइखे लयको योःन्‌मय र रापमय निकाय छ्‍यान्‍ति बइसास्‍यावा।

तीतस् 3:6

परमेस्‍वरइ निको मुक्‍तिदाता येसु ख्रिस्‍त दुवारा निकाय प्रसस्‍त मात्राहाङ पबित्र ग्‍वालाम बइसास्‍यावा।