१ थेसलोनिकि 5:23 - चेपाङ

²³ धोमायो बइसास्‍यावो परमेस्‍वरइले निङकाय हरेक अबस्‍थालमहाङमा पबित्र जाह्‍ङ्‍तेपनय। ओउ परमेस्‍वरइले निको प्रभु येसु ख्रिस्‍त द्‍याह्‍न्‌ति वाङ्‍माच्‍युकसम्‍म निङको जुदा ग्‍वालाम, प्रान र ज्‍यानकाय दोह गल्‍तिमा नाःमातो जाह्‍ङ्‌ति बइतेपनय।

१ थेसलोनिकि 5:23 Iomraidhean Croise

लुका 1:46

अनि मरियमइ प्रभु परमेस्‍वरको प्रसङ्‍सा जाह्ङ्‍धय एतदाह्‍य्‌ति मेआ— “ङाको ल्‍हुङतुकइ प्रभु परमेस्‍वरको प्रसङ्‍सा जाह्‍ङ्‍नउ,

खबरदुत 20:32

द्‍याह ङाइ निङकाय परमेस्‍वरको चरनहाङ र परमेस्‍वरको अनुग्रहको आखरहाङ सुम्‍पनेनाङ्‍स। इ आखरइखे निङकाय बिस्‍वासहाङ बल्‍यो जाह्‍ङ्‍तेनय र परमेस्‍वरइ लयको लागि छ्‍युह्‍ङ्‍सास्‍यावोलम मध्‍येहाङ लयको मान्‍ता स्‍याउसाकाय अधिकार बइतेनय।

खबरदुत 26:18

र नाङइ ओउमयको मिक फोल्‍ताक्‍ति ओउमयकाय च्‍याकोसय थोङोताङ र सय्‍तानको जिःङसय परमेस्‍वरकताङ द्‍याःन्‌सा परतेना। ओउत स्‍याउधार्‌ना ङाकहाङ जाह्‍ङो बिस्‍वास दुवारा सुद्‍ध स्‍यावो ओउमयइ लयमयको पापको छेमा र परमेस्‍वरको छ्‍युह्‍ङो मान्‍तालमको थाउ ओउमयइ दोःलेनय।’

१ थेसलोनिकि 2:19

धइतिदाह्‍य्‌सा निइ गमो आसा र नि चोङाइसाखेओको कारनखे निङले खेतेनय, र निको प्रभु येसु द्‍याह्‍न्‌ति वाङ्‍सास्‍याउतोक बेलाहाङखे निङको कारनइले निइ जाह्‍ङो कामहाङ नि ङाःसा खाइनाङ्‍सु।

१ थेसलोनिकि 3:11

निको परमेस्‍वर आपा र निको प्रभु येसुइले निङकताङ वाङ्‍साखेओ ल्‍याम निको लागि फेरिले तयार जाह्‍ङ्‌ति बइपाताङ्‍सु त दाह्‍य्‌ति प्राथना जाह्‍ङ्‌ति मुनाङ्‍सु।

१ थेसलोनिकि 3:13

ओउतले प्रभु येसुइ निङको बिस्‍वासकायमा बल्‍यो जाह्‍ङो स्‍याउपाना, अनि जब निको प्रभु येसु लयको जुदा पबित्र मान्‍तालमकुस द्‍याह्‍न्‌ति वाङ्‍सास्‍याउना, ओउतोक बेलाहाङखे परमेस्‍वर आपाको ङ्‍हा निङ पबित्र र दोह दोसमा नाःमातो स्‍याउतेपनय।

१ थेसलोनिकि 4:3

परमेस्‍वरखे निङ पबित्र स्‍यावो र जुदा खालको बेभिचारको पापसय पेतोकुसि दल्‍तिमुओ चाहसा स्‍याउलेना।

१ थेसलोनिकि 5:22

तर हरेक खालको पेमालो दुस्‍त थोकलमसयखे दल्‍तिले मुन।

२ थेसलोनिकि 3:16

धोमायो बइसास्‍यावो प्रभुइले निङकाय जुदा समय र हरेक अबस्‍थालमहाङमा धोमायो बइतेपनय। अनि प्रभु येसु निङ जुदाकुसले मुसास्‍याउपाना त दाह्‍य्‌ति ङाइ प्राथना जाह्‍ङ्‍नाङ।